Mâk 12:6 - To kə Kəzə̀ kə̀ Fughu ko

⁶ Ǎ m bùghò dòʼòdòʼò kɔʼ ko ghùw u mɔ̀ʼ, wɛ̀ ù wə̄n ù tsùʼu ù nùu; ù n tùm mɛ̀ʼɛ̀ ndùw wə̄n a vʉ̀a ghee, mòʼò ko enyəa, ‘Ghe sô tsə̀ŋo tsughuu nǔ wɛ waŋā.’

Mâk 12:6 Iomraidhean Croise

Matìo 1:23

“Kòʼ ma, ŋgɔ̀e è lì kê bɔ̀ŋɔ kɔʼɔ nù mò ù kǎam kwo yo wìnû; ù kè dzəā wô wɛ ù nùu, ghe kê tsʉ̂a tsughu ezən a te enyəa à lǒ Emanùɛɛl: Mo e moʼnlò enyəa: Zə̀ kə̀ lo sɛ̀ à ghee.”

Matìo 11:27

Ghəa Yɛso gɔ̀ɔŋ mɛʼɛ̀ tsughu, ù n dzɛ̀ â ghì ghò enyəa, “Bəghà m mùghò â ghəa gho a dzə̀m fughu; ghùw ù lì kwò yo Wɛ ù tè mò à gɔ̀ʼɔ̀ ko yo Tsele ù te, ghùw ù li kwò sugho yo Tsele u te, mò à mìaa ko yo wɛ ù te àsùghò ghùw wəla wɛ ù te tsə̂m tsughu aledè â wə̄n.

Matìo 17:5

Ghəa ù naām kə̂a ghəa gho, ghe mo ekôʼ fə̀màfə̀m kə nyəghaan kə mbàʼ kə̀ li kə m bvʉ̀ tsə̀n tsughu ghee, dzə̀ è lì n dzɛ̀ sə wòʼ fughu am mbàʼ enyəa, “Wən lǒ wɛ waŋa Ŋ̀ gaʼ fə̀ŋ a zəŋò wən Ŋ̀ ŋgee duʼn nù ghàʼ à wə̄n; e zuuw nduw nlò â wə̄n.”

Matìo 26:63

Yɛso ŋ kuuwn zuuw ko mɔŋ. Fɔ̀e è ne zə n daŋso dzɛ̀ â wə̄n enyəa, “M̀ bvʉa wò â ghù an zən e Kəzə̀ enyəa ghù dzɛ̀ wo â ghàʼ enyəa ghù lǒ Kə̀lestò, wɛ̀ ù Kə̀zə̀.”

Matìo 3:17

Ghe mo e zuw dzə̀ saʼ tsughu wô alo kəwālā enyəa, “Wən lǒ wɛ waŋā, Ǹ duʼn nû ghàʼ à wə̄n.”

Mâk 1:11

Dzə̀ è ghùw ù lì n daŋso nùghù dzɛ̀ sə̀ tsùghù wò alo kəwālā enyəa, “Ghù lǒ wɛ ù fə̀ŋ waŋa; fə̀ŋ ŋgěe zɔ̄lɔ̄ mùghò aŋ ghû.”

Mâk 12:5

Ghùw vʉ ŋ kòom tum kpeʼe ndùw kɔ̀ɔ fə̀ li fo, ghe m bù wì è tsughu. Ù n tsôo tǔu kô kɔ̀ɔ ŋ wən fughu, ghe m buu, winlo à li gho.

Mâk 12:7

Ghî yia ghe zəā sum vʉ wo ŋ kuuwn saan tsughu aŋ ghùe e ghee enyəa, ‘Wə̄n nyɔ̀ʼ lǒ zə̀abè ù wə̄n; bùghò to a wiī maʼà, a kelê sum u te wo.’

