Mâk 10:52 - To kə Kəzə̀ kə̀ Fughu ko

⁵² Yɛso n dzɛ̀ â wə̄n enyəa, “Nùghù luʼū təghà tò; boo zəghà zə̀ ŋ ghù baŋlo.” Sə a wə̄n ghə n daŋso tsʉ̀ è kɔʼ, ù n nùghù ndùw ghèe Yɛso an dziī.

Mâk 10:52 Iomraidhean Croise

Matìo 11:5

ghî à foō a koʼò wò tə̀luʼū, à məla bwiī yia bwîi wô tsəghatsəgha, yia baaŋ ghî a tətsùghò ghò, kùʼ vʉa u zuūw wô ghəa gho, ghî à kpuuw yia zôom nùghùun kɔʼɔ alo evʉ̄, yìa M̀ fughuu sugho Làbəlà è Dzùŋ â ghì à laa gho.

Matìo 12:22

Ghî à li ghə n daŋso ndùw bùghò â kùʼ kə̀foō kə̀ li ko a vʉ̀a Yɛso, Yɛso m baaŋ kɔʼ wə̄n, tûw vʉ ŋ kàʼ wò ghəa à kə̀a gho, kàʼ ndùw sùghò luʼū tə̀ koʼō to.

Matìo 15:28

Yɛso n daŋso bɛ̀lɛ̀ tsùghù nʉghà vʉ enyəa, “Wo wìzən, ghù m bɛso boo fughu â mùghò. E bɔɔ̄m doʼò ko aŋghəa ghù ləghaa.” Wɛ ù nùghò vʉ n daŋso tughu kɔʼ an nə̀gha e te zo.

Matìo 21:14

Ghî à foō ghə m bùghò kòʼ wò Yɛso a fughu am Ndùghù è Kə̀zə̀ e ne, àsùghò ghì à ŋgɔɔn bwiī gho, ù m baaŋ kɔʼ ghee.

Matìo 8:3

Yɛso n daŋso dàan ndùw kə̀ghu, mɔ̀m tsùghu wə̄n, dzɛ̀ tsùghù enyəa, “Mùghò n tsə̀m, tughu kɔ̀ʼɔ̀.” Tsùghò ti tə n daŋso zə̀ghàa tsùghù tûwbʉ̀ghà vʉ̀ an nə̀gha zə̀ èzə̀.

Matìo 9:22

Yɛso m fə̀n tsùghù ughue, kòʼ tsughu wə̄n, dzɛ̀ tsùghù enyəa, “Kele tsughu fə̀ŋ è dzùŋ a ŋ wɛ̄; fə̀ŋ zəla ghù gaʼ tsughu a zəŋò Zə̀ kò, zə̀ ŋ ghù baŋlo.” Wizən vʉ n tughu tən kɔʼ ko an nə̀gha e te zo.

Mâk 1:31

Ù m bùghò dàŋso kwù nùghùsò kɔ̌ʼ wə̄n aŋ kwē, nì nùghù kɔ̌ʼ wə̄n, ghue u te wə n daŋso zə̀ghàa tsùghu wə̄n; ù n daŋso nùghù tsə̀ghàsò wò ghee â fʉ̀ghàzəa wo.

Mâk 5:34

Yɛso n dzɛ̀ â wə̄n enyəa, “Ŋ wɛ̄, fə̀ŋ zə̀ghà ghù gaʼ tsughu a zəŋò Zə̀ kò ŋ ghəŋlo ghù vʉ̀a ù tughu; ndùw kədzûŋ, ghe baāŋ kɔʼ dzə̂ ghû an dzàŋ zə̀ghà.”

Mâk 8:25

Yɛso n daŋso gaʼ kpeʼe ndùw ghu a wə̄n an sə a tûwbʉ̀ghà vʉ̀; tûw vʉ n tɔ̀ʼ zìso kɔʼ asə, sə ghə ŋ kòom tsʉ̀ è kɔʼ, ù ŋ kòʼ tɔ̀ ndùw tə̀luʼū.

Lûk 7:50

Yɛso n dzɛ̀ â nùghò ù te enyəa, “Fə̀ŋ zə̀ghà zəla ghù gaʼ tsughu a zəŋò Zə̀ kò, zə̀ ŋ ghù bəghasə; ndǔw è zəghà zò nyàʼànyàʼà.”

Lûk 9:48

dzɛ̀ â ghee enyəa, “Ghùw wəla ù kpenī wɛ wən bòʼ mùghò, ù fi kpenì mùghò. Wəla ù kpe nî mugho, ù fi kpe nì ghùw wəla ù tum mugho; nu ghùw wəla ù doʼò tsughu ghùw ù lwə̄n fɛ̄ am bvʉa zɛʼɛ̄, à kè kǔuwn lǒ wə̄n ghùw ù nē.”

Dzɔ̌n 9:32

Tò aŋghəa mbī fə̀ kàʼ, a kāam zuw kòʼ enyəa ghe fə̀ dzə wo ghùw mò ù fò dòʼò nù, ghùw ù lì m bughò tsʉ̀ kɔ sə a wə̄n.

Dzɔ̌n 9:39

Yɛso n dzɛ̀ enyəa, “M̀ fɛ bùghò alebùghò saʼ ghî a mbī; enyəa ghî ghəla ghe fô doʼo e lo alekoʼo luʼū to, asùghò enyəa ghəla ghe moʼò enyəa ghe koʼò nù luʼū to, e lo alefòo doʼò.”

Kə̀fwàʼ 26:18

Ghù kì aletsʉ̄ sə a ghee, ghù ni nughu sə wo ghee alo kələ̄m, ghù naŋa sə wo an tsə̂, ghù ni nughu tsughu sugho ghee aŋ ghu kə Satàn, ghù ni wo ghee a vʉ̀a Zə̀ kò, to abugho ghe lo gaʼ tsughu fə̂ŋ tò a zəŋò mùghò, a lo ghuūw māʼà kɔʼ bôo tə ghee, ghe nîi kɔʼ bala e ghee am bvʉa e ghì ghə̀là Zə̀ kə̀ shîaa kɔʼ.’ ”