Bìoball air-loidhne

Mâk 10:47 - To kə Kəzə̀ kə̀ Fughu ko

⁴⁷ A m bùghò ù zuw tsughu enyəa à lò Yɛso, ghùw Nazalɛ̀t, ù ŋ kaʼ tsughu bɔ̂ŋ kə̀ buʼu ko enyəa, “Yɛso, Wɛ̀ ù Dɛvìd, sə kwuso se zo a zəŋò mùghò a!”

Faic an caibideil Dèan lethbhreac

dol air ais ⬆

Mâk 10:47
24 Iomraidhean Croise

Matìo 1:1

Kən lǒ mwàʼsò kəla kə taŋso sə tsughu wô ghê tsele a tselè Yɛso Kə̀lestò a te, Yɛso Kə̀lestò wəla ù fə̀ lo wàawɛ̀ ù Dɛvìd. Dɛvìd fə̀ lo wɛ ù Abə̀làhâm.

Faic an caibideil

Matìo 12:23

Dzughu zə zūm aghî à dzə̀m, ghe m bvʉ enyəa, “Wən tə̀m lò to wɛ̀ ù Dɛvìd wə̄n a?”

Faic an caibideil

Matìo 15:22

A mo e kôʼ wìzən ù Kanàan ù lì a fughu alo enaʼ n ndùw bùgho a vʉ̀a Yɛso mò ù dìi wò nù, bùgho dzɛ̀ â wə̄n enyəa, “Wɛ ù Dɛvìd ù nùu, kwuso se zo a zəŋò mùghò a Mughùbè! Zʉ̀ ù biigh u lo a zəŋò wɛ waŋa ù zən, vʉa u ŋgeē waʼsò fəmso wə̄n.”

Faic an caibideil

Matìo 2:23

Ù n ndùw mùghù ndùw fughu an naʼ è li zo ghe fə̀ tɔŋlo enyəa à lò Nazalɛ̀t, enyəa e bɔɔ̄m səā kpeē ndûw an shwaʼ wəla ghiīshʉ̀ghà a fə̀ dzɛ̂ naŋā kùu ndùw Yɛso enyəa, “Ghe lô wə̄n tɔŋlo enyəa à lo ghùw ù Nazalɛ̀t.”

Faic an caibideil

Matìo 20:30

A mo e kôʼ ghì à foō à li gho a bə̀ghà ghe mò doʼ fughu aŋ kwàn u dziī ŋ kaʼ tsughu bɔ̀ŋ m bùʼn mò aŋghəa ghe zuw tsughu enyəa Yɛso tsə̀ghàa nù; ghe n dzâa tsùghùu enyəa, “Kwuso se zo a zəŋò ghàʼ a, wɛ̀ ù Dɛvìd!”

Faic an caibideil

Matìo 21:11

Ghî à mo enyəa, “Wən lǒ ghùwshʉ̀ghà Yɛso, ù sə wo an Nazalɛ̀t, am mbùʼ è Galèlîi.”

Faic an caibideil

Matìo 21:9

Nɔ̂e kə aghì kəla kə mò ndûuw esə, à kəla kə mò bughōo ebàm, ŋ kāʼ tsughu alefughu mbaŋa â wə̄n enyəa, “Hòsanà, hòsanà, â wɛ ù Dɛvìd luu! Bughunlo e lo â ghùw â ghûw wəla ù bùghò an zən e Mughu ù te! Hòsanà alo kəwālā luu!”

Faic an caibideil

Matìo 26:71

Ù mo e tsəghàasə̌a ndùw alo kəfālā, kɔ̂ɔ fə̀ zən fə̀ li fə ŋ kòom kòʼ kpèʼe tsughu wə̄n, dzɛ̀ tsùghù â ghì ghəla ghe mò kùʼù ti kaāŋ fughu enyəa, “Bəghà wən mò lo ghèe Yɛso, ghùw Nazalɛ̀t ù vʉ̂.”

