Mâk 10:2 - To kə Kəzə̀ kə̀ Fughu ko

² Ghî a Falàsîi à li ghə n ndùw bùghò alebùghò chwəlà kôʼ Yɛso, bvʉ â wə̀n à, “Lâŋ kə̀ boo nù enyəa ghùw sɛ̀ɛ ghèe wì à?”

Mâk 10:2 Iomraidhean Croise

Matìo 15:12

Tsə̀təndə̄ghā tə ŋ kuʼso kəŋo ndùw a vʉ̀a wə̄n, bvʉ â wə̄n enyəa, “Ghù kwò ko nû enyəa nə̀ghà m bôo ghì a Falàsîi ghən an shwaʼ wən a?”

Matìo 16:1

Ghî a Falàsîi à li gho ghèe ghê Sadùwsîi tə̀ n nduw bùghò alebùghò baʼn kwu Yɛso, ghe m bvʉ â wə̄n enyəa, “Děe wò ghaʼ â tsə̌a enyəa à fùghù Kəzə̀ ghû â daʼa ko aleghəəŋ ghəa ghəla ghù ghəəŋ fɛ.”

Matìo 19:3

Ghî a Falàsîi à li ghə n ndùw bùghò alebùghò baʼn kwu wə̄n, ghe m bvʉ̄ â wə̄n enyəa, “Lâŋ kə̀ boo nù enyəa ghùw lò nû alesɛ̀ɛ ghèe wì ù wə̄n abugho ghəa è li e sə kɔʼ ā, ŋkāa abugho ù tsə̀m tsughu aleghəŋlo êzə̀ à?”

Matìo 22:35

Dèekə̀làŋ ù lì u mɔ̀ʼ ŋ kəŋo alebàʼn kwu Yɛso, ù m bvʉ â wə̄n enyəa,

Matìo 23:13

“Ghɛ̀ ghê Dèekə̀làŋ ghɛ̀ à ghê ghî a Falàsîi ghò, ghɛ̀ lo an tsù ù ne wo; ghî a kə̀bàŋàdzə̀m tò ghɛ! nu ghɛ̀ fê nàŋa tsughu dzì enyəa ghî à ka alo kəwālā tsəghà nyə̀, ghuūghùe zɛʼɛ̄ zəa e buʼù nyəā ndûw sughò yo a fughu, ghɛ̀ yia ləghaa sughò yo aledèe tsughu dzì â ghì ghəla ghe dəmà aletsə̀ghàa nyə enyəa ghe nyəā ndûw.

Matìo 9:34

Ghî a Falàsîi ghə̀ ŋ kuuwn kə̀a enyəa, “Ù ghəa ghən ghəŋlo mò à wə̄n â daʼa kə fughu də̀ŋ kə zʉ̀ ù biigh wo.”

Mâk 10:1

Yɛso n daŋso zə̀ghàa tsùghu Kàpɛnùm, nùghù ndùw am mbùʼ è Dzùdîa, ndùw dàŋ sə kɔʼ dzùghù è Dzodàn, ghî ghə̀ n tsuŋ kpeʼe wò sùghò a vʉ̀a wə̄n; ù ŋ kàʼ ndùw sùghò ghee a lùʼù zoʼn wo aŋ ghəa ù kiī ghəə̄ŋ tsəgha.

Mâk 10:3

Yɛso m bɛ̀lɛ̀ tsùghu ghee enyəa, “Musî fə̀ â ghɛ̀ laʼa dzɛ êndūghō a?”

Mâk 8:11

Ghî a Falàsîi à li ghə n ndùw è bugho, bùghò kàʼ wò dzughu à pfʉa gho ghèe ghê Yɛso, ghe m bvʉa tsə̌a è lì enyəa ù dèe wô enyəa à wə̄n â daʼa kə fughu Kəzə̀, mo ghe êzə bvʉa ghe bəlā an tɔ u wə̄n.

