Mâk 1:15 - To kə Kəzə̀ kə̀ Fughu ko

¹⁵ dzàa ndùw enyəa, “Nəghā e te zə m kpē, fɔ̂e u Kə̀zə̀ ù lo ko êzəŋ aŋ ghu; ti màʼa nlò ghəa ghɛʼɛ à bii gho, ghɛ̀ boo tsughu tùm è dzùŋ zən!”

Mâk 1:15 Iomraidhean Croise

Matìo 10:7

E kəā nduw ghəa a Kəzə̀ ghò aŋghəa ghɛ̀ nduūw, dzàa ndùw enyəa, ‘Fɔ̂e ù kəwālā wə m bùghò.’

Matìo 3:2

Ù n nâʼn wò enyəa, “Ti màʼa nlò ghəa ghɛʼɛ à biigh gho, tɔŋlo enyəa fɔ̂e u kəwālā wə n sū.”

Matìo 4:17

Yɛso fə̌ tsə̀ndə̄ghā è Kə̀zə̀ kaʼ nughu wo alenàʼà an tì kə te ko enyəa, “Ti màʼa nlò ghəa ghɛʼɛ à biigh gho, tɔŋlo enyəa fɔ̂e u kəwālā wə n su.”

Lûk 10:11

‘Kɛ̀sò gbə̀n kə enaʼ kɛʼɛ̄ kəla kə kɔʼ kɔʼ aŋ ghùw ghaʼā, ghàʼ buʼu màʼn tsùghuu ko an tuw wɛʼɛ, kuuwn kele tsughu ko nlò enyəa Fɔ̂e u Kəzə̀ wə n sū.’

Lûk 10:9

Ghɛ̀ m baāŋ tsughu ghì à dzaŋā yì fughu, ghɛ̀ n dzɛ̀ â ghee enyəa, ‘Fɔ̂e u Kəzə̀ wə n sū alebùghò.’

Lûk 24:47

Àsùghò enyəa, ghe kê kì alenaʼn nduūŋ nduw an zən e wə̄n, â nàʼà tə̀n tə̀ dzə̀m alenìi nughù tsughu an Yɛ̀lusalɛ̀m, enyəa ghî à tiī kuwnlo am bòo tə ghee, tò Zə̀ kə̀ ghuūw maʼà bòo tə̀ ghee.

Kə̀fwàʼ 20:21

geen ndùw ghì a Dzûu àsùghò Tòʼò zò enyəa ghe a dzə̀m kuūwn kɔʼ emwam, ghe boo ndûw â Zə̀ kò àsùghò â Mughùbè ù sɛ̀, Yɛ̀so Kə̀lestò.

Lumà 16:26

Yia a bughò êzəŋ, tò aŋghəa ghiīshʉ̀ghà a fə̀ a dzɛ̂ zîi naŋa, asùghò aŋghəa Zə kəla kə doʼò tən dzɛ̀ tsughu enyəa, shwaʼ wən lo â Naʼà tə mbī to tə dzə̀m, enyəa abugho ghe zuw shwaʼ u te wo, ghe e lo aleboō fughu â Kə̀lestò, ghe e zuuw nduw â wə̄n.

Gàlashìan 4:4

A ŋ kuuwn bùghò nəgha e te e biso kpe tsughu, Zə̀ kə̀ n tùm sə̀ wò Wɛ ù wə̄n. Wɛ ù te n nyə wò am mbī mò à wə̄n dzə wò wìzən, wɛ wən m noo kɔʼ a tsəlà làŋ kò.

Efɛsùs 1:10

Ghəa ghən a dzə̀m kè səa an nə̀ghà zəla Zə̀ kə̀ fə̀ môʼ naŋā, alenìi təmadzə̄əŋ wô ufʉgha u dzə̀m alo kəfəgha kə mɔ̀ʼ, alo kəwālā àsùghò aŋ ghueetsə̄, mò Kə̀lestò lo kətuw aŋ ghəa a te gho a dzə̀m.

1 Timotì 2:6

Yɛso wəla ù fə̀ nî kɔʼ tuw kə wə̄n ko zue sə tsughu aghî a dzə̀m a te. Yɛso fə̀ fɛ bugho kpuw an tuw u aghì tǒ tsə̌a aledèe tsughu enyəa nəgha zəla Zə̀ kə fə̀ ki alebəghaasə aghî a te, zə m kpe aŋghəa kə fə̀ fôʼ naŋa.

Taetùs 1:3

A m bùghò nəgha e Kəzə̀ è kpe tsughu, Kə ŋ ghəəŋ tsughu enyəa a kele làbəlà è wə̄n è dzùŋ zən zəla Ǹ naʼn wo. Kən lǒ fwàʼ kə̀là Zə̀ kəla kə bəghaasəa fughu wo â mùghò enyəa mùghò è fwaʼā.