Mâk 13:34 - To kə Kəzə̀ kə̀ Fughu ko

³⁴ À lǒ tò ghùw lò səā bwînlo, à m bùghò ù zə̀ghàan tsughuu ndughu, ù naŋa tsughu ŋkɔ̂ɔ enyəa mə̀ è chiīn tsughuu, chìa am fwàʼ kə wə̄n, chìa a lô kə wə̄n ko; naŋa tsughu u mɔ̀ʼ a fǔundughu enyəa ù è tseē luʼū to.

Mâk 13:34 Iomraidhean Croise

Matìo 16:19

Ǹ lo fughuu ghù â tsʉ kə̀ fɔ̀e u kəwālā ko. Ghəa zəla ghù tsughu boo tsughu fɛ am mbī, ghe lo bɔɔm boom sùghò èzə̀ alo kəwālā, zəla ghù tue maʼà tsughu fɛ am mbī, ghe lo tuu màʼn sùghò êzə̀ alo kəwālā.”

Dzɔ̌n 10:3

À lo â wə̄n ghùw ù chìnlo tsʉā fuū u ughɔ̄ŋ wo; ù tɔɔŋ tsughu ndzì tə wə̄n alo zən, tə n zuwkɛlɛ wò dzə̀ è wə̄n, ù n daŋso bâ sə̀ wò ghee.

Lumà 13:6

Zən lò e ghee ghɛ̀ ki sugho alechuuw ŋgùu kò, tɔŋlo enyəa ghî ghəla ghe saʼā tuw u sɛ̀ wò lò ghî a kəfwàʼ a Kəzə̀, ghe kûu fwàʼà â Zə̀ kò aŋ ghəa ghən.

1 Kòlentìan 15:58

Waazə̂ ghaŋa ghəla Ŋ̀ ŋgeē ləghaa, tɔ̀ʼɔ tee tsughu nlò, e kwo ko fəgha kə̀ li kə lô noʼsò ghɛ. Ghɛ̀ fughu nduw ghue zɛʼɛ zo alefwaʼā ko â Mughu ù te, ghɛ̀ e kwo tən enyəa fwàʼ kɛʼɛ kəla ghɛ̀ fwaʼā â Mughu ù te yo dzə kə̀nughùnùghù.

Kòloshìan 3:24

Abugho ghɛ̀ fwaʼā êzə̀, ghɛ̀ kwo tən enyəa Mughu ù te lo fughu nù ghɛ̀ namso kəla ù fə̀ to naŋā â ghì a wə̄n gho; tɔŋlo ghɛ̀ fwaʼā â Kə̀lestò wəla ù biso lô Mughùbè wɛʼɛ.

Kòloshìan 4:1

Yia a bugho ghɛ ghê mughùbè ghəla ghɛ̀ ki kɔ̂ wò, ghɛ̀ ki aleghəəŋ nduw ghəa ghəla a lô tsəghatsəgha â ghee, kwuu kele sùghò ghee aŋ ghù kə̀dzûŋ kò, bòʼ ghɛ̀ kwo nû enyəa ghɛ̀ ki sugho Mughùbè wɛʼɛ wəla ù lò alo kəwālā.

Edêe Fughu 3:7

Yɛso n dzɛ̀ wò â mùgho enyəa, “Tɔm ndùw â tsə̀ndə̄ghā è â dzeŋe kə ghì a Kəzə̀ ghò è zə̂ am Fìlàdɛfìa enyəa, ‘Ghùw wəla u zɔlɔ̄, kə̀a sùghò êsəŋò, vʉ̀a ù ki tsʉ kə Dɛvìd kò, ù dzɛ̀ enyəa, abugho ù dzʉ̀a fê sə wo ndughu, ghùw n yo aletsʉ̄, abugho tsʉ naŋa tsughu ndughu, ghùw n yo alefè.