Mâk 1:39 - To kə Kəzə̀ kə̀ Fughu ko

³⁹ Ù m bwìi ŋgəa tsughu Galèlîi e dzə̀m, kə̀a ndùw shwaʼ u Kə̀zə̀ an ndughutə̀ne tə Tə̀dzûu to, shùaan sə̌a ndùw sùghò ùzʉ̀ a zəŋò ghì ghò.

Mâk 1:39 Iomraidhean Croise

Matìo 4:23

Yɛso m bwìi ŋgəa tsughu Galèlîi e dzə̀m, zoʼn ndùw ghee an Ndughu tə Tə̀dzûu tə̀ ne to, nàʼn ndùw Làbəlà è te kùu ndùw Fɔ̀e u Kəwālā, baaŋ ndùw ghì ghəla ghe mò dzaŋā ŋgòʼ è dzàŋà tə̀n tə dzə̀m.

Matìo 9:35

Yɛso ŋ ŋgəaa ndùw nàʼà tə̀ ne to tə dzə̀m àsùghò n tughoon mò a te, zoʼn ndùw àghì, kə̀aa ndùw sùghò ghəa a Kə̀zə̀ an Ndughutə̀ne tə Tə̀dzûu tò, baaŋ ndùw dzàŋà tə ghì ghə̀n a dzə̀m àsùghò ndzughu tə ghee to.

Mâk 1:21

Yɛso n nùghù nyə̀ ndùw aŋ Kàpɛnùm ghèe ghê tsə̀təndə̄ghā tə wə̄n to. A kâ tsùŋlò, Tsuʼntsə̄ u Tə̀dzûu wə̀ m kpè è tsughu, Yɛso n nyə̀ kàʼ ndùw ghì à zoʼn gho an Ndùghène.

Mâk 1:23

Ghəa Yɛso zoʼn ghî ghò êzə̀, ghe n nùghù tɛ̀ fìi kɔ̀ʼ tûwbʉ̀ghà ù lǐ fughu an Ndùghène è ghee zə̀ mò ù kǐ zʉ̀ ù biigh wo.

Mâk 1:38

Yɛso n dzɛ̀ â ghee enyəa, “Bùgho nlò sɛ̀ nughù daŋso nduw an nàʼà n lǐ m mî, tò M̀ bɔŋɔ̄ ndûw kə̂a ndûw sughò shwaʼ u Kəzə̌ a fughu; nu M̀ mô fɛ sə wò ghəa zə̀ èzə̀.”

Mâk 3:1

Yɛso ŋ kòom ndùw kpèʼe an Ndùghène è te, ghùw ù lǐ n lo a fughu mo kwe kə m kpuw.

Mâk 6:6

Dzughu zə zum wən aŋghəa ghe taʼkè boō fughu â wə̄n. Yɛso n daŋso nùghù è tsughu, ŋgəaa ndùw nàʼà n te məla m mò lô kaāŋ fughu, zoʼn ndùw àghì.

Mâk 7:30

Ù fi kwən nyə̀ ndùw nù, ndùw kòʼ ndùw wɛ̌ vʉ̀ mò vʉ̀a ù nyə̀ŋ a kə̀chʉ̀a, mo zə̀a fə te fə ŋ wə̄n zəghàa màʼà.

Lûk 4:41

Zʉ̀ wən səa nùghùun lò a zəŋò ndə̀mà tə aghì tò, zʉ̀ u te wə m buʼn səa wò m̀bɔ̀ŋ, dzàa tsùghuu enyəa “Ghù lǒ Wɛ ù Kə̀zə̀!” Ù ŋ kē ghee, kè boo enyəa ghe kɔʼɔ̄ kūɛɛ, tɔŋlo enyəa ghe mò kwo nû enyəa ù lò Bəghambī.