Mâk 14:21 - To kə Kəzə̀ kə̀ Fughu ko

²¹ Wɛ̀ ù Ghùw kì ko nû alenùghù aŋ ghəa ghe fə tɔm naŋā kùu ndùw wə̄n; à kǔuwn lò enyəa ghùw wəla ù sò fêen fughuu wə̄n, ù lo ŋgee zūuw ŋgōʼ. À mò so e laam lǒ dzɔ̀ abugho ghe fə tâʼkè dɔ̂ɔ dzə ghùw ù te.”

Mâk 14:21 Iomraidhean Croise

Matìo 26:54

À kuuwn lò enyəa abugho Ǹ dzɛ̂ tsughu êzə̀, to ghəa a laʼà bùghò sə kpenlo ênzə̂n an shwaʼ u Kə̀zə̀ wəla u dzɛ̂ tsughu enyəa ghəa ghən ki alebùghò sə êzə̀ à?”

Matìo 26:56

Ghəa ghən fɛ kuuwn bùghò sə kɔʼ aleluesō tsughu lâŋ kə Shwaʼ u Kə̀zə̀ kəla ghiīshʉ̀ghà a Kəzə̀ a fə̀ tɔm naŋā.” Tsə̀təndə̄ghā tə n daŋso zə̀ghàa tàʼà tsùghu wə̄n, sɛ̀ɛ tìnlo èkɔʼ.

Mâk 14:20

Yɛso m bɛ̀lɛ̀ ndùw ghee enyəa, “À lǒ ghùw u mɔ̀ʼ an tuw wɛʼɛ wə̄n èghəm à ghè ghò a bə̀ghà. Ghùw mò ghàʼ à wə̄n zəa dzəəŋ səa kɔʼɔ alo kəkāŋ kə mɔ̀ʼ.

Mâk 14:22

Ghəa ghe sô zəā, Yɛso n nì kɔ̀ʼ kəbɛ, fughu kɔʼ kəzɔ̀ŋlò â Zə̀ kò, boʼn fùghù ndùw â tsə̀təndə̄ghā tə wə̄n to, dzɛ̀ â ghee enyəa, “Nǐ nlò, zən lò gwən e ughùe zaŋā.”

Mâk 14:49

Sɛ̀ mò lo tsəgha a dzə̀m am Ndughu è Kə̀zə̀ è ne tsuʼu n tsùʼu Ǹ zoʼn ghî gho a fughu, ghɛ̀ ŋ kè kwu mugho. Yìa à sò lô enyəa ghəa ghən ki nû alesə̄ aleluesō tsughu fəgha kəla ghe tɔm naŋā am Mwàʼsò kə Kəzə̀.”

Lûk 22:22

Wɛ ù Ghùw kwə̀la səa ko nù aŋghəa e doʼò boōn dzə êzə̀. Ghùw wəla ù fèe fughu wə̄n kuuwn lò an tsù.”

Lûk 24:44

Ù daŋso dzɛ̀ â ghee enyəa, “Wən lò shwaʼ waŋa wəla mùgho fə dzɛ̂ â ghɛ̀ ghəa mùgho fə̀ naam lo sɛ̀, enyəa ghəa ghə̀n à dzə̀m ghe tɔm naŋā am mwàʼsò kə Musî, àsùghò am mwàʼsò wəla ghiīshʉ̀ghà à fə̀ tɔm naŋā, àsùghò mwàʼsò kə Sâams kò kùu wo mùghò, a ki alenì kəbəla.”

Dzɔ̌n 19:28

A m bùghò ghəa ghən tsəghà tsughu, Yɛso sò kwo enyəa aghəa a dzə̀m ghə m mǐaa, (aleluesō shwaʼ u Kəzə̀ wəla ghiīshʉ̀ghà a fə̀ tɔm naŋā) ù n dzɛ̀ enyəa, “Fə̀ŋ zùʼso mùghò.”

Kə̀fwàʼ 1:25

alenìi kɔʼ bûʼ kəla Dzudàs bàʼ naŋā kɔʼ enyəa e nughù wən â luʼū to, am fwàʼ kə tsə̀təndə̄ghā kən.”

Kə̀fwàʼ 2:23

Ghe ŋ kwù fùghù wò Yɛso wən â ghɛ̀ an dziī zəla Zə̀ kə fə̀ fôʼ naŋā, ghɛ̌ yia mò nî fughu nduw wə̄n aŋ ghu kə ghì à biigh ko, ghe n nì tə̀ghàa wì è kɔʼ.

Kə̀fwàʼ 4:27

Kən lò fəgha kela kə mò sə fɛ alo enaʼ, Hɛlɔ̀d, àsùghò Ponshɔs Paelɛ̀t, ghèe ghê Tòʼò tò, à ghì ghə Ezə̀lɛ̂ ghò; ghe maā zûuŋ tsùghù ghue zo, nyə tsughu utsəm am tuw kə kɔ̀ɔ fə̀ghà fə̀ dzûŋ fò, Yɛso wəla ghù mò tsuʼ tsughu.