Mâk 14:18 - To kə Kəzə̀ kə̀ Fughu ko

¹⁸ Ghəa ghe sô doʼ an, zəa, Yɛso n dzɛ̀ â ghee enyəa, “Kùmkùm, M̀ fɛ kùu dzàa wò nù â ghɛ̀, ghùw wɛʼɛ u mɔ̀ʼ sò fèen fùghuu mùghò, ghùw mò ghàʼ à wə̄n dzeŋe zəa à dzə̀m.”

Mâk 14:18 Iomraidhean Croise

Matìo 26:21

Aŋghəa ghe zəā, ù n dzɛ̀ â ghee enyəa, “M̀ fɛ kùu dzàa wò nù â ghɛ̀, ghùw am bvʉa sô fèen fùghuu mùghò.”

Matìo 5:18

M̀ fɛ kùu dzàa wò nù â ghɛ̀, wala kə lo ê bughò tsəghà mîa, à ghueekətsə̄ ko, nyàaŋnyâaŋ fə eghəa ŋkāa dəŋò fə̀ li fo alo kəlàŋ, kê kǔuwn sə̀ nùghù kòʼ yò mo ghəa a te gho a dzə̀m kà bala kə nî kɔ̀ʼ dzə̀.

Matìo 6:16

“Abugho ghɛ̀ baā dzughu zo kà èmuŋe nlò tǒ ùbàŋàdzə̀m, nu ghe nughùun mgbèe nǎaŋ tsughuu èsʉ enyəa ghî à koʼò wô enyəa ghe baa èdzughu. M̀ fɛ kùu dzàa wò nù â ghɛ̀ enyəa, ghe fi kele dzə̀ namso kə ghee aŋ kòʼ e ghee zə̀.

Matìo 6:2

À fi lo enyəa, abugho ghɛ̀ namso ghùw ù lǎa â fəgha, kà nlò sə tɔŋ mbuwlè o a beē tò aŋghəa ùbàŋàdzə̀m ghəŋlo an Sàŋ tə Tə̀dzûu, àsùghò alo enaʼ enyəa to ghe mô kɛ̌ɛ wò ghee. M̀ fɛ kùu dzàa wò nù â ghɛ̀, ghe ŋ kele tən namso kə ghee ko.

Matìo 6:5

“Abugho ghɛ̀ so e gɔ̂ɔŋ sùghò nù, kà nlò ghəəŋ dzə̀ tò ghî a kə̀bàŋàdzə̀m; nu ghe ləghaa alenughūn teen kɔʼɔ an Ndughutə̀ne te Tədzûu tò àsùghò am fwànlò u tədzǐi enyəa to ghî à mô koʼò wô ghee. Kùmkùm, M̀ fɛ dzàa wò nù â ghɛ̀ enyəa ghe ŋ kele kə ghee ko kənamso.

Mâk 10:15

M̀ fɛ kùu dzàa wò nù â ghɛ̀, ghùw wəla ù dòʼŋkè nyə am fɔ̀e u Kəzə̀ tǒ wɛ̂ɛtùghu, ù kè tsə̀ghà nyə̀ kòʼ yò a te.”

Mâk 10:29

Yɛso n dzɛ̀ tsùghù enyəa, “M̀ fɛ kùu dzàa wò nù â ghɛ̀, abugho ghùw zə̀ghàa maʼà nduw ndughu è wə̄n ŋkāa waazə̂, ŋkāa tsele, ŋkāa zə̂, ŋkāa wɛ a wə̄n, ŋkāa esum, bòʼ ghəa zaŋa àsùghò aŋ ghəa e làbəlà è dzùŋ zə̀n,

Mâk 14:17

A m bùghò an nə̀gha è guŋso zo, Yɛso m bùghò ghèe ghê tsə̀təndə̄ghā tə wə̄n tì èghəm à ghè tò tə bə̀ghà.

Mâk 14:19

Ghue zə m kpuw lɔŋe tsughu tsə̀təndə̄ghā tə wə̄n enyə an shwaʼ u wə̄n, ghe ŋ kaʼ tsughu alebvʉ̄ fə mɔ̀ʼ fə̀ mɔ̀ʼ â wə̄n, chìa mo enyəa, “À sò yia lo mugho a?”

Mâk 14:25

M̀ fɛ kùu dzàa wò nù â ghɛ̀, Ŋ̀ kê kòom mʉ̀ yo lʉ̀ mən fɛ sɛ̀, à gɔ̀ʼɔ̀ ko tsuʼ fəla Ǹ lo mʉā lʉ̀ m fughu mò a te am fɔ̀e u Kəzə̀.”

Mâk 14:9

M̀ fɛ kùu dzàa wò nù â ghɛ̀, am fwàʼ kə̀ dzûŋ kəla nughò wən fwâʼ tsughu ghè kò, abugho ghe naʼn ko a ghɛ làbəlà è Kə̀zə̀ è dzùŋ zən; ghe n zə̀əŋ tùghù zən e wə̄n.”

