Mâk 13:22 - To kə Kəzə̀ kə̀ Fughu ko

²² Tɔŋlo enyəa ghê Mɛ̀sayà ghə agha, àsùghò ghǐishʉ̀ghà ghə agha a lo vùuŋ nùghùn sə̌a kɔʼɔ nù, ghe e deē wo tsə̌a to à sə̀ghà mò alesèe məŋso ghì ghə̀là Zə̀ kə̀ mò shîaa kɔʼ.

Mâk 13:22 Iomraidhean Croise

Matìo 24:24

Tɔŋlo enyəa, Kə̀lestò tə agha tə lo səa kɔʼɔ nù, àsùghò ghǐishùghà ghə agha gho, ghe e deē tsə̌a tə̀ fɛɛ̄n to, à sə̀ghà mò, enyəa abugho dzì lǒ, ghe buʼù sêe məŋsō ghì ghəla Zə̀ kə̀ tsɔʼ kɔʼ.

Matìo 7:15

“Nǐ nlò ghôom zò, ghiīshʉ̀ghà ghə agha a lo nû; ghe bughòo a vʉ̀a ghɛ̀ tò təndzì, mo ghe biso lo ubʉgha.

Mâk 13:21

Mò à dzɛ̀ ko ndùghò â ghɛ̂ an nə̀gha e te zo enyəa, ‘Kòʼô! Mɛ̀sayà wən fɛ̄!’ Ŋkāa ‘Lɛɛn ndùw, u vʉ fî!’ E kwo ghù lò se boom nù.

Mâk 13:23

Kuuwn nǐi kɔʼ ko nlò ghôom zò, nu mùghǒ ŋ ghɛ̀ â ghəa ghən à dzə̀m dzɛ̂ zìi nàŋa wò.”

Mâk 13:6

Ndə̀m kè ndùw bùghòo fɛ enyəa ghe lo mugho, ghe e dzaā wo enyəa, ‘Ǹ lo wə̄n!’ Ghe sêe məŋsō tsughu ndə̀m è àghì.

Dzɔ̌n 4:48

Yɛso n dzɛ̀ fughu â wə̄n enyəa, “Ghùw wɛʼɛ u mɔ̀ʼ yò aleboō fughu à gɔ̀ʼɔ̀ ko mò ghɛ̀ kôʼ tsùghù dzə̀ tsə̌a tə aghəa ghəla dzughu a lo alezūm aghî a te.”

2 Timotì 2:19

Bəghàan kəla à kuūwn kuʼ kɔʼ Zə̀ kò, fəgha kə̀ li kə yo alenòʼsò, ghe yia tɔm naŋā a te enyəa, “Zə̀ kə̀ kwo nû ghî ghə̀là ghe lo a wə̄n gho.” Àsùghò enyəa, “Abugho à lò ko ndughoo ù kwo dzə̂ enyəa e lo wɛ ù Mughu ù te, ù ki aletiī zəghàa maʼà ghəa à biigh gho.”

1 Dzɔ̌n 2:18

Wɛ ghaŋā gho, nəgha e te zə m kpe aŋghəa ghe mò dzɛ̂ naŋā â ghɛ̀ enyəa ghùwkə̀tuw ù Kə̀lestò lo bùghò nù, alebùʼù nì tsughu ko ezəŋ ndə̀m è ghee m bùghò. Zən lô dzì zəla a kele a te enyəa nəgha zəla mbī so e bughò mîa a te, zə m kpe.

1 Dzɔ̌n 2:19

Ghî ghən fə̀ zəghaa tsughu ghaʼ nùghù è nduw, mò à êzə lo mo ghe mo biso ti yo alo kəfəgha kə mɔ̀ʼ ghàʼ à ghee; nu abugho ghe mò ti alo kəfəgha kə mɔ̀ʼ ghàʼ à ghee, to ghe mafə doʼò dòʼò a fɛ ghàʼ à ghee; lò êzə̀, nughù sə e ghee e kûu dèe nù enyəa ghe ti yo ghàʼ à ghee alo kəfəgha kə mɔ̀ʼ.

1 Dzɔ̌n 2:26

Ŋ̀ ghəa ghən fɛ â ghɛ̀ tɔɔ wò kùu ndùw ghî ghəla ghe ləghaa alesèe məŋso ghɛ̀.

Edêe Fughu 13:8

Ghî ghə̀n à dzə̀m ghe mughù aŋ ghueekətsə̄ lo e kɔ̄ʼsō sugho wə̄n, ghî ghəla ghe fə̀ so e bughò bɔm mbī mo zən a ghee a kaān nyə am dzə̀ mwàʼsò kə emùghùu kə Tsʉa u Ndzì wəla ghe fə̀ sugho wī.

Edêe Fughu 17:8

Nyòoŋgwən è te fə̀ lo tsəgha nû, zə̀a è kòom yo, zə̀a è kuuwn kòom kì alesəa kɔʼɔ̄ wo am bùʼ kəla kə doʼŋkè kuʼù, è ndùw an lùʼu kəla ghe ki aledzùuw maʼà wə̄n a te. Ghî ghəla ghe mughù fɛ aŋ ghueekətsə̄, ghe lo mo ghe kaām tɔm zən a ghee gho am mwàʼsò kə emùghù aŋghəa mbī fə̀ kaʼ tsughu, dzughu ghe lo e zuu ghee alekòʼ nyòoŋgwən è te, mbuu è fə̀ lo nû, zə̀a è mò kôom yo tsəgha, zə̀a è kòom ki alebùghò.