Mâk 1:35 - To kə Kəzə̀ kə̀ Fughu ko

³⁵ Â lə̌əmlə̌əm to, Yɛso n nùghù è kɔʼ, ndùw sàŋe dòʼò è nduw, kàʼ ndùw fughu a lùʼù gɔɔ̄ŋ wo.

Mâk 1:35 Iomraidhean Croise

Matìo 14:13

A m bùghò Yɛso n zuw tsughu ghəa a te gho, ù n daŋso nì kɔʼ kəkwə̀n ndùw sàŋe dòʼò ndùw wə̄n à nəŋ ko. Ndə̀mà tə aghì tə̀ n zuw tsughu enyəa ù a fughu, ghe n zəghàan tsùghû nàʼà ŋ ghee, səa kwuu ndùw ko dzì alo kəghùw, ghe dzûum nduw wə̄n.

Matìo 14:23

Ghəa ù ghəə̄ŋ tsughu ghî à sɛ̂ɛ tsughu, ù ŋ kɔ̀ʼ kàʼ ndùw ègɔ̀ŋlò aŋ ukwàʼ wə̄n â nəŋ ko. Tsuʼ wə m bùghò nyəghàan kwǔun tsughu wə̄n â nəŋ ko a fughu.

Mâk 1:36

Sǎemòn ghèe ghê fən a wə̄n a fi nughù dzùum ndùw nǔ wə̄n,

Lûk 5:16

Yɛso ŋ kuuwn nyɛʼɛ nùghùun něe nùghùun tsùghuu, zə̀mà ndùw gɔ̀ɔŋ wò wəlà nəŋ ko an nàn kə kəlùʼu.

Lûk 6:12

An tsùʼu n te mò, Yɛso ŋ kɔʼɔ gɔ̀ɔŋ tsə̀ghà aŋ kwàʼ; ù ŋ gɔ̀ɔŋ bwǐi ndùw à Zə̀ kò tsuʼ fì.

Dzɔ̌n 4:34

Yɛso n dzɛ̀ â ghee enyəa, “Fəgha kaŋa kə̀ zəa kə lo alefwàʼ fəgha kəla ghùw wəla ù tum wô mugho ləghaa enyəa M̀ fwâʼ ghè kò, àsùghò alefwàʼ à swɛlɛ̀ səā ndûw fwàʼ kə te ko.

Dzɔ̌n 6:15

Yɛso ŋ kòʼ tɔ kɔʼ enyəa ghe ləghaa aleŋgaām kwuū tsuʼ wə̄n alo kədə̀ŋ, ù ŋ wèlè nùghù è tsùghù, kɔ̀ʼ dòʼò ndùw aŋ ukwàʼ wə̄n â nəŋ ko.

Efɛsùs 6:18

Ghɛ̀ è gɔŋlo an nəgha tən tə̀ dzə̀m aŋghəa Zuʼ tə Kəzə̀ tə̀ fughuu ghɛ â daʼa ko a te, bvʉa ndùw fəgha kəla ghɛ̀ ləgha a wə̄n. Aŋghəa yì ezə̀, tiso kɔʼ nlò tuw ko alo egɔ̀ŋlò, ghɛ̀ è tɔʼɔ tuw u ghî a Kəzə̀ a zɔlɔ gho a dzə̀m aŋ gɔ̀ɔŋ zɛʼɛ,

Fèlepìan 2:5

Kele tsughu nlò mwam u Kə̀lestò Yɛso wò am mùghù zɛʼɛ.

Hibùlù 5:7

Ghəa Yɛso mò mughù fɛ am mbī, ù ŋ gɔ̂ɔŋ Kə̀zə̀, dìi an tùʼ è diī zo, buʼnlo m̀bɔ̀ŋ, sə̀ mə̀ n tsughuu, ù dìi dzâa nduw â ghùw wəla ù fə̀ lò alebəghaasə wən alo evʉ̄. Bòʼ ù màʼà fə̀ ŋge gaʼ fə̀ŋ a zəŋò Zə̀ kò, Zə̀ kə̀ n zuw dî e wə̄n.