Lumà 9:7 - To kə Kəzə̀ kə̀ Fughu ko

⁷ À yò dzə̂ aghî a dzə̀m ghe sə an tigh kə Abə̀làhâm ghe lô wɛ a Kəzə̀ ghò, tò aŋghəa Zə̀ kə fə̀ dzɛ̂ naŋa nduw â Abə̀làhâm enyəa, “Ŋ̀ kê wɛ a awɛ ghə̂a ghəla mùgho fə̀ to naŋa â ghù nîi an taŋ an zən zə Esâʼ.”

Lumà 9:7 Iomraidhean Croise

Matìo 3:9

E kwo ghɛ̀ lô moʼò enyəa ghɛ̀ lo nû alezə kətuw abugho ghɛ̀ dzâa tsùghù dzə̂ enyəa, ‘Abə̀làhâm lǒ tsele waʼa.’ Tɔŋlo enyəa to Zə̀ kə̀ nîi kɔʼ tia ghən kə fənsò fughuu kɔʼ awɛ a te â Abə̀làhâm.

Lûk 16:30

Tûw vʉ mo enyəa, “Ɛ̂ŋgaŋ a tsēlē, abugho ghùw laam ndûw a vʉ̀a ghee, mò ù nùghù tsùghù fɛ an naʼ zə evʉ̄, to ghe zuw, ghe kuwnlo.”

Lûk 3:8

E ghəəŋ nduw nlò ghəa ghəla a lo aledèe tsughu enyəa ghɛ̀ ŋ ghəa ghɛʼɛ à biigh a ti màʼà, kà nlò kaʼ tsùghù dzə̀ ghɛ̀ è kəaa kaŋlo enyəa, ‘Abə̀làhâm lǒ tsele waʼa.’ Ǹ dzâa wô â ghɛ̀ enyəa, to Zə̀ kə̀ nîi kɔʼ tia ghən kə fənsò fughuu kɔʼ awɛ a te â Abə̀làhâm.

Dzɔ̌n 8:33

Ghe m bɛ̀lɛ̀ ndùw wə̄n enyəa, “Ghaʼ lo wɛ a awɛ ghə Abə̀làhâm, ghàʼ kaām doʼò kòʼ am fàŋa kə ghùw ù lì. Ghù lò ênzə̂n aledzaā wo â ghàʼ enyəa, ‘Ghe lo bəghāsə̄ ghɛ a?’ ”

Gàlashìan 4:23

Wɛ wəla kɔ̂ kə zən kən fə̀ dzə wo, ù fə̀ dzə wo tò aŋghəa ghe dzəā wɛ gho a te; à ŋ kuuwn bùghò wìzən wəlà ù fə̀ ndzə̂əm mughu, ù ŋ dzə̀ wò wɛ ù wə̄n alelueso to kəla Zə̀ kə fə̀ to naŋā.

Gàlashìan 4:28

Ghɛ̀ êzəŋ a waazə̂ ghò, tò Aezìk, ghɛ̀ lo wɛ ghəla Zə̀ kə fə̀ to naŋā to naŋā to ko kùu ndwù ghee.

Fèlepìan 3:3

Tɔŋlo enyəa sɛ̀ fɛ lǒ tò ghî ghəla ghe lo mo ghe n twii u ghee wo u dzə̂əm sugho, ghî ghəla ghe kɔʼso Zə̀ kò mò à ghe â daʼa kə fughuu wò Zuʼ tə̀ Zɔlɔ to am bàm e Kə̀lestò Yɛso,

Hibùlù 11:18

Zə̀ kə mafə â wə̄n ki dzɛ̀ nàŋa enyəa, “À lò am bàm e Aezìk ghù lo kele waawɛ ghəla mùgho fə̀ to naŋā â ghù.”