Mâk 10:17 - To kə Kəzə̀ kə̀ Fughu ko

¹⁷ Ghəa Yɛso zə̀ghàan tsughuu â nùghù kò, ghùw ù lǐ n nyə̀ŋ ndùw tə̀m ndùw tuw wə anyʉ̄ a vʉ̀a wə̄n, bvʉ â wə̄n enyəa, “Wàdè ù dzùŋ, Ŋ̀ ki aleghəə̄ŋ tsughu êndūghō, Ǹ zə etsɛlɛ̀ lo a?”

Mâk 10:17 Iomraidhean Croise

Matìo 17:14

A m bùghò ghe bughò kôʼ wô saʼ kə aghì kò, tûwbʉ̀ghà ù lòʼ n sə kɔʼ nyaʼa wò a vʉ̀a Yɛso, dzɛ̀ enyəa,

Matìo 25:34

Də̀ŋ kə te kə lo daŋso dzɛ̂ â ghì ghəla ghe lo aŋ kwe u wə̄n ù təma wo enyəa, ‘Bùghò nlò, ghɛ̀ ghəla Bəghà lǒ mò ù ŋ ghɛ̀ â bughuso e fughu, ghɛ̀ e lo an fɔ̀e u kədə̀ŋ wəla ghe fə ki naŋa to â ghɛ̀ tèetèe aŋghəa mbī fə̀ kaʼ tsughu.

Matìo 28:8

Ghe fi daŋso kwuun zə̀ghàa tsùghù nû a fughu alo eshìa, nòʼò ndùw ko â ghue zo alo eduʼnlo, ghe nyəŋō ndûw alendùw dzɛ̂ â tsə̀təndə̄ghā tə wə̄n to.

Mâk 1:40

Ghùw ù tə̀tsùghò ù lǐ n ndùw sə̀ kɔ̀ʼ wò à vʉ̀a wə̄n â ghu kə̀ buʼu ko, nyaʼa ndùw a sə̀a wə̄n, dzɛ̀ â wə̀n enyəa, “Abugho ghù tsə̀m tsughu, to ghù ghəŋlo Ǹ zɔn.”

Mâk 10:18

Yɛso m bvʉ â wə̄n enyəa, “Ghù mùghò tɔŋlo enyəa Ǹ lo ghùw ù dzùŋ aŋ kwò à? Ghùw ù lì yo dzə̄ ghùw ù dzùŋ, à gɔ̀ʼɔ̀ ko Kə̀zə̀.

Mâk 12:14

Ghe m bùghò dzɛ̀ â wə̄n enyəa, “Wàdè, a kwo nû enyəa ghù ghûw ù tsəghatsəgha, lɛɛn sùghò yò tûe kə ghûw kò; nu ghù kà ndòʼ nàŋà tuūŋ ko am fəgha kəla ghùw lǒ ghè kòʼ, ghù bɔ̌ɔm tèlè dèe ndùw ko dzì è Kə̀zə̀. Lâŋ kə̀ dê nù enyəa a e chuuw mwàʼsò kò â Də̀ŋ kə Lumà kò ŋkāa a ki yo alechuw à?

Mâk 9:25

A m bùghò Yɛso kòʼ tsughu enyəa ghî à nyəŋo zùuŋ wò nù, ù n zùghù tsùghu zʉ̀ ù biigh vʉ̀ enyəa, “Ghǔ zʉ̀ wəla ghù kùʼsò ghî ghò, ghəəŋ sùghò enyəa ghe doʼò ùmùʼ, Ǹ so Ǹ dzâa wô â ghù enyəa, zəghaa tsughu wə̄n, e kwo ghù ke kôom nyəa koʼò sughò a zəŋò wə̄n!”

Lûk 10:25

Tsuʼ ù li wo, dèekə̀làŋ ù lì n nùghù tème è kɔʼ alemɔ̀ɔ kôʼ Yɛso. Ù mo â Yɛso enyəa, “Wàdè, Ǹ lo aleghəŋlo ênzə̂n tò mùghò è kelê mùghù è doʼn təla zo a?”

Dzɔ̌n 3:2

Tûw vʉ m bùghò kòʼ wò Yɛso â tsuʼ wo, dzɛ̀ â wə̄n enyəa, “Wàdè, ghàʼ kwo nû enyəa ghù lo ghùw wəla Zə̀ kə̀ tum wo alebùghò zoʼnlo àghì, tɔŋlo enyəa ghùw yò aledeē sə̀ghàa mə̀là ghù děe ghè mò, mò Zə̀ kə̀ kâ ghu ko a te gāʼ.”