Mâk 9:7

Mbàʼ è lǐ n daŋso nùghù bvʉ̀ ŋgwùu tsùghu ghee, dzə̀ è ghùw ù lì n sə̀ wò fughu am mbàʼ enyəa, “Wən lǒ wɛ waŋā ù tsùʼu; e zuuw nduw nlò â wə̄n!”

Lûk 3:22

Zuʼ tə̀ Zɔlɔ tə n sə̀ tsùghù wò aŋ ghùe wə embùŋu, tsughu maa tsughu an tuw kə Yɛso, ghe n zuw dzə̀ è ghùw è sə tsughu wô alo Kəwālā, dzàa tsùghù enyəa, “Ghù lǒ wɛ ù fə̀ŋ waŋā, ghù ghə̌əŋ nù yìa Ŋ̀ ŋgeē duʼnlo.”

Lûk 9:35

Dzə̀ n sə̀ wò fughu am mbàʼ enyəa, “Wən lǒ wɛ waŋā ù tsùʼu, e zuuw nduw nlò â wə̄n!”

Dzɔ̌n 1:14

Shwaʼ u te wə n ndùw bùghò ghùw, tsùuŋ mùghùu tsughu sɛ̀ à ghee, Ù n dêe mɛ̀ʼn wò èsəŋò e dzə̀m aŋ ghəa a Kəzə̀, ŋgee dèe sùghò ghàʼ â ləgha zo. Ghàʼ a dzə̀m ŋ kòʼ daʼa kə wə̄n ko, daʼa kəla ù ki tǒ sɔ̀ʼ kə Wɛ kəla kə nughù wo a vʉ̀a Tsele.

Dzɔ̌n 1:18

Ghùw ù lì kaām kôʼ kòʼ Zə̀ kò; alo ko sɔ̀ kə wɛ kəla kə lo am bughu e Tsele, kə nì dè wò wə̄n â sɛ̀.

Dzɔ̌n 1:34

Mughò ŋ kùm kòʼ, M̀ fɛ êzə̄ŋ dzâa wò nù enyəa wən lǒ Wɛ ù Kə̀zə̀.”

Dzɔ̌n 1:49

Natanìɛl fi dzɛ̂ ndùw nù â wə̄n enyəa, “Wàdè ghù lǒ Wɛ ù Kə̀zə̀. Ghù lǒ Də̀ŋ kə Ezə̀lɛ̂.”

Dzɔ̌n 3:35

Tsele ləghaa wɛ ù wə̄n, vʉ̀a ù fughu nyə tsughu fʉgha wo u dzə̀m aŋ ghu kə wə̄n.

Dzɔ̌n 5:23

enyəa ghî ghə̀n à dzə̀m è fughuu nduw wɛ â kɔʼso mò aŋ ghəa ghəla ghe bɔɔ̄m kɔʼso sugho Tsele ù te a te. Ghùw wəla ù fughu yo wɛ â kɔʼso mò fi kɔʼso sùghò yo Tsele wəla ù tum wo wə̄n.

Hibùlù 1:6

Alekòom nîi kpeʼē tsughu aŋghəa Zə̀ kə̀ fə so fughuu wo Wɛ̀ ù wən ù sûesʉ am mbī, Ù n dzɛ̀ tsùghù enyəa, “Tsətəndəgha tə Kəzə̀ tə dzə̀m ki alefughuu wə̄n â kɔʼso mò.”

1 Dzɔ̌n 4:9

Ghən lò ghəa ghəla Zə̀ kə̀ fə̀ dê ləgha e wə̄n zo a te â sɛ̀: aŋghəa Ù fə̀ tum wo sɔ̀ʼ kə Wɛ kə wə̄n kə̀ nuù ko a te am mbī enyəa to sɛ̀ mô kele mùghù zəla e doʼò tən am bàm e wə̄n.

3 Dzɔ̌n 1:1

Mùghò, Tsoʼ an ndughu e Kə̀zə̀, Ǹ tɔɔ wò mwàʼsò kən ko â ghù a Gayùs, ghù wəla Ŋ̀ kûum ŋgeē ləghaa.