Mâk 14:24 - To kə Kəzə̀ kə̀ Fughu ko

²⁴ Ù ŋ kòom dzɛ̀ kpèʼe tsughu â ghee enyəa, “Tən lò kâŋ tə ŋkāa taŋa ghe kwə̂n fughu wo â ndə̀m è àghì aletsughū tsəlā tsughu Kàa ŋ Kə̀zə̀.

Mâk 14:24 Iomraidhean Croise

Mâk 10:45

Tɔŋlo enyəa Wɛ ù Ghùw ka mo bughò dzə̀ enyəa ghî ghə̀ è fwaʼā â wə̄n, ù mò laam bugho aledòʼò fə̀kɔ̀ɔ â ghì ghò, àsùghò alefughūu ndûw tuw kə wə̄n alezuū sə tuw u è ndə̀m è àghì.”

Mâk 14:23

Ù n nì kɔ̀ʼ sùghò wùa, a m bùghò ù fughu kɔʼ sugho zɔ̀ɔŋ kò, ù m fùghù ndùw â ghee, ghe a dzə̀m m mʉ kaaŋ wò a te.

Mâk 14:25

M̀ fɛ kùu dzàa wò nù â ghɛ̀, Ŋ̀ kê kòom mʉ̀ yo lʉ̀ mən fɛ sɛ̀, à gɔ̀ʼɔ̀ ko tsuʼ fəla Ǹ lo mʉā lʉ̀ m fughu mò a te am fɔ̀e u Kəzə̀.”

Lûk 22:20

Ù ŋ kòom nì kpèʼe kɔ̀ʼ sùghò wùa è nlʉ̀ an dziī è mɔ̀ʼɔ aŋghəa ghe zə kɔʼ kûun tò, dzâa tsùghuu enyəa, “Wùa è nlʉ̀ zəla Ŋ̀ kwə̂n fughu tsughu fɛ â ghɛ̀, à lǒ kàa m fughu mò â ghɛ̀; aŋ kàŋ taŋa.

Dzɔ̌n 6:53

Yɛso fi dzɛ̂ nù â ghee enyəa, “Zə e lo ko aŋghəa Ŋ̀ kûum dzàa wô â ghɛ̀ enyəa, à gɔ̀ʼɔ̀ ko mò ghɛ̀ pfʉ nyòm è ùghùe è Wɛ̀ ù Ghùw, mʉ̀ sùghò kàŋ tə wə̄n, ghɛ̀ kì yo mughù è doʼn təla zo a zəŋò ghɛ̀.

1 Kòlentìan 10:16

Wùa zəla sɛ̀ dzeŋe mʉā səa kɔʼ a te abugho a kɔʼsō Zə kò, à mgbàŋ yò kâŋ tə Kə̀lestò a sɛ̀ dzeŋe mʉā a? À m bùghò a boʼn zə kɔʼ bɛ ko, à fi mgbaŋ yò gwən e Kə̀lestò a dzeŋe zəā a?

1 Kòlentìan 11:25

A m bùghò ghe zə mɛʼɛ̀ kɔʼ kûun tò, ù m bɔɔm nì kɔ̀ʼ sùghò wʉ̀a zə̀ nlʉ̀ an dziī è mɔ̀ʼɔ, dzɛ̀ tsùghù enyəa, “Wùa è nlʉ̀ zən lo kàa maŋa m fùghu mò aŋ kàŋ taŋa, e ghəəŋ tsughuu nlò ghəa ghə gho abugho ghɛ̀ mʉā ghè mò alezəə̄ŋ tsughu mugho a te.”