Dzɔ̌n 5:39

Ghɛ̀ kəŋo kô ghəa ghəla a lô am mwàʼsò kə Kəzə̀, bòʼ ghɛ̀ sô moʼò enyəa à lò a te ghɛ̀ kele mughù è doʼn təla zo; mò à mgbàŋ lò ko mwàʼsò kə̀ mɔʼɔ̄ kən ko kə teso dzâa wô ghəa ghaŋa gho.

Dzɔ̌n 6:40

Tɔŋlo enyəa, kən lǒ to kə Bəghà, enyəa, ghùw wəla ù kôʼ tsughu Wɛ ù wə̄n ù nùu, vʉ̀a ù boō fughu nduw â wə̄n lo kele mùghù è doʼn təla zo, Ŋ̀ kê nîi nùghùsò kɔ̀ʼ wə̄n an tsuʼ fəla fə doʼò gûŋsò tsughu.”

Kə̀fwàʼ 16:30

nì nùghù sə̀ wò ghee beē bvʉ â ghee enyəa, “Ghêe Mughubè ghaŋa, Ŋ̀ ki aleghəŋlo ênzə̂n tò Ǹ zə kətuw à?”

Kə̀fwàʼ 2:37

A m bùghò ghe zuw tsughu ghəa yì, fə̂ŋ tə̀ m bàa tsùghu ghee ēnyə̄, ghe m bvʉ â Pità ghèe ghê tum tə̀ li ti enyəa, “Waazə̂ ghò, ghàʼ êzəŋ e dzə̂ ènzə̂n?”

Kə̀fwàʼ 20:32

M̀ fɛ êzəŋ fughuu nyəa tsughuu ghɛ̀ aŋ ghu kə Kəzə̀, àsùghò an shwaʼ u wən ù dzûŋ wò; wəla kə lo alebɔɔ̄ tīsō ghɛ̀, wəla ghəə̄ŋ sughò ghɛ̀ zə fʉgha wəla u lɛɛ̄n ghî ghəla ghe lo mo ghe ŋ ghee sûw màʼà.

Kə̀fwàʼ 9:6

Nùghu kɔʼ ko nû ghù nyə nduw an naʼ e te zo, ghe sô dzàa wò nù ghû â ghəa zəla ghù ki aleghəŋlo.”

Lumà 2:7

Ghî ghəla ghe kəŋo alekele zən e dzûŋ zo, ŋkɔʼso àsùghò mùghù zəla e mian koʼo yo aŋghəa ghe ghəə̄ŋ zeē ghəa a dzûŋ ghò, Zə̀ kə lo â ghe fughuu mùghù è doʼn təla zo.

Lumà 6:23

Ghɛ̀ kele tsughu enyəa, namso kəla ghùw kele am bo zəla ù ghəə̄ŋ tsughu lò evʉ, Zə̀ chia kə kuuwn tsôo ndzə̂əm fughuu ko mughù è doʼn təla zo am bàm e Kə̀lestò Yɛso, Mughùbè ù sɛ̀.

Efɛsùs 1:18

Yìa Ŋ̀ gɔ̂ɔŋ sugho enyəa to Zə̀ kə mô tsʉ tuw wɛʼɛ, ghɛ̀ zuuwkɛlɛ tùʼ zəla ghɛ̀ chiī ghè zò aŋ ghəa zəla Zə̀ kə mò tɔ̀ŋɔ ghɛ̀ a tè, àsùghò enyəa ghɛ̀ e kwo sugho namso kə wə̄n kə̀ ne kəla ù fə̀ to naŋā â ghì a wə̄n à dzûŋ ghò,

Taetùs 3:7

enyəa, bòʼ dzɔ̀ e Wə̄n n te zo, sɛ̀ è ke lo tsəghatsəgha a vʉ̀a Zə̀ kò, tò sɛ̀ è ke lo alenìi kelê mùghù è doʼn təla zəla sɛ̀ chiī tùʼ a te.

Hibùlù 1:14

Tsə̀təndə̄ghā tən tə̀ dzə̀m mgbàŋ yǒ zʉ̀ wəla Zə̀ kə mò tum wo enyəa ghe bughò fwâʼ â ghì ghəla ghe kê zəā tuw ko a?

1 Pità 1:4

Sɛ̀ e chiī tùʼ enyəa sɛ̀ lo kele fʉgha ù səŋò wəla Zə̀ kə̀ to naŋa â ghì a wən gho. Kə naŋa fʉgha u te wo â ghɛ alo kəwālā; an lùʼu kəla u buw aleboō koʼò tsəghà, ŋkāa u buw sugho alefìaa.

1 Dzɔ̌n 2:25

To kəla Kə̀lestò fə̀ to naŋā â sɛ̀ lò — Mughù è doʼn tela zo.