Mâk 13:11 - To kə Kəzə̀ kə̀ Fughu ko

¹¹ Abugho ghe kwu tsughu ghɛ, nì ndùw ghɛ̀ enyəa ghɛ̀ nduw tee an tia e sāʼ, e kwo ghɛ̀ lô so e bâŋsò tə̀fə̀ŋ mo nəgha e kaam kpe enyəa ghɛ̀ sô fughu yia kə̂aa ndùw êndughō. Bɔɔm kə̌aa ko fəgha kəla kə sə wo an dzughu ghɛʼɛ̄ an nə̀gha e te zo, tɔŋlo enyəa à kè kə̀aa yò ghɛ, à kè kə̀aa Zuʼ tə̀ Zɔlɔ to.

Mâk 13:11 Iomraidhean Croise

Matìo 10:17

E ghoōm tsughu nlò, tɔŋlo enyəa ghî à lo nû ghe kê nîi ndûw tsəghà ghɛ̀ alo tə̀kaŋsì, ghe e tsɔʼɔ sa ghɛʼɛ gho an Ndughutə̀ne tə Tə̀dzûu to,

Mâk 13:12

Ghùw ke e feēn fughuu nduw wàazə̀ enyəa ù ndùw kpuw. Tsele ke feēn fughuu nduw wɛ, wɛ ghə e ke kɔʼɔ an tuw u ghê tsele, ghəəŋ sùghò enyəa ghe e wiin sugho ghee.

Mâk 13:9

Yia a bughò ghɛ, tiso kɔʼ nlò tuw ko edzūŋ; ghe lo kwuū fughuu ndûw ghɛ aŋ kaŋsì, ghe tsɔʼ sa ghɛʼɛ an ndughutə̀ne to; ghɛ̀ lo sə tee an sə kə udwə̀ŋ à ghê gɔvə̀nò bòʼ mùghò, zən kè lǒ dzì alenàʼà tsə̀ndə̄ghā è Kə̀zə̀ â ghee.

Lûk 21:12

To ghəa ghən e kuūwn bughò nî kə̀bəla, à kè lǒ mo ghe ŋ ghɛ̀ bûʼ fəmso; ghe e kwuun ghɛ, sèe ndùw an ndughutə̀ne to, kwuun dzə̀là ghɛ̀ an ndughutətsāʼ, sèe ndùw ghɛ̀ a vʉ̀a dwə̀ŋ wò àsùghò a vʉ̀a ghê gɔvə̀nò enyəa so à lò ghəa zāŋā.

Dzɔ̌n 3:27

Dzɔ̌n m bɛ̀lɛ̀ tsùghù enyəa, “Ghùw yò aletsoō kele kôʼ fəgha kə̀ li ko, à gɔ̀ʼɔ̀ kô kəla Zə̀ kə̀ fughu tsughu wô â wə̄n alo kəwālā.

Kə̀fwàʼ 2:4

Zuʼ tə̀ Zɔlɔ tə̀ m bùghò avʉ̀a ghee yì à dzə̀m, ghəŋlo è tsughu ghe ŋ kàʼ ndùw alesaʼā kâaŋ sàʼà tə nàʼà tə̀ nughù tò.

Kə̀fwàʼ 3:13

À lǒ Zə̀ kəla Abə̀làhâm àsùghò Aezìk àsùghò Yàkɔ̂b fə̀ kɔʼso tsəgha, tɔɔŋ Zə̀ kə ghê tsele a sɛ̀, kə fughu tsughu kɔ̂ɔ fə wən fo Yɛso â kɔʼso n te mò. Ghɛ̀ ŋ kuuwn nì kɔʼ wə̄n fèe fùghù sə̀ ndùw enyəa ghe wi, tùe màʼà sùghò wə̄n an sə kə Paelɛ̀t, mo Paelɛ̀t maā tsə̂m enyəa ghe zəghàa maʼà wə̄n.

