Mâk 1:19 - To kə Kəzə̀ kə̀ Fughu ko

¹⁹ Â wən alesəā kəŋo ndûw â sə ko, ù ŋ kòʼ tsùghù Dzɛ̂ms ghèe Dzɔ̌, wɛ a Zɛbɛ̀dîi, mo ghe yia lô aŋ kwə̀n kə ghee, ghe n nemê ghuūw e ghee.

Mâk 1:19 Iomraidhean Croise

Matìo 4:21

Yɛso mo e kôom səā kəŋo ndûw â sə ko, ù ŋ kòʼ kpèʼe tsughu waazə̂ à li gho a bə̀ghà, Dzɛ̂ms ghèe Dzɔ̌n, wɛ a Zɛbɛ̀dîi. Ghe n lo alo kəkwə̀n ghèe ghê tsele tɔɔŋ Zɛbɛ̀dîi, mo ghe yia fəghaan ghuūw e ghee zo alemàʼà nyəā tsughu, ù n tɔŋɔ tsughu ghee.

Mâk 1:18

Ghe n daŋso, ghe zəghàa tsughu ghuūw e ghee zo, ghe n nùghù ndùw a bàâ Yɛso.

Mâk 1:20

Ù n tɔŋɔ tsughu ghee; ghe n daŋso zə̀ghàa tàʼà tsùghu tsēlē tɔɔŋ Zɛbɛ̀dîi alo kəkwə̀n ghèe ghê ghì a kəfwàʼ a ghee gho, nùghù ndùw a bàâ wə̄n.

Mâk 10:35

Dzɛ̂ms ghèe Dzɔ̌n, tɔ̂ɔŋ wɛ a Zɛbɛ̀dîi; ghe n tsə̀ghàsə̀ è wo, dzɛ̀ â Yɛso enyəa, “Mughùbè, ghəa è li e lo nû ghàʼ mô ləghaa enyəa ghù biaan fughu tsughu â ghàʼ bugho ghàʼ lô alebvʉ̄.”

Mâk 14:33

Ù n nì kɔ̀ʼ Pìta, nì kɔ̀ʼ Dzɛ̂ms, àsùghò Dzɔ̌n, nùghù ndùw ghèe ghee. Ù n ndùw kaʼ tsughu alemūŋē, lò sugho am bàŋ kəfə̂ŋ.

Mâk 3:17

Dzɛ̂ms, ghèe wàazə̀, Dzɔ̌n, tɔ̂ɔŋ wɛ a Zɛbɛ̀dîi. [Yɛso n tə̀ghàa tsùghù zən a ghee enyəa à lǒ Bòanɛdzìs, e moʼn tsughuu enyəa Ghî a ghuuw è kəmā zo.]

Mâk 5:37

Ù ŋ kè boo enyəa ghî à bùghò a bǎà wə̄n, ù n nì kɔʼ ko Pità, àsùghò Dzɛ̂ms ghèe Dzɔ̌n, waazə̂.

Mâk 9:2

Tsuʼ mə̀ n tsə̀ghà tsùghu tǔu, Yɛso n nì kɔ̀ʼ Pità, nì kɔ̀ʼ Dzɛ̂ms àsùghò Dzɔ̌n, kɔʼ saŋe dòʼò ndùw ghèe ghee an də̀ghàa kə ukwàʼ kə̀ li ko, ghee ko. Ù n nùghù kǔuwn kɔʼ ekôʼ fughu an sə kə ghee,

Dzɔ̌n 21:2

tsə̀təndə̄ghā tə Yɛso tə̀ li tə n dzeŋe dôʼ, tɔɔŋ Sǎemòn Pità, Tɔ̀mâs, tɔɔŋ Ŋgɔ̀ɔŋmbɛ, Nàtanɛl, tɔɔŋ ghùw Kànà an Galèlîi, wɛ a Zɛbàdīi à nûu ghò àsùghò tsə̀təndə̄ghā tə Yɛso tə̀ li to tə bə̀ghà.

Kə̀fwàʼ 1:13

A m bùghò ghe nyə nduw enaʼ, ghe n tsə̀ghà kɔ̀ʼ ndùw an dzughu e ndughu zəla ghe mò mughu a te an ndùghù è kɔ̀ʼɔ daŋso. Ghî ghəla ghe mò lo a fughu mò lo Pità, Dzɔ̌n, Dzɛ̂ms, Andùlù, Felêp ghèe Tɔ̀mâs, Bàtòlòmîa n lo sugho ghèe Matìo, Dzɛ̂ms, wɛ̀ ù Afìus n lo, Sǎemòn Zilɔ̀t n lo sugho, àsùghò Dzudàs, wɛ̀ ù Dzɛ̂ms.

Kə̀fwàʼ 12:2

Ù n dzɛ̀ enyəa tsuʼn wi Dzɛ̂ms alo fənyə̄, tɔɔŋ wàazə̀ Dzɔ̌n.