Mâk 13:33 - To kə Kəzə̀ kə̀ Fughu ko

³³ Nǐ nlò ghôom zò; naŋso tsughu nlò ghuw kə ebwìi kò, tɔŋlo enyəa ghɛ̀ kwò naŋa dzə yo tsuʼ fə te fo ŋkāa nəgha e te zo.

Mâk 13:33 Iomraidhean Croise

Matìo 25:13

Yɛso n daŋso tsughu tsən tsughu enyəa, “À fi lo enyəa ghɛ̀ ki alenì èghòmlò, nu ghɛ̀ kwo naŋa yo nəgha e te zo ŋkāa tsuʼ u te wo.”

Mâk 13:23

Kuuwn nǐi kɔʼ ko nlò ghôom zò, nu mùghǒ ŋ ghɛ̀ â ghəa ghən à dzə̀m dzɛ̂ zìi nàŋa wò.”

Lûk 12:40

Ghɛ̀ ki alendzùuŋ naŋā zîi tsughuu sughò ghue zɛʼɛ, nu Wɛ ù Ghùw lò alebùghò mo a kwo naŋa yo.”

Lumà 13:14

Ghɛ̀ dzəla kele tsughu Mughu ù te Yɛso Kə̀lestò a zəŋò ghɛ̀ tò təndzʉ, àsùghò enyəa e kwo ko ghɛ̀ lô naāŋ tuw ko aŋ ghəa ghəla gwən e ughùe e zɛʼɛ e ləghaa enyəa ghɛ̀ e ghəŋlo.

1 Kòlentìan 16:13

Tiso kɔʼ nlò tuw ko e dzūŋ, tɔ̀ʼɔ tee tsughu nlò aŋghəa zəla ghɛ̀ gaʼ fəŋ a te, kǎ nlò ghəa zo e tsəŋo, e tughuu nlò.

Efɛsùs 6:18

Ghɛ̀ è gɔŋlo an nəgha tən tə̀ dzə̀m aŋghəa Zuʼ tə Kəzə̀ tə̀ fughuu ghɛ â daʼa ko a te, bvʉa ndùw fəgha kəla ghɛ̀ ləgha a wə̄n. Aŋghəa yì ezə̀, tiso kɔʼ nlò tuw ko alo egɔ̀ŋlò, ghɛ̀ è tɔʼɔ tuw u ghî a Kəzə̀ a zɔlɔ gho a dzə̀m aŋ gɔ̀ɔŋ zɛʼɛ,

Kòloshìan 4:2

E kwo ko ghɛ̀ lô so e bughuu dòʼnlò alegɔɔ̄ŋ zee. Ghɛ̀ è tɔʼɔ̄ tiso kɔʼɔ tuw wɛʼɛ wo abugho ghɛ̀ gɔ̂ŋlo, fughuu ndùw sùghò kə̀zɔ̀ŋlò â Zə̀ kò.

Hibùlù 12:15

Də̀ma tsughu nlò enyəa e kwo ghùw wɛʼɛ u mɔ̀ʼ lo bvʉ̂a səā mò ù kà kèle dzɔ̂ e Kəzə̀ zò. E kwo ko ghùw wɛʼɛ u mɔ̀ʼ lò doʼn tsughu nâŋ kə biigh ko am bvʉa zɛʼɛ, kəla kə lo aleghəŋlo unwâŋ u dzə̀m fîaa.

1 Pità 4:7

Nəgha e fɛ êzəŋ e kpee wò nù â ghəa gho a dzə̀m alebùghò mîaa. E fi lo enyəa ghɛ̀ tee kɔʼ nlò alo efwee, ghɛ̀ naŋso tsughu ghuw kə ebwìi kɛʼɛ ko, tò ghɛ̀ è ki sə̂ŋ zò alegɔ̀ŋlò.

1 Pità 5:8

Nì nlò ghôm zò, ghɛ̀ tiso kɔʼ tuw ko edzūŋ! Nu ghùwkə̀tuw wɛʼɛ, tɔɔŋ Satàn kǔuw kaaŋ nù tò bəgha kə tɔɔn ko, kə kəŋo ghùw alekwuū pfʉ.

Edêe Fughu 16:15

Mughu ù te n dzɛ̀ enyəa, “Kòʼô, M̀ bughòo tǒ ghùw ù ghùwtsɔ̀ŋɔ lô bughoo an nəgha zəla ghɛ̀ kwo naŋa yo! Dzɔ̀ lǒ ghùw wəla ù naām koʼō, vʉ̀a ù ki tən ndzʉ tə wə̄n to enyəa ù lô səā ŋgəaa kaŋlo â tuè kò a beē, ù kelê tuw kə̀ dəla ko!”

Edêe Fughu 3:2

Zǒo nùghu kɔʼ nlò alo təmgbii, ghɛ̀ dzən nduw sə̂ŋ zò am fəgha kəla kə lo mo kə kāam kpuw mɛ̀ʼɛ̀ a zəŋò ghɛ̀, tɔŋlo enyəa, Ŋ̀ kaam kôʼ dzə̀ enyəa fwàʼ kɛʼɛ kə n tɔ̀ʼ zɔn an sə kə Zə̀ kaŋa.