Mâk 14:50 - To kə Kəzə̀ kə̀ Fughu ko

⁵⁰ Tsə̀təndə̄ghā tə wə̄n tə dzə̀m n daŋso nùghù zə̀ghàa tàʼà tsùghu wə̄n, nùghù tìnlo è tsughu.

Mâk 14:50 Iomraidhean Croise

Mâk 14:27

Yɛso n dzɛ̀ â ghee enyəa, “Ghɛ̀ ghən à dzə̀m lo tīi zə̀ghàan nù mugho, bòʼ ghe tɔm naŋa enyəa, ‘Ǹ lo zàʼà tsùghuu bàʼàtə̀ndzì, ndzì tə̀ lo daŋso tiī sɛ̂ɛ tsughu.’

Mâk 14:49

Sɛ̀ mò lo tsəgha a dzə̀m am Ndughu è Kə̀zə̀ è ne tsuʼu n tsùʼu Ǹ zoʼn ghî gho a fughu, ghɛ̀ ŋ kè kwu mugho. Yìa à sò lô enyəa ghəa ghən ki nû alesə̄ aleluesō tsughu fəgha kəla ghe tɔm naŋā am Mwàʼsò kə Kəzə̀.”

Mâk 14:51

Wɛ ù nùu ù lì, mò ù dzə̀là kèlê ndzʉ tə̀ dzùŋ tò a zəŋo ughùe m bwîi ndùw a bàâ Yɛso, ghe n nùghù kwu kɔʼ wə̄n,

Dzɔ̌n 16:32

Nəghā e te e fɛ e kpee mɛ̀ʼn wò nù, zə m bùʼ kpe aŋghəa ghɛ̀ lo tiī zəghaàn mugho à nəŋ ko a te; chìa e tii nughūun nduw ko alo wə̄n an ndughu. Mò mugho êzə bûʼ yò sugho mùghò â nəŋ ko, nu Tsele ù te lo tsəgha ko ghàʼ à wə̄n.

Dzɔ̌n 18:8

Yɛso m bɛ̀lɛ̀ ndùw ghee enyəa, “Mùghò n dzɛ̀ â ghɛ̀ enyəa à lò mugho wə̄n, Abugho à lò enyəa ghɛ̀ kəŋo mughò, zəghā nlò ghî ghə̀n gho to ghe nughù.”

2 Timotì 4:16

An nə̀gha e sûesʉ zəla ghe fə̀ nî nduw mugho an tia e sāʼ, ghùw ù lì ka fə bughò dzə̀ alebùghò yosò mùghò. Aghî à dzə̀m m fwə̀n tì zə̀ghàa tàʼà tsùghù mugho. Gɔ̂ŋ zaŋa e lo enyəa, to Zə̀ kə̀ mô ghuūw maʼà ghəa a ghee à biigh a te gho.