Mâk 13:9 - To kə Kəzə̀ kə̀ Fughu ko

⁹ Yia a bughò ghɛ, tiso kɔʼ nlò tuw ko edzūŋ; ghe lo kwuū fughuu ndûw ghɛ aŋ kaŋsì, ghe tsɔʼ sa ghɛʼɛ an ndughutə̀ne to; ghɛ̀ lo sə tee an sə kə udwə̀ŋ à ghê gɔvə̀nò bòʼ mùghò, zən kè lǒ dzì alenàʼà tsə̀ndə̄ghā è Kə̀zə̀ â ghee.

Mâk 13:9 Iomraidhean Croise

Matìo 5:22

Ǹ so Ŋ̀ kuūwn dzâa wô â ghɛ̀ enyəa, abugho ghùw bùʼ pfʉso kɔʼ ko nʉ̄ghà wò ghèe wàazə̀, ghe ki alesāʼ wə̄n; ghùw wəla ù sùuwn nduw wàazə̀, ù kì alendùw aŋ kaŋsì, wəla ù dzɛ̀ tsughu enyəa, ‘Làʼsò kə kəfəgha kən.’ Ghuw ù te ki alendùw pfʉ an wə̀n u tsə̀ fə̀ baŋa fo.

Mâk 1:44

dzɛ̀ â wə̀n enyəa, “E kwo ghù lò dzaā â ghùw ù lì, ndǔw děe ndùw ghue wo â fɔ̀e, ghù fughu nduw təma ko ghəa ghù zɔn dzə̄, aŋ ghəa lâŋ kə Musî kə̀ deē, aledèe ndûw â naʼ zo enyəa ghù êzəŋ e zɔlɔ nù.”

Mâk 13:5

Yɛso n daŋso nì tsùghù â ghee enyəa, “E ghoōm tsughu nlò ghùw lò sêe məŋsō ghɛ.

Mâk 13:8

Naʼà tə̀ ke e zughū aŋ ghùe e ghee, fɔ̂e zə̀ è ke təma tsaā to ghùe e ghee, ghueekətsə̄ kə e ke boʼn bvʉā kaaŋ dəŋò tə̀ də̀ŋò, dzə̀ŋ è ke lo dəŋo tə̀ də̀ŋò. Ghəa ghən kê ò ko to wɛ lô kaʼā nu tsughuu zəla nʉ̀ghà u wɛ̄.

Mâk 6:11

Abugho ghe doʼŋkè kpeēnî ghɛ̀ an lùʼu kə̀ li ko, tue enyəa ghe zuuw yo shwaʼ wɛʼɛ wo, mò ghɛ̀ zəghàan naʼ e te zo, ghɛ̀ m bùʼ màʼà tsùghù gbə̂n chia aŋ ghùw ghɛʼɛ̄ tǒ tsə̌a enyəa ghɛ̀ n dzə̀m â ghee nyuʼu, bòʼ enyəa ghe ŋ ghəəŋ bonlo.”

Lûk 9:5

Mò ghɛ̀ ndûw ko ghɛ ghe tâʼkè kpeē nî ghɛ̀, ghɛ̀ n zə̀ghàa naʼ e te zo, nyuʼu dzə̀m, tǒ tsə̌a â ghee enyəa ghe ŋ ghəəŋ bonlo.”

Dzɔ̌n 15:20

E moʼnlo nlò shwaʼ wəla mugho mò dzɛ̂ naŋā â ghɛ̀ enyəa, ‘Kɔ̂ɔ fə̀ tsəghàsə̌a tsə̀ghà yǒ mughùbè ù wə̄n.’ Abugho ghe mò lo alendzaŋso kaaŋ mùghò, ghe lo ndzaŋso kaaŋ sùghò nù ghɛ. Abugho ghe mò lo alezuūw naŋa shwaʼ waŋā, à fi lo enyəa ghe lo zuuw naaŋ sùghò nù shwaʼ wɛʼɛ wo.

Dzɔ̌n 16:2

Ghe lo dzùu nùghùun sə̌a wò ghɛ̀ an Ndughutə̀ne tə Tə̀dzûu tò. Nəghā e bùghòo nù, zəla mò à lò ko ndugho ù wi ghɛ, ù m moʼnlò enyəa e fi fwaʼà fwàʼ kə Kəzə̀.

