Mâk 12:36 - To kə Kəzə̀ kə̀ Fughu ko

³⁶ Zûʼ tə̀ zɔlɔ tə mò mɔ̀m tsùghù ghuūghùe u Dɛvìd, ù n dzɛ̀ sə̀ wò enyəa, ‘Mughubè ù te fə dzɛ â Mughubè waŋā enyəa; Dòʼo tsughu aŋ kwe waŋā ù təma wo, tò Ǹ nîi naŋā wô dzə̂ ghîikətuw ghə̂a a tsəla e fwēe zəghà.’

Mâk 12:36 Iomraidhean Croise

Matìo 5:35

ŋkāa mɔ̀ɔ ndùw ghueekətsə̄, tɔŋlo enyəa à lò luʼū kə wə̄n kə̀ gaʼŋ kə aghùw kò, ŋkāa mɔ̀ɔ ndùw Yɛ̀lusalɛ̀m, tɔŋlo enyəa à lò naʼ e Də̀ŋ kə̀ ghaʼa ko.

Kə̀fwàʼ 1:16

“Waazə̂ ghò, lâŋ kə Kəzə̀ kəla Zuʼ tə̀ Zɔlɔ tə tsom kɔʼ Dɛvìd enyəa ù fughuu səā wô an dzughu e wə̄n kùu ndùw Dzudàs wəla ù mò bû wô ghî ghəla ghe mò kwu Yɛso, kə ki aleluesō tsughu ughue.

Kə̀fwàʼ 28:25

Ghe n nughù ndùw mo ghe baaŋ ndùw tə̀fom, aŋghəa Pôl sò dzɛ̂ nduw â ghee enyəa, “Zuʼ tə Zɔlɔ tə fə̀ lo tsəghatsəgha aledzɛ̀ â ghê tsùghò am bàm zə Èzayà, ghùwshʉ̀ghà, enyəa,

1 Kòlentìan 15:25

Nu Kə̀lestò tèlè ki ko alezə ndàŋ è kədə̀ŋ e wə̄n alendùw tâa tsughu an tì kəla Zə̀ kə̀ kê nîi naāŋ wô ghîikətuw a wə̄n gho a tsəla efwēe e wə̄n

2 Timotì 3:16

Aghəa a dzə̀m am Mwàʼsò kə Kəzə̀, à dè fùghù wò Kə̀zə̀ enyəa ghe tɔɔ̄ naŋa nyəa tsughu, enyəa ghe e zoʼn ghî ghò a te, ghe e kwɛɛ̄n ghî ghò a te, tsʉ̀a àghì a te, enyəa ghe e mughu mughù è tsəghatsəgha zo.

Hibùlù 1:13

Ù dzɛ koʼ tsəgha dzə̄ â tsə̀ndə̄ghā è ghɛ̌ zò enyəa, “Dòʼò tsughu aŋ kwe waŋa ù təma wo, Ǹ lo telè ghəə̄ŋ tsughuu dzə̂ ghîikətuw ghə̂a à doʼò tsughu fəgha kəa kə̀ gaʼn kə aghùw kò a?”

Hibùlù 4:7

Zə kə ŋ kòom naŋa kpeʼe tsughu tsùʼ fə̀ li fo, ù n tɔŋɔ tsughu tsuʼ fə te fo enyəa, “Nɛ.” Ù ŋ ghəəŋ tsughu enyəa Dɛvìd bùghò kə̀aa wô ghəa a te gho mo gha kə n sə aŋghəa ghe fə̀ dzɛ̂ naŋa enyəa, “An tsuʼu u nɛ wən, abugho ghɛ zuw tsughu dzə̀ e wə̄n, e kwo ko ghɛ lô so e tughuso nâaŋ fə̀ŋ tɛʼɛ.”

1 Pità 1:11

Ghe n də̀m tsughu alemòʼn kele səā kɔʼ nəgha e te zo àsùghò dzì zəla ghəa a te a lo səā a te. Zən fə̀ lo nəgha zəla Zuʼ tə Kə̀lestò təla tə lo a zəŋò ghee fə̀ dêe naāŋ nduw ghee â ghəa ghəla Kə̀lestò lo ki alefala a te àsùghò səghanyəgha məka ù kè lo a te.

2 Pità 1:21

Nu shwaʼ u shʉ̀ghà ù li u ka fə̂ bughò kôʼ dzə̀ mò à tsə̀m kɔʼ ghùw; ghî a fə̀ shwaʼ u Kəzə̀ ù naʼn wo mò à ghee tsoom kɔʼɔ̂ Zuʼ tə̀ Zɔlɔ to.