Mâk 3:28

Kùmkùm, ghəa Ǹ dzâa wô fɛ â ghɛ̀, Zə̀ kə̀ lo ghuuwmàʼn nù bôo tə aghì tò, àsùghò ghəa ghəla ghe suūwn Zə̀ kò a te,

Mâk 6:11

Abugho ghe doʼŋkè kpeēnî ghɛ̀ an lùʼu kə̀ li ko, tue enyəa ghe zuuw yo shwaʼ wɛʼɛ wo, mò ghɛ̀ zəghàan naʼ e te zo, ghɛ̀ m bùʼ màʼà tsùghù gbə̂n chia aŋ ghùw ghɛʼɛ̄ tǒ tsə̌a enyəa ghɛ̀ n dzə̀m â ghee nyuʼu, bòʼ enyəa ghe ŋ ghəəŋ bonlo.”

Mâk 8:12

Ù n sɔ̀m mìasò ndùw enyəa am fə̂ŋ è wə̄n, dzɛ̀ tsùghù enyəa, “À lǒ kwò mweē e nɛ zən ləghaa alekòʼ tsə̌a è ùshʉ̀ghà lo a? Ǹ so Ŋ̀ kûu dzâa wô a ghɛ̀ enyəa mweē e nɛ zən yo to ghee e kôʼ tsə̌a è lì.”

Mâk 9:1

Yɛso ŋ kə̀a ndùuŋ ndùw â ghee enyəa, “Ǹ dzâa wô â ghɛ̀ enyəa ghî à lo nû fɛ êzə̄ŋ mo vʉ e kê ghee â mbàŋ sɔ̂ŋ fùghù yo mo ghe kâ kòʼ tsùghù dzə̀ ghəa Fɔ̂e ù Kəzə̀ ù bughōo a te à daʼa ko.”

Mâk 9:41

M̀ fɛ kùu dzàa wò nù â ghɛ̀, ghùw wəla ù tso bûʼ tuūw fughu ko ghùw wɛʼɛ â wùa è mmùghu enyəa ghɛ̀ bǒo fughu tsughu â Kə̀lestò, ù lo tsò gùŋù yò namso ko.”

Lûk 11:51

Ghê ghùwshʉ̀gha ghə̀là ghê tsùghò fə̀ winlō, alenìi nughù wô am vʉ e Ɛbɛ̀l, bùghò tɛ̀ wò am vʉ e Sàkàlîa; Sàkàlîa wəla ghe fə̀ wi an də̀ŋò kəla kə dzughùu nyə tsughu ti kə̀ kpɛɛ̄n kə enyěe ko, à tsughu è baa zo. Òhoŋò, M̀ fɛ dzɛ̀ nù â ghɛ̀, enyəa ghe lo kwūu ghɛ̀ ghən êzə̄ŋ a te.

Lûk 22:21

Kòʼô, ghùw wəla ù sə̀ fêen fughuu mugho ù lò fɛ, ghàʼàwə̄n fɛ dzeŋe zəa ko a dzə̀m.

Lûk 4:24

Ù n daŋso dzɛ̀ tsùghù enyəa, “M̀ fɛ kùum dzàa wò nù â ghɛ̀, ghùwshʉ̀ghà ù lì yo ghe niī tò kəfəgha an naʼ e wə̄n.

Dzɔ̌n 1:51

Yɛso ŋ kòom dzɛ̀ ndùw â wə̄n enyəa, “Kùmkùm, Ǹ dzâa wô â ghɛ̀ enyəa, ghɛ̀ lo kòʼò kəwālā kə tsʉ dòʼo, àsùghò tsə̀təndə̄ghā tə Kəzə̀ tò tə tsughuu kɔʼɔ̄ an làŋ kə Wɛ ù Ghùw.”

Dzɔ̌n 13:18

Yɛso n dzɛ̀ kpèʼe ndùw â tsə̀təndə̄ghā tə wə̄n to enyəa, “À yò dzə̂ â ghɛ̀ a dzə̀m Ŋ̀ kə̂aa wô ghəa ghən gho, bòʼ enyəa Ŋ̀ kwo nû tsə̀təndə̄ghā taŋā təla Ǹ tsɔʼ sə wo. Shwaʼ u Kəzə̀ ù ki alebùghò sə êsəŋò enyəa, ‘Ghùw zə̀ fʉghàzəa waŋa kòom fə̀n tsughu mbə̀ghà a zəŋò mùghò.’

Dzɔ̌n 13:21

Ghəa Yɛso kə̀a mɛʼɛ̀ tsughu ghəa ghən gho, ghəa a te ghə ŋ ŋge fəmso wə̄n am fə̂ŋ, ù n daŋso dzɛ̀ sə̀ wò an dzughu e tugho zo enyəa “Ghùw wɛʼɛ u mɔ̀ʼ lo fèen fùghu nù mugho.”