Kə̀fwàʼ 4:31

A m bùghò ghe gɔ̂ɔŋ tsughu Zə̀ kò êzə̀, luʼū kəla ghe mò zûuŋ doʼō a te n nùghù nòʼ è tsughu; Zùʼ è Zɔ̀lɔ n daŋso nyə tsughu ghee a zəŋo eghùe, ghe n dôo kə̀aa wò shwaʼ u Kəzə̀ an dò tə aghəa.

Kə̀fwàʼ 6:10

Ghe ŋ kuūwn ghà kè alebàan ghèe ghê Sìto an tɔ àsùghò an daʼa kə Zùʼ tə̀ Zɔlɔ kəla ù mò kə̂aa ghəa gho a te.

Kə̀fwàʼ 6:15

Ghî ghə̀n à dzə̀m ghe mò lo a fughu aŋ kaŋsì n tɔ̀ʼ fwè wən enyə, kòʼ tsùghù enyəa sʉ u wən u nyəghaan ko tò sʉ u tsə̀ndə̄ghā è Kə̀zə̀.

Kə̀fwàʼ 7:55

Aŋghəa à fə̀ lo mo Zuʼ tə̀ Zɔlɔ tə ŋ wēn nyənlo, ù n lɛ̄ɛn kɔ̀ʼ ndùw kəwālā, kòʼ ndùw səghanyəgha ŋ Kə̀zə̀, mo Yɛso vʉ̀a ù ti aŋ kwe u Kəzə̀ ù təma wo.

1 Kòlentìan 2:13

Ghàʼ ghəa ghə êzəŋ e kə̂aa dzə yò an tɔ u ghûw wə̀ nsɔ̌ɔŋnchùw, ghəa ghəla ghàʼ kə̂aa wo à dèe wò Zuʼ tə zɔlɔ to aleteso dzaā nduw səŋò e ushʉ̀gha e te zo â ghì ghəla Zuʼ tə̀ Zɔlɔ tə te tə lo a zəŋò ghee.

Efɛsùs 3:5

Kən fə̀ lo nàn kə eghəa kəla Zə̀ kə fə̀ lo mo kə kaām dê fughù kòʼ tsə̀ghà â ghùw an tì kə̀ li ko, tò aŋghəa Zə̀ kə ghəəŋ tsughu êzə̄ŋ Zuʼ tə̀ Zɔlɔ tia tə nî dè fughu wò nàn kə eghəa tə te to â tum tə wə̄n tə̀ zɔlɔ to àsùghò â ghǐishʉ̀ghà a Kəzə̀ ghò.

Dzɛ̂ms 1:5

Abugho ghùw wɛʼɛ ləghaa alekele ùtɔ [am fəgha kəla Zə̀ kə̀ ləghaa], ù m bvʉ̀ ndùw â Zə̀ kò, Zə̀ kə̀ sô fùghuu nù, tɔŋlo enyəa, Kə bughuu â ghu ko, fughuu ghì ghə̀n à dzə̀m â fʉgha wo mò Kə sə̂əm yò.

1 Pità 1:12

Zə̀ kə̀ mafə dê zìi wò â ghiīshʉ̀ghà a wə̄n ghən gho enyəa ghe ki yo namso kə̀ li ko am fwàʼ kə ghee, enyəa à namso kə laam ki ghɛ. E lo sugho tò aŋghəa ghiīshʉ̀ghà a Kəzə̀ ghən fə̀ dzɛ̂ naŋā wô ghəa ghə̀la ghɛ̀ zuūw êzə̄ŋ aŋ ghùu ghì ghəla ghe naʼn wo làbəlà è dzùŋ zən â ghɛ̀ an daʼa kə Zuʼ tə̀ Zɔlɔ təla Zə̀ kə̀ tum tsughu wô alo kəwālā; mò à lò aghəa tsə̀təndə̄ghā tə Kəzə̀ tə̀ dəma alebùghò zuūwkɛlɛ tsughu.