Mâk 10:38 - To kə Kəzə̀ kə̀ Fughu ko

³⁸ Yɛso ŋ kòom dzɛ̀ â ghee enyəa, “Ghɛ̀ bûʼ kwò yo fəgha chìa ghɛ̀ bvʉa â ghè kò. Ghɛ̀ lo nû alefala aŋghəa Ǹ lo fanlo a te, ghɛ̀ ke kpuw sugho ŋgòʼ è evʉ zəla Ǹ lo kpuūw ghè zò à?”

Mâk 10:38 Iomraidhean Croise

Matìo 26:39

Ù n daŋso nyɛʼɛ nùghù dàan kə̀ŋo è nduw, ù n tsughu nyaʼa è tsughu, pfʉa ndùw ùsʉ a ghueetsə̄, kàʼ ndùw alegɔ̀ŋlò enyəa, “Tsele waŋā, abugho dzì mò lo, to ghù mo ni nughu wùa zə̀ e fala zən aŋ ghùu kaŋa; yia a bugho e sô buw aledòʼò aŋghəa M̀ mòʼnlo, ghəəŋ ndùw ko ghəa zəla fə̀ŋ zə̀ghà dè kɔʼ.”

Matìo 3:6

Ghe m bughò zàa wò vùŋ u ghee enyəa ghe ŋ ghəəŋ bonlo, Dzɔ̌n m fughuu tsughu ghee â mùghù ŋ Kə̀zə̀ mo an dzughù è Dzodàn.

Mâk 14:36

Ù n daŋso dzɛ̀ sə̀ wò enyəa, “Bàba, Tsele waŋā, â ghù, ghəa ghə̀n à dzə̀m lò nû alesə̄, nǐi nùghù mbùŋ kən an tuw kaŋā. Ghəəŋ tsughu aŋ ghəa ghəla ghù ləghaa, à yò dzə̂ aŋ ghəa ghəla Ǹ ləghaa.”

Lûk 12:50

À lò ko enyəa, Ŋ̀ ki alenyə an utsù tò ghùw lò nyəā məən tsughu an dzughù abugho ghe fughuu wə̄n â mùghù ŋ Kə̀zə̀ mò, fə̀ŋ zaŋa yo alezʉ̀nlò, à gɔ̀ʼɔ̀ ko mo ghəa e te e telè bughò tsə̀ghà tsùghù dzə̀ nù.

Lûk 22:42

“Tsele, abugho ghù tsə̌m, bòʼo nùghu mbùŋ kən aŋ ghùu mùghò; à kǔuwn yǒ an daʼa kaŋā, à lǒ an daʼa kə̂a.”

Dzɔ̌n 18:11

Yɛso n dzɛ̀ â Pità enyəa, “Zughu naŋa nyə tsughu kɔ zəghà ebàm am būʼ. Ŋ̀ ki alebòʼò mbùŋ kəla bəghà fughu â mùghò enyəa M̀ boʼò.”

Lumà 8:26

À lò sugho eghəla, Zuʼ tə̀ Zɔlɔ tə bughò yòsò nû sɛ̀ aŋghəa a bûʼ ki ko yo nûŋ wò. Tɔŋlo enyəa sɛ̀ bûʼ tɔ̀ʼ kwò yo ghəa zəla sɛ ki alegɔŋlō a te; ghuūghùe u Zuʼ tə̀ Zɔlɔ tia tə buʼù gɔ̂ŋlo an tuw u sɛ̀ alo edì mò ghùw yò dzə̂ aleteso dzɛ̂ shwaʼ u te wo.

Dzɛ̂ms 4:3

Abugho ghɛ bûʼ bvʉ ko fəgha ko, ghɛ̀ yia a dòʼŋkè kele, à lǒ bòʼ ghɛ sô bvʉ am mòʼnlò è biigh zo, alenìi fwaʼà ndûw ghəa a fə̂ŋ ghɛʼɛ a te.