Dzɔ̌n 13:22

Tsə̀təndə̄ghā tə wə̄n tə n təm lɛɛn kaaŋ ndùw ghue e ghee, tuw kə sô kpuūw ghee enyəa Yɛso sò yia moʼò ndùghò.

Dzɔ̌n 13:38

Yɛso m bvʉ â wə̄n enyəa, “Ghù kùm lò nû alekpuūw fughu vʉ zaŋa? Kòʼo, M̀ fɛ kuūw dzàa nû â ghù, nùu mbvʉ sô gbə̀la tɔŋɔ mò ghù m mùghò tue màʼà tə nəgha tə təgha.”

Dzɔ̌n 21:18

Kùmkùm, Ǹ dzâ wô â ghɛ̀ enyəa, ghəa ghù mò naām lo wɛ̂ɛtùghu, ghù n dzə̂ən ndzʉ təghà ghù â nəŋ ko; ndùuw luʼū təla ghù ləghaa alendùw; à kuuwn lò ko enyəa abugho ghù lo dwə̂n tsughu, ghù lo e nəghaan səa nduw kwe zo, ghùw ù nùghù ù lì n dzə̀là fughu tsughu ndzʉ təghà, mbuŋ kɔʼ ghû, nì ndùw ghù an lùʼù kəla ghù mò buʼù ləghaa yo alendùw.

Dzɔ̌n 3:11

Kùmkùm, Ǹ dzâa wò â ghù enyəa, ghàʼ kə̂a wò kô ghəa ghəla ghàʼ kwo, dzàa wò sùghò fəgha kə̀la a lo mo aŋ kòʼ, ghɛ̀ yia tsoō zuūw yô shwaʼ waʼa wo.

Dzɔ̌n 3:3

Yɛso mo e bɛlɛ̀ nù, dzɛ̀ â wə̄n enyəa, “Kùmkùm, Ǹ so Ǹ dzâa wô â ghù enyəa, ghùw yò alekòʼ fɔ̀e ù Kəzə̀ mo ghe kâ wə̄n kôom dzə̀ kuènlò.”

Dzɔ̌n 3:5

Yɛso m bɛ̀lɛ̀ tsùghù enyəa, “Kùmkùm, Ǹ dzâa wò à ghù enyəa, à gɔ̀ʼɔ̀ ko mo ghe ŋ wə̄n â mùghù ŋ Kə̀zə̀ m fughu, Zuʼ tə̀ Zɔlɔ tia tə lo mo tə wə̄n nyəə̄n sùghò a zəŋo ughùe, ù yò alenyə am fɔ̀e ù Kəzə̀.

Dzɔ̌n 5:19

Yɛso n dzɛ̀ â ghee enyəa, “Kùmkùm, ghəa Ǹ dzâa wô fɛ â ghɛ̀, Wɛ yo aleghə̂əŋ ghəa è li zo an daʼa kə wə̄n, mò à bɔ̌ɔm yò ko fəgha kə̀là ù kòʼ ni aŋ wo ghùu Tsele; tɔŋlo enyəa, fəgha kə̀là Tsele ghəə̄ŋ tsughu, Wɛ m bɔɔm ghəəŋ tsùghù sùghò ghè kò.

Dzɔ̌n 6:26

Yɛso m bɛ̀lɛ̀ tsùghu ghee enyəa, “Kùmkùm, aŋghəa Ǹ dzâa səā wo â ghɛ̀, ghɛ̀ mugho kəŋo kaaŋ dzə̀ yò bòʼ sə̀ghàa mə̀là ghɛ̀ mò koʼ, à lǒ bòʼ gbɛ wəla ghɛ̀ mò zə kūw tsughu.

Dzɔ̌n 6:32

Yɛso n daŋso dzɛ̀ â ghee enyəa, “Kùmkùm, Ǹ so n dzâa wô â ghɛ̀ enyəa, a ka fə fughu dzə̀ Musî ghee â bɛ kəla kə sə tsughuu wô alo kəwālā, à lǎam lò Bəghà ù fughuu ghee â bɛ kəla kə kûum tsughu wô alo kəwālā.

Dzɔ̌n 6:47

Kùmkùm, Ǹ dzâa wò â ghɛ̀ enyəa, ghùw wəla ù boō tsughu dzə̄, ù kì mughù è doʼn təla zo.

Dzɔ̌n 6:70

Yɛso m bɛ̀lɛ̀ tsùghu ghee enyəa, “Ŋ̀ ka mo ghɛ mgbaŋ tsɔʼ kɔʼ eghə̄m à ghè ghò a bə̀ghà à, yìa à sò kuūwn lǒ ko enyəa ghùw wɛʼɛ u mɔ̀ʼ nǎam ŋgəəŋ ki ko zə̀a fə̀ biigh fo.”