Mâk 12:14 - To kə Kəzə̀ kə̀ Fughu ko

¹⁴ Ghe m bùghò dzɛ̀ â wə̄n enyəa, “Wàdè, a kwo nû enyəa ghù ghûw ù tsəghatsəgha, lɛɛn sùghò yò tûe kə ghûw kò; nu ghù kà ndòʼ nàŋà tuūŋ ko am fəgha kəla ghùw lǒ ghè kòʼ, ghù bɔ̌ɔm tèlè dèe ndùw ko dzì è Kə̀zə̀. Lâŋ kə̀ dê nù enyəa a e chuuw mwàʼsò kò â Də̀ŋ kə Lumà kò ŋkāa a ki yo alechuw à?

Mâk 12:14 Iomraidhean Croise

Matìo 22:16

Ghe n tùm ndùw tsə̀təndə̄ghā tə ghee ghèe ghê ghì a Hɛlɔ̀d à li gho a vʉ̀a Yɛso; ghî a tum yi ghə n ndùw dzɛ̀ â wə̄n enyəa, “Wàdè, ghàʼ kûm kwò nû enyəa, ghù lǒ ghùw wə̀ èsəŋò, ghù vʉ̀a ghù kùu zoʼn sugho ghî ghò â səŋò zò aŋ ghəa a Kəzə̀. Ghù bùʼù nǎaŋ yo tuūŋ ko aŋ ghəa ghəla ghî à moʼò an tsʉ̀ zəla ghùw fughuu â ghì ghò, ghù vʉ̀a ghù naāŋ sughò yô sə zo am fəgha kəla ghùw lǒ ghè kò.

Matìo 22:17

Ghù mòʼò èndugho aŋ ghəa ghən à, dzâa wò â ghàʼ. E dzɔ̂ɔ nù alechūuw mwàʼsò kò â Də̀ŋ kə Lumà ko ŋkāa e dzɔ̂ɔ yǒ a?”

Mâk 12:13

Ghe fi ndûw tùm wò nù ghî a Falàsîi à li gho ghèe ghê ghì a Hɛlɔ̀d à li gho enyəa ghe bughò zuw dzughu e wə̄n.

Mâk 12:15

A e chuuw ŋkāa a ka e chuuw a?” Ghəa Yɛso kəŋ kwū kɔʼ tɔ u ghee wo, ù n dzɛ̀ â ghee enyəa, “Ghɛ̀ mugho mɔ̂ɔ kòʼò bòʼ kwò a? Kəŋ fùghù wò mugho a kua u fəŋgɔ̀ʼ wò u mɔ̀ʼ tò Ǹ lɛɛn tsughu.”

Mâk 14:45

Ghəa Dzudàs səŋ teē wo, ù ŋ kɔʼ daŋso ndùw ko a vʉ̀a Yɛso, dzɛ̀ tsùghù enyəa, “Wàdè!” Ù n daŋso maaŋ kele ndùw wə̄n.

Lûk 20:22

Lâŋ kə̀ sô yia dêe nù enyəa a e chuuw mwàʼsò kò â Kaesà ŋkāa kə dêe yò a?”

Lûk 23:2

ghe fi kaʼ nù alekwu Yɛso, dzàa tsùghuu enyəa, “A kəŋ kwu sə kɔʼ enyəa tûwbʉ̀ghà wən tsʉ̂a bǒon ghì ghə enaʼ a sɛ̀, ù dzɛ̀ enyəa ghî à ka mwàʼsò kə̀ e chuuw â Kaesà, dzàa kaaŋ sùghò enyəa e lo Bəghambī, də̀ŋ kə̀ tsuʼu ko.”

Dzɔ̌n 7:18

Ghùw wəla ù kə̀aa ghəa a wə̄n a kəghū gho, ù kə̀ŋo ŋkɔʼso aŋ ghùe u wə̄n, wəla ù kuūwn kəŋo kɔʼso mò â ghùw wəla ù tum wo wə̄n lo ghùw wəla ù kə̀aa səŋò zò, nyàaŋ fə dzʉ fə̀ li fə yo aŋ ghəa a wə̄n à ghəəŋ gho.

