Mâk 10:24 - To kə Kəzə̀ kə̀ Fughu ko

²⁴ Dzughu zə n zūm tsə̀təndə̄ghā tə wə̄n aŋ ghəa ghe zuw tsughu shwāʼ wə̄n. Yɛso ŋ kòom dzɛ̀ tsùghù â ghee enyəa, “Ghəa e tughu, tò ghəa è tsəghāa nyəa zən am fɔ̀e ù Kəzə̀ wɛ ghaŋā gho!

Mâk 10:24 Iomraidhean Croise

Matìo 19:25

Aŋghəa tsə̀təndə̄ghā tə zuw tsughu ghəa zən, tuw kə m kpuw ghee, ghe m bvʉ tsughu enyəa, “À kǔuwn lò ndugho alezə̄ kə̄tūw à?”

Mâk 1:27

Dzughu zə n zūm ghî a te gho a dzə̀m, ghe m bvʉʉn kaŋlo aŋ ghùe e ghee enyəa, “Zən lò Tsʉ e kwo zo enyəa à? Ù dòo tsə̀ghàsò sùghò kə̀làŋ â zʉ̀ wò, vʉa u zuūw â wə̄n.”

Mâk 10:23

Yɛso n nùghù lɛ̌ɛn kaaŋ wò tsə̀təndə̄ghā tə wə̄n, dzɛ̀ â ghee enyəa, “À tɔ̀ʼ lǒ tùghùtùghù kə eghəa â ghì à kuu gho aletsə̀ghà nyə am fɔ̀e ù Kəzə̀!”

Lûk 16:14

Falàsîi tə̀ n tsōʼ wə̄n aŋghəa ghe zuw tsughu shwaʼ wə̄n, ghe maʼâ ŋgee ləghaa kua wo.

Dzɔ̌n 13:33

Wɛ a fə̀ŋ ghaŋa gho, Ŋ̀ kôom ŋge ki yo nəgha zo sɛ̀, ghɛ̀ lô mughò kəŋo wò nù. Ghəa mugho mô dzɛ̀ â tsoʼ tə Tə̀dzûu tò, M̀ bɔɔm dzàa wò sùghò ghəa è mɔʼɔ zo â ghɛ̀ enyəa, ‘Luʼu kəla Ǹ nduūw a te, ghùw wɛʼɛ yo alebùghò fùghù.’

Dzɔ̌n 21:5

Yɛso m bvʉ â ghee enyəa, “Fən ghaŋā gho, ghɛ̀ sô yia ki nu tsəgha to a fiā a?” Ghe m bɛ̀lɛ̀ ndùw wə̄n enyəa, “Ɛ̂ŋgaŋ dzə̂”

Dzɔ̌n 6:60

A m bùghò tsə̀təndə̄ghā tə wə̄n tə zuw ghəa yì, ndə̀m è ghee n dzɛ̀ enyəa, “Tsʉ̂ zən tughuu nù; à lò ndugho aleboo alefwàʼ ghəa a te gho à?”

Gàlashìan 4:19

Fɔɔn zəla Ǹ zuūw bòʼ ghɛ̀ a wɛ ghaŋā gho lò ko tò fɔɔn zəla wìzən ù nʉgha u wɛ zuūw an nəgha è dzəa zo. Ǹ lo tèlè zǔuw ko fɔnlo e te zo enyə, Ǹ ndûw tâa ndûw an ti kəla mughù e Kə̀lestò e lo dêe səā wo a te a zəŋò ghɛ̀.

1 Timotì 6:17

Kwɛ̀ɛn tsughu ghî ghəla ghe kuū am fʉgha u mbī wo, enyəa ghe ka e kɔʼso ghue zo a te, tɔŋlo enyəa u lo dòʼn tə̀la yo, ghe ki alechiī tùʼ e ghee e dzə̀m a zəŋò Zə̀ kəla kə fughu sɛ̀ â fʉgha wə̀n ù dzə̀m u ghəŋlo enyəa sɛ̀ è tsoʼnlo.

1 Dzɔ̌n 2:1

Ŋ̀ ghəa ghən fɛ tɔɔ wò â ghɛ̀ a wɛ ghaŋā gho, enyəa e kwo ko ghùw wɛʼɛ lô so e ghəŋlo èbo. Abugho ghùw ù mɔʼɔ̄ kpaʼ ghəəŋ tsughu bo zo, a ki nu ghùw wəla ù buʼū ghu ko an tuw u sɛ̀ a vʉ̀a Tsele ù sɛ̀, tɔɔŋ Yɛso Kə̀lestò, ghùw ù tsəghatsəgha.

1 Dzɔ̌n 4:4

Ghɛ̀ a wɛ ghaŋa gho, ghɛ̀ yia lo ghî a Kəzə̀ ghò; ghɛ̀ yia təm zə sugho ghiīshʉ̀ghà ù biigh gho, nu ghùw wəla ù lò a zəŋò ghɛ̀, ù tughu tsə̀ghàtàʼà ghùw wəla ù lò a zəŋò ghì a mbī gho.

1 Dzɔ̌n 5:21

Wɛ ghaŋa gho, nǐi nùghuu nlò fə̂ŋ tɛʼɛ to a zəŋò mùʼù mo! Nu à lô zʉ̀ wə agha.

Edêe Fughu 3:17

Ghɛ̀ dzɛ̂ enyəa, Ŋ̀ kuu nù, yìa Ŋ̀ ki fʉgha wo u dzə̀m, yìa Ŋ̀ kôom kə̀ŋo yo fəgha kə̀ li ko! Ghɛ̌ yia kwo yô enyəa ghɛ̀ lo tsɔ̂ tə aghì, aghî mo ghe mugho alo tətsʉ̄a, ghî à laa gho, ghî à foō gho, àsùghò zuum tə aghì tò.