Mâk 1:8 - To kə Kəzə̀ kə̀ Fughu ko

⁸ Ŋ̀ ghɛ â mùghù ŋ Kə̀zə̀ m fughuu alo mmùghu; ù lô ghɛ̀ â mùghù ŋ Kə̀zə̀ ŋ kuuwn fughuu an Zùʼ tə̀ Zɔlɔ to.”

Mâk 1:8 Iomraidhean Croise

Matìo 3:11

Ŋ̀ ghɛ fɛ fughuu â mùghù ŋ Kə̀zə̀ mò aledèe tsughu enyəa ghɛ̀ n tì màʼà ghəa ghɛʼɛ à biigh gho. Ghùw wəla ù lo kuūwn bughōo a bàâ mùghò m mùghò tsəghà sə; Ŋ̀ kâ bùʼ kɔʼ kpè alebòʼò gùw tə wə̄n, ù lô ghɛ̀ à mùghù ŋ Kə̀zə̀ ŋ kuuwn fughuu an Zuʼ tə Kəzə̀ àsùghò wə̀n mò a te.

Mâk 1:7

Ù n tsʉ̂a wò àghì enyəa, “Ghùw wəla ù ghaʼ mugho nāam bùghòo nù, Ŋ̀ kâ bùʼ kɔ̀ʼ ŋgàla ghùw wəla ù lò alezè bwaʼ u təgùw u wə̄n.

Mâk 1:9

An tsùʼu n te mò, Yɛso n zə̀ghàa tsùghù Nazalɛ̀t nùghù ndùw am mbùʼ è Galèlîi, Dzɔ̌n m fughu tsughu wēn â mùghù ŋ Kə̀zə̀ mò an dzughù è Dzodàn.

Lûk 3:16

Dzɔ̌n m bɛ̀lɛ̀ ndùw ghee a dzə̀m enyəa, “Ŋ̀ ghɛ fughuu â mùghù ŋ Kèzə̀ mò; ghùw wəla ù ghaʼ tsəghà mugho, ù bùghòo nù, Ŋ̀ kâ bùʼ tsò kɔ̀ʼ ŋgàlà alezè gbaʼ u təgùw u wə̄n; ù lô ghɛ̀ kuuwn sùuw tsùghu an Zuʼ tə̀ Zɔlɔ to à wə̀n mò a te.

Dzɔ̌n 1:26

Dzɔ̌n n bɛ̀lɛ̀ ndùw ghee enyəa, “Ŋ̀ ghî à fughu â mùghù ŋ Kə̀zə̀ mò, zə̀ e kuūwn lo enyəa ghùw lo fì an tsə̀tèʼè fɛʼɛ mò ghɛ̀ kwo yo wə̄n.

Dzɔ̌n 1:33

Ghuūghùe waŋā, mùgho fə̀ kwo sugho yo wə̄n, à sô fɛ lo enyəa, ghùw wəla u tum wô mugho enyəa M̀ bughò, mùghò è fughuu ghî ghò â mùghù ŋ Kə̀zə̀ mò, fə dzɛ â mùghò enyəa, ‘Ghùw wəla ghù kè koʼo Zuʼ tə̀ Zɔlɔ tə sə tsughu wô alo kəwālā, bùghò tsùghù maa dòʼò tsùghù a zəŋò wə̄n, kele tsughu enyəa à fi lo wə̄n wəla ù lo fughuu ghɛ â Zuʼ tə̀ Zɔlɔ to aleghəŋlo enyəa ghɛ̀ doʼo ghî à fughu gho.’

Kə̀fwàʼ 1:5

Dzɔ̌n fə̀ ghî ghò â mùghù ŋ Kə̀zə̀ m fughuu alo mmùghu, gha kə kôom sə̌a yo aŋghəa ghe lo kuūwn fughuu ghɛ â mùghù ŋ Kə̀zə̀ mò alo təzùʼ.”

Kə̀fwàʼ 10:45

Dzûu təla ghe mò boō fughu tsughu, nùghù wò a bǎà ghê Pità, dzughu zə n zuu ghee, bòʼ ghe mò kwən fughu dāŋso sugho Etoʼò â namso kə Zuʼ tə̀ Zɔlɔ to;

Kə̀fwàʼ 2:17

‘Zə̀ kə̀ dzɛ̂ enyəa, “Kən lò fəgha kəla Ǹ lo fwaʼa an tsuʼ məla ŋ gùnsò tsughu; Ǹ lo fughuu tsughûu ghì ghə̀n à dzə̀m â shʉ̀ghà waŋa wo. Wɛ ghɛʼɛ à nûu ghò àsùghò a zən gho e ke naʼn wo fəgha kə̀là Zə̀ kə̀ dzɛ â ghee. Waafəghàŋ ghə̀ e ke koʼo sə gho, dzǒo mə̀ e ke tsəən noo mò məla n dwə̀n tsughu.

Kə̀fwàʼ 2:4

Zuʼ tə̀ Zɔlɔ tə̀ m bùghò avʉ̀a ghee yì à dzə̀m, ghəŋlo è tsughu ghe ŋ kàʼ ndùw alesaʼā kâaŋ sàʼà tə nàʼà tə̀ nughù tò.

1 Kòlentìan 12:13

À fə̀ lo sugho Zuʼ tə̀ Zɔlɔ tə̀ mɔʼɔ tən to ghe fə̀ fughu sɛ̀ â mùghù ŋ Kə̀zə̀ mò a te — ŋkāa à lǒ Tə̀dzûu ŋkāa à lò Etoʼò, ukɔ̂ ŋkāa ghî ghəla ghe ndzə̂əm mughu — Zə̀ chia kə dzə̂n wô Zuʼ tə̀ Zɔlɔ tə mɔʼɔ tə to am fə̀ŋ tə sɛ̀.