Mâk 12:15 - To kə Kəzə̀ kə̀ Fughu ko

¹⁵ A e chuuw ŋkāa a ka e chuuw a?” Ghəa Yɛso kəŋ kwū kɔʼ tɔ u ghee wo, ù n dzɛ̀ â ghee enyəa, “Ghɛ̀ mugho mɔ̂ɔ kòʼò bòʼ kwò a? Kəŋ fùghù wò mugho a kua u fəŋgɔ̀ʼ wò u mɔ̀ʼ tò Ǹ lɛɛn tsughu.”

Mâk 12:15 Iomraidhean Croise

Matìo 20:2

Ghəa ghe boō naŋā tsughu fəgha kəla ù ki aletsə̄ ghee a te alo fətsūʼ, ù n tùm sòʼ ndùw ghee an sum u wə̄n.

Matìo 22:18

Yɛso ŋ kuuwn lò mò ù mâa kèle zìi moʼnlò e ghee è biigh zəa ghe mô ki ghè zò, ù n dzɛ̀ â ghee enyəa, “Ghɛ̀ mugho chwəlà kòʼò aŋ kwǒ, ghɛ̀ ghî a kə̀bàŋàdzə̀m ghən?

Mâk 10:2

Ghî a Falàsîi à li ghə n ndùw bùghò alebùghò chwəlà kôʼ Yɛso, bvʉ â wə̀n à, “Lâŋ kə̀ boo nù enyəa ghùw sɛ̀ɛ ghèe wì à?”

Mâk 12:14

Ghe m bùghò dzɛ̀ â wə̄n enyəa, “Wàdè, a kwo nû enyəa ghù ghûw ù tsəghatsəgha, lɛɛn sùghò yò tûe kə ghûw kò; nu ghù kà ndòʼ nàŋà tuūŋ ko am fəgha kəla ghùw lǒ ghè kòʼ, ghù bɔ̌ɔm tèlè dèe ndùw ko dzì è Kə̀zə̀. Lâŋ kə̀ dê nù enyəa a e chuuw mwàʼsò kò â Də̀ŋ kə Lumà kò ŋkāa a ki yo alechuw à?

Mâk 12:16

Ghe ŋ kə̀ŋ fùghù wò ù mɔ̀ʼ, ù n daŋso dzɛ̀ â ghee enyəa, “Kən lò zəŋsō kə ndugho ko àsùghò zən e ndugho zo ghe nyâʼ naŋā a tè à?” Ghe mô â enyəa, “Zəŋso kə Də̀ŋ kə Lumà kò.”

Lûk 20:23

Ghəa Yɛso kòʼkɛlɛ̄ tsughu enyəa ghî yi sʉ̂a tɔ è li zo, ù n dzɛ̀ â ghee enyəa,

Dzɔ̌n 21:17

Yɛso ŋ kòom bvʉ kpeʼe ndùw â wə̄n alendùw sə alo tənə̀gha tə təgha enyəa, “Sàemòn, wɛ ù Dzɔ̌n, ghù lə̀ghaa nù mugho a?” Tuw kə m kpuw Pità aŋghəa Yɛso mgbɛɛ̄ bvʉa ko wə̄n â ghəa è mɔʼɔ zo alekɔʼɔ sə alo tənəghā tə təgha enyəa, “Ghù lə̀ghaa nù mugho a?” Ù m bɛ̀lɛ̀ ndùw wə̄n enyəa, “Mughu ù te, ghù kwò aghəa a dzə̀m; ghù vʉ̀a ghù kwo sugho enyəa Ǹ ləghaa nù ghû.” Yɛso n dzɛ̀ ndùw â wə̄n enyəa, “E lɛnlo â ndzì taŋa to.”

Dzɔ̌n 8:6

Ghe fə̀ êzə̀ bvʉa ndùw alemɔ̀ɔ kôʼ Yɛso, ghe sô kəŋo enyəa ù kə̀a bôon tsughu ghəa è li zo, to ghe kwu wə̄n. Yɛso m fuʼu è tsughu kàʼ ndùw ghəa à tɔɔ gho alo kəbvʉ̄nlō an wàakə̀ghu u wə̄n.

Kə̀fwàʼ 5:9

Pità fi daŋso dzɛ̀ nù â wə̄n enyəa, “Zən lò è ghɛ zo, ghɛ̀ sô ndôʼ doʼò tsughu, dzɛ̀ tsùghù enyəa ghɛ̀ mɔm koʼ Zuʼ tə Mughu ù te to a? Kòʼô, ghî ghəla ghe ndûw tsəlā num wʉ̂a êzəŋ e bughōo nû, ghe sô ghù boʼn sə̌a sùghò nù.”

1 Kòlentìan 10:9

A ki dzə yo naŋā tsughu Mughu ù te enyəa a e mɔɔ̄ koʼō, to ghee à li a fə ghəŋlo zughu tə n nūum wī tsughu ghee.

Hibùlù 4:13

Fəgha kə̀ li yo dzə fɛ am mbī Zə̀ kə fə̀ gbə̂n wo kə nân doʼo an sə kə wə̄n. Ghəa ghən a dzə̀m tsò tsʉ̀ doʼo ko enyə an sə kə wə̄n. Sɛ̀ ki aletaŋso dzɛ̂ ghəa ghən a dzə̀m sɛ̀ lo mo a m fwàʼ â wən.

Edêe Fughu 2:23

Ǹ lo wiin tsughûu ghì ghə̀n a dzə̀m ghe nî ghuw kə ebwìi kə nughò wən ko. Zən lo zoʼn tsughu dzweŋe u ghì a Kəzə̀ u te wo to enyəa Ǹ lo ghùw wəla Ǹ tsaʼà fə̂ŋ tə ghì tò àsùghò mòʼnlò e ghee zo, àsùghò enyəa Ǹ lo ghùw wɛʼɛ fùghuu ko â fəgha kə̀là kə kpe tsughu aŋ ghə̀a a wə̄n à ghəəŋ gho.