Mâk 13:3 - To kə Kəzə̀ kə̀ Fughu ko

³ Yɛso ŋ kɔ̀ʼ dòʼò tsùghù aŋ kwàʼ u tə̀ Olèf, lɛɛn dàŋà ndùw Ndùghekəzə̀ è nē an Yɛlusālɛ̀m. Pità ghèe ghê Dzɛ̂ms, à Dzɔ̌n, àsùghò Andùlù n tsèen bvʉ tsughu â wə̄n fughu enyəa,

Mâk 13:3 Iomraidhean Croise

Matìo 13:10

Tsə̀təndə̄ghā tə m bùghò kòʼ wò Yɛso, bvʉ â wə̄n enyəa, “À lǒ kwò abugho ghù kə̀a ghəa gho â ghì ghò, ghù ŋ kə̂a kwə̀n kə̀ kwən lo a?”

Matìo 13:36

Yɛso n daŋso zə̀ghàa tsughu saʼ kə aghì chì nùghùu nyə̀ ndùw an ndughu. Tsə̀təndə̄ghā tə wə̄n tə n dzùum nyə̀ ndùw wə̄n, dzɛ̀ â wə̄n enyəa, “Teso wò tuūŋ waʼā wo aŋ kwə̀ən kə ushwāʼ kə uzwǐi kə chî an usum.”

Matìo 17:1

Ghəa tsuʼ n tsəghà tsughu tǔu, Yɛso n nì kɔ̀ʼ ndùw Pità ghèe ghê Dzɛ̂ms ghèe wàazə̀ Dzɔ̌n, ghe n nùghù kɔ̀ʼ ndùw an ndɔ̀ŋɔ̀ ndɔ̀ŋɔ̀ fə ukwàʼ a fughu ghee à nəŋ ko.

Matìo 21:1

A m bùghò Yɛso kuʼso nduw an Yɛ̀lusalɛ̀m ghèe ghê tsə̀təndə̄ghā tə wə̄n to, ghe m bùghò an naʼà fə Bɛtfàch aŋ kwàʼ u tə̀ Olèf, ù n daŋso tum tsughu tsə̀təndə̄ghā tə bə̀ghà,

Matìo 24:3

A m bùghò Yɛso dòʼ aŋ kwàʼ u tə̀ Olèf, tsə̀təndə̄ghā tə wə̄n tə n tsɔ̀ŋ bùghò kòʼ wò wə̄n, bvʉ â wə̄n enyəa, “Mò à, ghəa ghən lô bala kə nîi a zə̀n, à lǒ tsə̌a è ghɛ zò è kè dêe tsughuu enyəa nəgha zəghà è koōm bugho ebàm zə̀ m kpe a, asùghò enyəa mbī fɛ so mîa a?”

Mâk 10:35

Dzɛ̂ms ghèe Dzɔ̌n, tɔ̂ɔŋ wɛ a Zɛbɛ̀dîi; ghe n tsə̀ghàsə̀ è wo, dzɛ̀ â Yɛso enyəa, “Mughùbè, ghəa è li e lo nû ghàʼ mô ləghaa enyəa ghù biaan fughu tsughu â ghàʼ bugho ghàʼ lô alebvʉ̄.”

Mâk 13:4

“Ghəa ghən kê bala kə nîi zə̀n? Dzǎa wò â ghàʼ, à kè lǒ tsə̌a è ghɛ̀ zò aledèe wô enyəa ghəa ghən fɛ so e bughò sə a?”

Mâk 14:33

Ù n nì kɔ̀ʼ Pìta, nì kɔ̀ʼ Dzɛ̂ms, àsùghò Dzɔ̌n, nùghù ndùw ghèe ghee. Ù n ndùw kaʼ tsughu alemūŋē, lò sugho am bàŋ kəfə̂ŋ.

Mâk 4:34

ù kaa ŋgəmso kə̀a ghəa zo â ghee mò ù kà kwə̀ən kə ushwāʼ ko a te bughò dzə̀n, kuuwn nyɛʼɛ ndùw tèso dzàa tsùghûu ghəa a te gho a dzə̀m â tsə̀təndə̄ghā tə wə̄n to.

Mâk 5:37

Ù ŋ kè boo enyəa ghî à bùghò a bǎà wə̄n, ù n nì kɔʼ ko Pità, àsùghò Dzɛ̂ms ghèe Dzɔ̌n, waazə̂.

Mâk 9:2

Tsuʼ mə̀ n tsə̀ghà tsùghu tǔu, Yɛso n nì kɔ̀ʼ Pità, nì kɔ̀ʼ Dzɛ̂ms àsùghò Dzɔ̌n, kɔʼ saŋe dòʼò ndùw ghèe ghee an də̀ghàa kə ukwàʼ kə̀ li ko, ghee ko. Ù n nùghù kǔuwn kɔʼ ekôʼ fughu an sə kə ghee,