Mâk 11:1 - To kə Kəzə̀ kə̀ Fughu ko

¹ A m bùghò Yɛso bùghò tɛ̂ tsughu an naʼ e Bɛtfàch, àsùghò an naʼ e Bɛtānì, mo ghe sô kùʼso ndùw Yɛ̀lusalɛ̀m am bà kə kwàʼ u tə̀ Olèf, ghèe ghê tsə̀təndə̄ghā tə wə̄n to, ù n dzə̀ kɔ̌ʼ tsə̀təndə̄ghā tə wə̄n tə bə̀ghà, tùm è tsughu,

Mâk 11:1 Iomraidhean Croise

Matìo 21:17

A m bùghò Yɛso zə̀ghàa tsughu ghî yi gho, ù n sə̀ nùghù ndùw fughu alo enaʼ, ndùw bwǐi ndùw am Bɛtānì.

Matìo 24:3

A m bùghò Yɛso dòʼ aŋ kwàʼ u tə̀ Olèf, tsə̀təndə̄ghā tə wə̄n tə n tsɔ̀ŋ bùghò kòʼ wò wə̄n, bvʉ â wə̄n enyəa, “Mò à, ghəa ghən lô bala kə nîi a zə̀n, à lǒ tsə̌a è ghɛ zò è kè dêe tsughuu enyəa nəgha zəghà è koōm bugho ebàm zə̀ m kpe a, asùghò enyəa mbī fɛ so mîa a?”

Matìo 26:30

Ghe n daŋso zom tsughu aghəa, nùghù sə̀ kɔ̀ʼ ndùw aŋ kwàʼ u tə̀ Olèf.

Mâk 11:2

dzɛ̀ â ghee enyəa, “Ndǔw nlò an nàʼà fə̀ fi â sə ko, ghɛ̀ sə nduw koʼ tsughu tsʉa u fəndzàkâs ù nûu wò ghe təŋɔ̀ naŋā; zěe wò nlò â ghè wò.

Mâk 13:3

Yɛso ŋ kɔ̀ʼ dòʼò tsùghù aŋ kwàʼ u tə̀ Olèf, lɛɛn dàŋà ndùw Ndùghekəzə̀ è nē an Yɛlusālɛ̀m. Pità ghèe ghê Dzɛ̂ms, à Dzɔ̌n, àsùghò Andùlù n tsèen bvʉ tsughu â wə̄n fughu enyəa,

Mâk 14:13

Ù n daŋso tum tsughu tsə̀təndə̄ghā tə wə̄n tə bə̀ghà, dzɛ̀ â ghee enyəa, “Ghɛ̀ nyə nduw enaʼ, ghɛ̀ so nduw kpeen tsughu ghɛ̀ à ghê ghùw mò ù bòʼò kèlê tom kə mmùghu. Nùghu ndùw nlò a bàâ wə̄n.

Mâk 6:7

Yɛso n tɔŋɔ zùuŋ wò tsə̀təndə̄ghā tə wə̄n tən èghəm à ghè tò kə bə̀ghà a vʉ̀a wə̄n, zìi tsùghu ghee a lùʼù tuu səa wo, a bə̀ghà à bə̀ghà, fughuu tsughuu ghee â dwaʼa wəla u ghaʼā wo zʉ̀ ù biigh wo.

Dzɔ̌n 8:1

A m bùghò ghe sɛ̂ɛ nughù nduw an ndughu tə ghee, Yɛso kuuwn nughùu kɔ̀ʼ ndùw aŋ kwàʼ u tə̀ Olèf.

Kə̀fwàʼ 1:12

A m bùghò ghe zəghàa tsughu kwâʼ u Olēvɛ̀t wò, nùghù ndùw èbàm an Yɛ̀lusalɛ̀m; kwâʼ u Olevɛ̀t ù kuʼù dòʼò tsughu ko ghèe Yɛ̀lusalɛ̀m, mò ghùw bwìi tò ebəghaa e mɔ̀ʼ (bwìi e tsuʼ u Sabàt u mɔ̀ʼ), alenùghù tsughu an Yɛ̀lusalɛ̀m ndùw tɛ̀ fughu.