Mâk 12:29 - To kə Kəzə̀ kə̀ Fughu ko

²⁹ Yɛso m bɛ̀lɛ̀ tsùghù enyəa, “Kə sûesʉ kə lo enyəa, ‘Ghî ghə Ezə̀lɛ̂ ghò zuw nlò ghɛ à; Mughu ù te, Zə̀ kə sɛ̀, à lò ko wə̄n Mughu ù te,

Mâk 12:29 Iomraidhean Croise

Matìo 10:37

Ghùw wəla ù ləghaa tsele ŋkāa zə̂ tsə̀ghàsə̀ aŋghəa ù ləghaa mugho a te kâ kɔ̀ʼ kpè tò ù è doʼò tsə̀ndə̄ghā zaŋā; wəla ù ləghaa sughò wɛ̀ ù wə̄n ù nùu ŋkāa ù zən tsə̀ghàsə̀ aŋghəa ù ləghaa mugho a te kà kɔ̀ʼ kpè sùghò tò ù è doʼò tsə̀ndə̄ghā zaŋā.

Matìo 23:9

Ghɛ̀ ki sugho yo aletɔŋɔ ghùw fɛ am mbī enyəa à lǒ tsele wɛʼɛ, tɔŋlo enyəa ghɛ Tsele ki ko u mɔ̀ʼ; wəla ù lò alo kəwālā.

Lûk 10:27

Ù m bɛ̀lɛ̀ tsùghù enyəa, “Shwaʼ u Kə̀zə̀ ù dzɛ̂ enyəa, ‘Ghù è ləghaa Zə̀ kə̀a kò am fə̂ŋ zə̀ghà e dzə̀m, à mòʼn zə̀ghà zò e dzə̀m, à daʼa kə̂a kò kə dzə̀m àsùghò enyəa ghù è ləghaa wàazùghù tò ghəa ghù ləghaa ghue wʉ̀a wò a te.’”

Lumà 3:30

Zə̀ kə̀ lo ko kə mɔ̀ʼ, e fi lo enyəa kə lo ghəəŋ nù enyəa Tə̀dzûu àsùghò ghì ghəla ghe yô Dzûu tò dòʼò tsəghatsəgha a vʉ̀a wə̄n an dzì è mɔ̀ʼɔ bòʼ fə̀ŋ zəla ghe gaʼ tsughu a zəŋò Yɛso.

1 Kòlentìan 8:4

Yia a bugho ghəa à fʉ̀ghazəa ghəla ghe fughu nduw â mùʼù ò, a kwo nû enyəa, “Mùʼù mən biso tɔ̀ʼ kì yo fwàʼ kə̀ li ko fɛ am mbī.” Àsùghò enyəa, “A lò ko Kəzə̀ kə mɔ̀ʼ, kə li kə kôom yò dzə̂.”

Gàlashìan 3:20

Ghùw ù fə̀tsə̀tèʼè kǔuwn ki dzə yo fwàʼ kò abugho à lò ko ghùw u mɔ̀ʼ lò alo eghəa. Zə̀ kə̀ lo ko kə mɔ̀ʼ, kə m tò sùghò to kə te ko â Abə̀làhâm wə̄n à mughu ko.

1 Timotì 1:5

Ghəa è səŋò zəla M̀ fughuu wô ghû â làŋ kən ko lo enyəa to kə mô lò aleghəŋlo ghî a Kə̀lestò ghə̀ e ləghaa ghue ghee zo; ŋgòʼ è ləgha zəla e səā wo am fə̂ŋ è zɔ̀lɔ, à mòʼnlò è dzuŋ zò, Abugho ghe ləghaa ghue e ghee zo enyə, e fi dêe nù enyəa ghe ŋ kùm bǒo fughu â Kə̀lestò.

1 Timotì 2:5

E lo êzə̀ bòʼ, Zə̀ kə̀ lo ko kə mɔ̀ʼ, yìa à lô sugho ghùw ù mɔ̀ʼ ù nìi təmadzəə̄ŋ wô ghî ghò ghèe ghê Zə̀ kò, ghùw wə̄n lo Kə̀lestò Yɛso.

Dzɛ̂ms 2:19

Ghù bǒo fughu nû enyəa Zə̀ kə̀ lo ko kə mɔ̀ʼ a? Abugho ghù boō fughu dzə êzə̀, ghù fi ti a te, zʉ̀ ù biigh u bûʼ bǒo fùghù sùghò êzə̀, vʉa u tsəŋo sugho.

Dzûd 1:25

Ŋkɔʼso n dzə̀m n lò â Zə̀ kəla kə bəghasə̄ sɛ̀ am bàm e Yɛso Kə̀lestò Mughùbè ù sɛ̀. Ŋkɔʼso, udwaʼa u dzə̀m àsùghò fɔe u kədə̀ŋ ù lo u wə̄n wo alo tənə̀gha tə dzə̀m, an nəghà zən êzə̄ŋ àsùghò to mbī kê bugho mîaa. Zə e lo ko êzə̀.