Faic an caibideil

Matìo 9:27

Ghəa Yɛso zə̀ghàa tsughu alô tûwbʉ̀ghà ù te, nùghùun dàŋso ndùw, ghî à foō à li gho a bə̀ghà n nùghù ndùw à bàâ wə̄n. Ghe n dîi dzàa ndùw â wə̄n enyəa, “Wo wɛ ù Dɛvìd, so kwuso se zo a zə̄ŋò ghàʼ a.”

Faic an caibideil

Mâk 1:24

Tûw vʉ n daŋso nùghù dì sə̀ wò enyəa, “Ghù kǐ kwò sɛ̌ a Yɛso, ghùw ù Nazalɛ̀t wə̄n? Ghǔ m bùghò sə alebùghò ləŋe ghàʼ à? Ŋ̀ kwo nû ghùw wəla ghù lò â ghè wò, ghù lǒ ghùw ù Kə̀zə̀ ù Zɔ̀lɔ.”

Faic an caibideil

Lûk 4:16

Ù n nùghù ndùw an Nazalɛ̀t, an naʼ zəla ù fə̀ noō kɔʼ wo a te. Ù n ndùw nyə̀ ndùw an Ndùghènē è Tə̀dzûu Tsuʼntsə̄, à màʼà lô bughoo kə wə̄n. Ù n nùghù těe kɔʼ aletɔŋlo àghəa,

Faic an caibideil

Dzɔ̌n 1:46

Natanìɛl m bvʉ a wə̄n enyəa, “Ghəa è dzûŋ è li e mboʼo lò ko nû e lô alesəā wô an Nazalɛ̀t à?” Felêp mô â wə̄n enyəa, “Bùgho kòʼò tsugho an sə ghə̂a.”

Faic an caibideil

Dzɔ̌n 19:19

Paelɛ̀t n tɔ̀m tsùghù sùghò àghəa alo kəbaŋlo enyəa, “Yɛso, ghùw ù Nazalɛ̀t, də̀ŋ kə Tə̀dzûu!” Ghe m bɛ naŋa kɔʼ edzūŋ an dǎaŋ kə wə̄n.

Faic an caibideil

Dzɔ̌n 7:41

À li ghə n dzɛ̀ enyəa, “Wən lǒ Kə̀lestò.” À li ghə ŋ kuuwn bvʉ enyəa, “À lò enyəa Kə̀lestò ù te lo səa wò aŋ Galèlîi ŋkāa?

Faic an caibideil

Dzɔ̌n 7:52

Ghe m bɛ̀lɛ̀ tsùghù wə̄n enyəa, “Ghù sə̀ sùghò aŋ Galèlîi ŋkāa? Kəŋ sə kɔ̀ʼɔ, ghù so e kele tsughu enyəa ghùwshʉ̀ghà ù Kə̀zə̀ ù lì kê yò alesəa koʼò wô aŋ Galèlîi.”

Faic an caibideil

Kə̀fwàʼ 6:14

nu ghàʼ maā zuw ù kə̀aa enyəa Yɛso ghùw Nazalɛ̀t wən lo sàʼà màʼn tsùghûu Ndùghù è Kə̀zə̀ e ne, ù kuūwn kɔʼ ghəa ghə enaʼ a sɛ̀ ghəla Musî fə̀ fughu naŋā â sɛ̀.”

Faic an caibideil

Edêe Fughu 22:16

“Mùghò Yɛso, mùghò n tsə̀ndə̄ghā e Kəzə̀ zaŋa tum wo a vʉ̀a ghù â shwaʼ waŋa wo alenàʼà ndûw an dzweŋe u ghì a Kəzə̀ wò. Ǹ sə e an tiigh kə Dɛvìd, yìa Ǹ lo sə̀ghàbəlà fə gbəlàgbə̀là fə̀ nyəghaan fo.”

Faic an caibideil

Lean sinn:

Ceanglaichean taic

Sanasan

Sanasan