Lumà 13:6

Zən lò e ghee ghɛ̀ ki sugho alechuuw ŋgùu kò, tɔŋlo enyəa ghî ghəla ghe saʼā tuw u sɛ̀ wò lò ghî a kəfwàʼ a Kəzə̀, ghe kûu fwàʼà â Zə̀ kò aŋ ghəa ghən.

2 Kòlentìan 2:17

Ghàʼ yo dzə̄ tò ndə̀m è ghì a mbòʼkùm ghəla ghe nî shwaʼ u Kəzə̀ wò zəa a te, ghəa Zə̀ kə̀ kuūwn tum sə wô ghaʼ, ghàʼ kə̂aa wò shwaʼ waʼa ù səŋo wò an sə kə wə̄n tǒ kɔ̀ɔ ŋ Kə̀lestò n sə̀ŋò mò.

2 Kòlentìan 2:2

Abugho Ŋ̀ ghəə̄ŋ tsughu enyəa ghɛ̀ zuw fɔɔn zo, à sə̀ mùghò kuuwn ghəəŋ ndùghò enyəa mùghò è duʼnlo à, mò à mgbàŋ yò ko ghɛ ghəla Ŋ̀ ghəə̄ŋ tsughu enyəa ghɛ̀ è zuuw fɔɔn zo a?

2 Kòlentìan 4:1

Ghəa Zə̀ kə̀ kwusō tsughu se zo a zəŋò ghàʼ, fùghù wò ghàʼ â fwàʼ kən, fəgha kə̀ li kə yo dzə̂ alebughusô fwee zaʼā a te.

2 Kòlentìan 5:11

Ghàʼ kwo nû ghəa zəla e niī aletsəŋ Mughu ù te, zə lo eghee ghàʼ buʼu wô ghî ghò â ghu ko ghe e tsəŋo nduw sugho Wə̄n. Zə̀ kə̀ tɔ̂ʼ kwò nû fəgha kəla ghàʼ lo ghè kò, yìa M̀ moʼò sugho enyəa ghɛ̀ kwo sugho nû fəgha kəla Ǹ lo ghè kò am fə̀ŋ tɛʼɛ.

2 Kòlentìan 5:16

À fì lò enyəa alenìi nughù tsughu êzə̄ŋ ndùw â sə ko, sɛ̀ ki dzə yo aletsòo nìi ko ghùw aŋghəa ghî à koʼò ndûw kôʼ e wə̄n zo a te mbuu sɛ̀ fə̀ bûʼ nî dzə Kə̀lestò aŋ kôʼ e wə̄n, sɛ̀ yia kôom yo alenì wə̄n êzə̀ êzə̄ŋ.

Gàlashìan 1:10

Ghəa ghə̀là Ŋ̀ kə̂aa enyə, Ŋ̀ kəŋo dzə̀ yò alekelê zən è dzûŋ zò a sə̀a ghì ghò, Ŋ̀ kuuwn kəŋo alekele a sə̀a Zə̀ kò. Abugho M̀ mô dəmà alekelê zən è dzûŋ zò a sə̀a ghì ghò, to M̀ mô yò dzə kɔ̂ɔ fə Kə̀lestò fò.

Gàlashìan 2:6

Ghî ghəla ghe fə̀ dzɛ enyəa ghe lo tətsoʼ a fughu an dzeŋe ke te ko — kaa ghe fə̀ lo kwò kə ghee ko, e mò moʼo yo ghə̂a è li zo â mùghò; tɔŋlo enyəa Zə̀ kə̌ ghùw lɛ̌ɛn dzə̀ yò aŋ kòʼ e wə̄n. Ghî ghən fə̀ ki dzə yo ghəa è li zo tò kəsànlo ghe lo alefughuu wô â mùghò.

1 Tɛ̀sàlonìan 2:4

Ghàʼ ghəa ghən fɛ kə̀aa wò tò ghî ghə̀là Zə̀ kə̀ lo mo kə m fughu naŋa làbəlà è dzùŋ è te â ghee, ghàʼ kə̂aa dzə̀ yò fəgha kəla ghî à ləghaa, ghǎʼ kuuwn kə̀a wò fəgha kə̀là Zə̀ kə̀ ləghaa enyəa ghàʼ e kəaa, Zə kəla kə kwo fə̂ŋ tə aghì tò.