Mâk 10:32 - To kə Kəzə̀ kə̀ Fughu ko

³² Yɛso ŋ kɔʼɔ ndùw an Yɛ̀lusalɛ̀m ghèe ghê tsə̀təndə̄ghā tə wə̄n to. Ù n ndûw â sə ko. Tsə̀təndə̄ghā tə wə̄n tə n ndûuw êzə̀ mo dzughu e zuu ghee, fə̂ŋ tə̀ n tsəəŋ sùghò ghì ghəla ghe mò bughōo a bàâ ghee.

Mâk 10:32 Iomraidhean Croise

Matìo 11:25

Yɛso n dzɛ̀ tsùghù an nə̀ghà e te zo enyəa, “M̀ fughu zɔ̀ɔŋ kə̀a a Tsele waŋā, Mughu ù kəwala à ghueekətsə̄ ko, enyəa ghù ŋ ghəa ghən nân nàŋa â ghì à tɔɔ gho, ghù vʉ̀a ghù dè fughu tsughu â wɛghêtùghù gho.

Matìo 13:11

Ù m bɛ̀lɛ̀ tsughu enyəa, “Bàʼà ghɛ, Zə̀ kə̀ n nàn tə ghəa təla tə lo Fɔ̀e u kəwālā â ghɛ̀ dê fughu wò, kè kuūwn dê â ghee.

Mâk 1:27

Dzughu zə n zūm ghî a te gho a dzə̀m, ghe m bvʉʉn kaŋlo aŋ ghùe e ghee enyəa, “Zən lò Tsʉ e kwo zo enyəa à? Ù dòo tsə̀ghàsò sùghò kə̀làŋ â zʉ̀ wò, vʉa u zuūw â wə̄n.”

Mâk 4:34

ù kaa ŋgəmso kə̀a ghəa zo â ghee mò ù kà kwə̀ən kə ushwāʼ ko a te bughò dzə̀n, kuuwn nyɛʼɛ ndùw tèso dzàa tsùghûu ghəa a te gho a dzə̀m â tsə̀təndə̄ghā tə wə̄n to.

Lûk 10:23

Yɛso m fə̀n tsùghu ughue, tsə̀əm tsùghu ghèe ghê tsə̀təndə̄ghā tə wə̄n to enyəa, “Ghî ghəla ghe kôʼ ghəa ghən, ghe ki tuw kə̀ dzûŋ kò!

Lûk 19:28

Ghəa Yɛso kə̀a mɛʼɛ̀ tsughu ghəa ghən, ù mo è daŋso, ù tsughuu an Yɛ̀lusalɛ̀m.

Lûk 9:51

Ghəa tsuʼ u Yɛso ù kɔʼɔ wo alo Kəwālā u suū wo, ù n nùghù nùghù kɔ̀ʼ enyəa e fɛ tsughuu an Yɛ̀lusalɛ̀m.

Dzɔ̌n 11:16

Tɔ̀mâs, tɔɔŋ Didimùs n dzɛ̀ â tsə̀təndə̄ghā tə̀ li to enyəa, “Ndzə̀a nlò tò sɛ̀ dzeŋe ndûw sɛ̀ à ghê Wàdè, mò à lò ko evʉ, sɛ̀ à ghee n dzeŋe m kpuw dzə̀m.”

Dzɔ̌n 11:8

Tsə̀təndə̄ghā tə wə̄n tə m bvʉ â wə̄n enyəa, “Wadè, gha kə kaām sə aŋghə̂a Dzuū tə mô so təəm ghù alo atīa, ghù vʉa ghù naām moʼn ko alendùw ebàm à?”