Mâk 8:15

Aŋ ghəa ghe daŋà nduw, ù n nùghù kʉ̀ɛɛn ndùw ghee enyəa, “Nì nlò nəgha zo am mbvùŋ è ghì a Falàsîi àsùghò am mbvùŋ è Hɛlɔ̀d.”

Lûk 11:39

Mughu ù te fi dzɛ̂ nù â wə̄n enyəa, “Ghɛ̌ tə̀ Falàsîi, ghɛ̀ sûuw zɔnso tsughuu ko kə̀kaŋ à wùa tò fɛ̄ a beē, mò ghɛ̀ alo tə fə̀ŋ bɔɔm mòʼò tə̀la ko ŋgaam tə aghəa àsùghò kəff kə ebo ko.

Lûk 16:14

Falàsîi tə̀ n tsōʼ wə̄n aŋghəa ghe zuw tsughu shwaʼ wə̄n, ghe maʼâ ŋgee ləghaa kua wo.

Lûk 5:30

Tə̀ Falàsîi ghèe ghê Dèekə̀làŋ, ghe n nyuuŋ saʼa kâaŋ tsə̀təndə̄ghā tə Yɛso enyəa, “À lǒ kwò ghɛ̀ zəā dzəŋlō, mʉa dzə̄əŋ sùghò nlʉ̀ ghɛ̀ à ghê dzə̀akə̀mwàʼsò àsùghò ghì à biigh gho a?”

Lûk 6:7

Tə̀ Falàsîi ghèe ghê dèekə̀làŋ à li ghə ŋ welè lɛ̌ɛn ko enyəa Yɛso sə̀ kpɛ̀ʼɛ baaŋ tsughu nǔ ghùw Tsuʼntsə̄ a, to ghe kwu wə̄n.

Lûk 7:30

Ghî a Falàsîi ghə̀ ŋ kuūwn tùe màʼà ghəa ghəla Zə̀ kə fə̀ ləghaa enyəa ghe e ghəŋlo ghèe ghê dèekə̀làŋ, ghe màʼa fə̀ tue enyəa Dzɔ̌n ka ghee â mùghù ŋ Kə̀zə̀ m fughu.

Dzɔ̌n 11:47

Tuw u təfɔ̀e ghèe ghê ghì a Falasîi ghə n daŋso tɔŋɔ zùuŋ tsùghù aghî aŋ kansì, bvʉ â ghee enyəa, “À lo to a e ghəŋlo ênzə̂n? Nuū ghùw wə̄n bəla dèe ndə̀mà tə nsə̀ghàa.

Dzɔ̌n 11:57

À n lo êzə̂ mo tuw u təfɔ̀e ghèe ghê ghì a Falasî ghə̀ n tsə̀ghàsò lâŋ kò enyəa mò ghùw kòʼ ko ghɛ Yɛso, ù m bùghò dzɛ̀ fùghù è wo, ghe n ndùw è kwu.

Dzɔ̌n 7:32

Ghî a Falàsîi ghə̀ n zuw aŋghəa ghî a shwəən kə̂aa kaāŋ ghəa gho a te kùu nduw Yɛso, ghee, ghèe ghê tuw u təfɔ̀e wə̀ n tum tsughu təgbè enyəa tə ndûw kwuū wô wə̄n.

Dzɔ̌n 7:48

À lǒ mò ghɛ̀ kôʼ nǔ ghî à ne à li gho ŋkāa ghî a Falasîi à li gho, ghe boō fughu â wə̄n a?

Dzɔ̌n 8:6

Ghe fə̀ êzə̀ bvʉa ndùw alemɔ̀ɔ kôʼ Yɛso, ghe sô kəŋo enyəa ù kə̀a bôon tsughu ghəa è li zo, to ghe kwu wə̄n. Yɛso m fuʼu è tsughu kàʼ ndùw ghəa à tɔɔ gho alo kəbvʉ̄nlō an wàakə̀ghu u wə̄n.

1 Kòlentìan 10:9

A ki dzə yo naŋā tsughu Mughu ù te enyəa a e mɔɔ̄ koʼō, to ghee à li a fə ghəŋlo zughu tə n nūum wī tsughu ghee.