Kə̀fwàʼ 21:11

A m bùghò ù bùghò kôʼ tsughu ghaʼ, ù n nì kɔ̀ʼ kwûu fə Pôl kɔ̀n tsùghù kwe e wə̄n a te àsùghò fwee e wə̄n zo, dzɛ̀ tsùghù enyəa, “Dzûu təla an Yɛ̀lusalɛ̀m lô ghùw wəla ù ki kwûu fən kɔlɔ̀ tsùghuu enyə, ghe nîi fughuu ndûw â Tòʼò tò. À dzɛ̀ Zuʼ tə Zɔlɔ to.”

Kə̀fwàʼ 7:54

A m bùghò ghî a ghî a Kaaŋsì à zəə̄n ko shwaʼ u sìtòfɛ̀ wò, ghe ŋ ŋgɛlɛ ndùw ènyə, pfʉa àsɔŋ enyəa a zəŋò Sìtofɛ̀ an nə̀ghà m pfʉ̌a mò.

Kə̀fwàʼ 9:16

tɔŋlo enyəa Ŋ̀ ki aledèe tsughu ghəa ù ki alebisō fala tsughu a te aŋ ghəa zaŋā.”

Fèlepìan 1:29

Tɔŋlo enyəa, Zə̀ kə̀ kâ ka dè ko ghɛ â dzɔ̀ e wə̄n zo enyəa ghɛ̀ boo ko â Kə̀lestò, à lò sughò enyəa ghɛ̀ ki alefaan sugho bòʼ wə̄n.

2 Tɛ̀sàlonìan 1:5

Zə zəla ghɛ̀ ka tsughu lo tsə̌a aledèe tsughu enyəa Zə̀ kə̌ sàʼ è wən saʼa an ndziī è tsəghatsəgha, à fi lo enyəa kə lo ghəəŋ nù ghɛ̀ doʼo tsughu ghî ghəla ghe lo mo ghe ŋ kɔʼkpe am fɔ̀e u wə̄n wəla ghɛ̀ fanlo bòʼ ghè wò.

2 Dzɔ̌n 1:8

E ghomlo nlò â ghue zɛʼɛ̄ zo, e kwo ko ghɛ̀ lô ŋgûŋ fəgha kəla ghɛ̀ lo mò ghɛ̀ m fwàʼ nàŋa ghè kò, kuuwn də̀ma tən tsughu ko nlò nû, tò ghɛ̀ ke kele mɛʼɛ̄ namso kɛʼɛ̄ ko kə dzə̀m.

Edêe Fughu 1:9

Ǹ lo Dzɔ̌n wàazə̀ wɛʼɛ, yìa M̀ boo fughu â Yɛso. Mùghò ŋ ghɛ̀ təmdzəə̄ŋ wò aŋ ŋgoʼ zəla ghɛ̀ zuūw àsùghò an zə zəla ghɛ̀ ka tsughu aŋghəa sɛ̀ lô am fɔ̀e ù Kəzə̀. Ghe mò mugho kwu naŋa nû an nàʼà fə dzughù fə̀ li fo, ghe tɔŋlo enyəa alò Patmòs bòʼ mùghò mò kəaa shwaʼ u Kəzə̀, dzàa êsəŋò zəla Yɛso fə̀ dzɛ̂ naŋā.

Edêe Fughu 2:10

Kà nlò tsəŋ dzə̀ ghəa è li zo ghɛ̀ lo ki alekùʼù fala tsughu a te. Kele tsughu nlò enyəa vʉatsə̄a a ki alekùʼù nîi dzə̂n ghɛ̀ â li gho an ndùghùtsāʼ, àsùghò enyəa to ghe mô mɔ̂ɔkoʼò tsughu ghɛ̀, ghɛ̀ doʼo an tsù alo ntsuʼu eghə̄m. Gaʼ tsughu ko nlò fə̂ŋ tɛʼɛ to a zəŋò mùghò abugho e lo enyəa ghɛ̀ bùʼ kì ko alekpuw a te, tò Ǹ lo fughuu ghɛ â mùghù zò tò kənamso.”

Edêe Fughu 2:13

“Ŋ̀ kwo nû luʼù kəla ghɛ̀ mùghù a te, a fia ndàŋ è kə̀də̀ŋ è Satàn lǒ. Ghɛ̀ těe tən tsughu ko an zən zaŋā, ghɛ̀ ŋ kè tuū maʼà boo zəla ghɛ̀ ki â mùghò aŋghəa ghe fə̀ tso bûʼ wi ko Antipàs, a fia Satàn mùghu. Antipàs fə̀ lo ghùw waŋa ù tùghu ù fə̀ teso dzâa ghəa ghaŋa gho â ghî ghò am fə̂ŋ e wə̄n e dzə̀m.