Mâk 13:10 - To kə Kəzə̀ kə̀ Fughu ko

¹⁰ Ghe bûʼ kì dzə alenàʼà tùm è dzùŋ zən â nàʼà tò tə dzə̀m.

Mâk 13:10 Iomraidhean Croise

Matìo 12:41

Ghî ghə enaʼ a Ninēvɛ̀ a kê nùghùun wò an tuw kə ghì a nɛ ghən, ghe e komso ghee; mbuu ghe mafə̄ ti kuuwn nùghù wò fə̂ŋ tə ghee to am bòo tə ghee aŋghəa Dzonàh fə̀ ndûw naʼà ndùw tum â ghee. Kòʼô, ghùw wəla u tsə̀ghàtàʼà Dzonàh, ù lò fɛ, ghɛ yia taʼkè tiī kuwnlo.

Matìo 24:14

Ghe lo naʼà tsughu làbəlà è dzùŋ zə̀n â nàʼà mə̀n n dzə̀m n dzə̀m, to ghî ghən à dzə̀m zuūw, sěe mbī lo daŋso bughò mîanlo.”

Mâk 16:15

Ù n daŋso dzɛ̀ tsùghù â ghee enyəa, “Nyə ndǔw nlò am mbī e dzə̀m, ghɛ̀ naʼa nduw tùm è dzûŋ zən â ghì ghò a dzə̀m.

Lumà 1:8

Alekaʼa nùghu tsughu, M̀ fughuu kə̀zɔ̀ŋlò â Zə̀ kaŋa kò am bàm e Yɛso Kə̀lestò an tuw wɛʼɛ u dzə̀m, enyəa mbī e dzə̀m fɛ zuuwkɛlɛ mɛʼn wò nù enyəa ghɛ̀ m boo fughu â Kə̀lestò.

Lumà 10:18

Ǹ sô fɛ kuuwn bvʉā wô enyəa, à lò enyəa ghe ka mo tùm è dzùŋ zən zuw ŋkāa? Ŋ̀ kwo enyəa ghe mafə zuw, nu Shwaʼ u Kəzə̀ u dzɛ̂ enyəa, “Ghe n zùghòo ŋgəa tsughu shwaʼ u te wo am mbī e dzə̀m. Bâ kə mbī kə̀ li ko yo mo ghe kaām shwaʼ u te wo a fughu zuw.”

Lumà 15:19

Ù fə̀ ghəa ghən ghəəŋ tsughu aŋ daʼa kə kɔ tə tətsə̌a təla mùghò fə̀ dê tsughu àsùghò sə̀ghàa mò, àsùghò an daʼa kə Zuʼ tə Kəzə̀. Zə ŋ ghəəŋ tsughu mùghò n naʼn wò Làbəlà è dzùŋ è Kə̀lestò zən an lùʼu tən tə̀ dzə̀m aŋghəa mùgho mò nughù wo an Yɛ̀lusalɛ̀m lɔʼso ŋgə̀a ndùw alendùw an naʼ zə Èlilekùm.

Kòloshìan 1:23

 ghɛ̀ alelo enyə, ghɛ̀ ki aleboō fughu tsughu an səŋò zən, ghɛ̀ tee tən tsughu ko a te, e kwo ko ghɛ̀ lô bomlo enyəa fəgha kə sêe nughù ghɛ am fəgha kəla ghɛ̀ mò zuw ghè kò an làbəlà è dzùŋ zən. Zən lǒ làbəlà è dzùŋ zəla ghɛ̌ fə̀ zuw, zəla ghe fə̀ naʼà nduw â ghì gho a dzə̀m a tsəla kəwālā, tɔɔŋ làbəlà zəla ghuūghùe waŋā Pôl, u tsoō zughò sugho.

Kòloshìan 1:6

Zən lǒ làbəlà zəla è fə̀ bùgho â ghɛ tò aŋghəa ghe bwîi naʼn ŋgəa kaāŋ nduw sugho a te am mbī e dzə̀m; làbəlà è te zə̀a è noōm dûuw nduw, dzəa ndùuŋ ndùw ùghue am bvʉa zɛʼɛ̄, alekaʼa nughù wô an tsuʼ fəla ghɛ̀ mò bugho zuwkɛlɛ̄ tsughu fəgha kəla Dzɔ̂ e Kəzə̀ e biso moʼo ghè kò.

Edêe Fughu 14:6

Mùghò n daŋso nùghù kòʼ kpèʼe ndùw tsə̀ndə̄ghā è lì è zəghāa kaŋlo edzuŋ, mò ù kǐ làbəlà e dzùŋ zəla è dòʼò tən alenàʼà â ghì ghən a dzə̀m ghe mughu aŋ ghueekətsə̄, â nàʼà mə̀n n dzə̀m, â ndùm tə̀n tə̀ dzə̀m, â tùu tə̀n tə̀ dzə̀m, àsùghò â ghì a sàʼà tə tənàʼà tən tə dzə̀m.