Lumà 9:5 - To kə Kəzə̀ kə̀ Fughu ko

⁵ Ghe yia lô sughò wɛ a awɛ a ghê tselè tsele a ghì ghə Ezə̀lɛ̂ ghò, mo Yɛso Kə̀lestò sə̀ a fughu an tigh kə te ko. Ù lò Kəzə̀, ù saʼā mbī e dzə̀m, to ghî à mô kɔʼsô tsəghà wə̄n to mbī kê bughò mîaa. Zə e lo ko êzə̀.

Lumà 9:5 Iomraidhean Croise

Matìo 28:20

Ghɛ̀ e zoʼn ndùw ghee enyəa ghee naaŋ lwâŋ wəla M̀ fughu wo â ghɛ̀ u dzə̀m; kòʼo sùghò nlò, Ǹ lo sɛ̀ alo tənə̀gha tə dzə̀m to mbī kê bughò mîa.”

Matìo 6:13

Kà boo sùghò enyəa ghəa e tsoom ghàʼ, laam bəghasə̄ ghaʼ nû aŋ ghùu fəgha kə̀ biigh ko.’

Lûk 20:44

Abugho Dɛvìd lò aletɔ̄ɔŋ Wə̄n enyəa à lò Mughu; Ù kòom lò ênzə̂n aledòʼò wɛ ù Dɛvìd à?

Dzɔ̌n 10:30

Ghàʼ à bə̀ghà lò alo kəfəgha kə̀ mɔ̀ʼ.”

Kə̀fwàʼ 20:28

Nǐ nlò ghôom zò aŋ ghùe zɛʼɛ̄ àsùghò a zəŋò ghì ghəla Zuʼ tə̀ Zɔlɔ tə fughu naŋā enyəa ghɛ̀ è lɛnlo. Ghɛ̀ è lɛɛn sugho â dzeŋe kə ghì a Kəzə̀ zəla ù fə̀ zue sə wo aŋ kàŋ tə wɛ̀ ù wə̄n.

Kə̀fwàʼ 3:13

À lǒ Zə̀ kəla Abə̀làhâm àsùghò Aezìk àsùghò Yàkɔ̂b fə̀ kɔʼso tsəgha, tɔɔŋ Zə̀ kə ghê tsele a sɛ̀, kə fughu tsughu kɔ̂ɔ fə wən fo Yɛso â kɔʼso n te mò. Ghɛ̀ ŋ kuuwn nì kɔʼ wə̄n fèe fùghù sə̀ ndùw enyəa ghe wi, tùe màʼà sùghò wə̄n an sə kə Paelɛ̀t, mo Paelɛ̀t maā tsə̂m enyəa ghe zəghàa maʼà wə̄n.

Lumà 1:25

Ghe nîi kɔ̀ʼɔ səŋò è Kəzə̀ kuuwn kɔʼɔ alo agha, ghe yia tsə̀ghà tə̀ŋò tsughu alekɔʼso fʉgha wəlà à bɔm tsughu Zə̀ kò, kuuwn yò alekɔʼso Zə̀ kəla kə bɔm fʉgha u te wo; tɔɔŋ Zə̀ kəla ghî a ki alefughuu kɔʼso mò â ghè kò nəgha tən tə̀ dzə̀m! Zə e lo ko êzə̀.

Lumà 1:3

Làbəlà e dzùŋ zən teso dzàa ghəa a Wɛ ù wə̄n, Yɛso Kə̀lestò Mughùbè u sɛ̀, ù fə̀ sə wo an tigh kə Dɛvìd.

Lumà 10:12

Tɔŋlo enyəa, abugho e bugho aŋ ghəa a zəa a kətuw gho, nə̀ŋònəŋ è li yo a zəŋò ghì a Tə̀dzûu ghò àsùghò Tòʼò zò. Ghe dzeŋe ki ko Mughu ù te u mɔ̀ʼ, ù lo Mughùbè ù ghee, vʉ̀a ù mwàʼa â ghì ghəla ghe gɔ̂ɔŋ nduw â wə̄n.

Lumà 11:28

Dzûu tə̀ tuu màʼn làbəlà è dzùŋ, ghe yia lô ghî a kətuw a Kəzə̀ ghò, bòʼ ghɛ̀ a Toʼò zò; ghe yia naām lô fən a wə̄n bòʼ ù mǒ ghee shîaa kɔʼ nû, chia kə naām ləghaa ghee bòʼ ləgha zəla kə mò ki â ghê tsele a tsele a ghee.

1 Kòlentìan 14:16

Abugho ghù gɔ̀ɔŋ ko Zə̀ kò am fə̂ŋ zə̀ghà, ghùw wəlà ù lǒ tò ghûwkətum lo ênzə̂n aledzàa tsughu enyəa “Zə e lo ko êzə̀.” Aŋghəa ghùw fughuu zɔ̀ɔŋ kò â Zə̀ kò aŋ gɔ̀ɔŋ zə̀ghà mò ù zǔuwkɛlɛ yo ghəa ghəla ghù dzàa səa wo a?

2 Kòlentìan 11:31

Kə̀zə̀, Tselè Mughubè Yɛso Kə̀lestò, wəla ù ki kɛɛ wəla u doʼò tən kwo nû enyəa Ŋ̀ kaʼa yo ghā gho.

1 Timotì 3:16

Ghùw ù li yo aletuū maʼà nàn kə eghəa kəla kə lo aŋ ghəa a Kəzə̀ ghən enyəa, Ù fə̀ a m mbī bugho tǒ ghuw wə̀ nsɔ̌ɔŋnchùw. Zuʼ tə Kəzə̀ tə̀ n dè wò enyəa ù lo tsəghatsəgha, Tsə̀təndə̄ghā tə Kəzə̀ tə̀ ŋ kòʼ wə̄n. Ghî ghə̀ n zoʼn ŋgə̀a wò àghì aŋ ghəa a wə̄n alo tənàʼà tə dzə̀m. Mbī e dzə̀m m boo fùghù ndùw â wə̄n. Ghe n nì nyə̀ kɔ̀ʼ ndùw wə̄n alo kəwala alo n nsəghānyəghā.

1 Timotì 6:15

À lo ghəəŋ tsughù Kə̀zə̀ enyəa Yɛso bùghò am nə̀ghà zəla ù ki alebùghò a te, tɔɔŋ Zə̀ kəla kə ghaʼ tsəghà fʉgha wo u dzə̀m, Tsəntəmbî, Də̀ŋ kə dwə̀ŋ, Mughu ù ghê Mughùbè.

2 Timotì 2:8

E moʼn tsughu Yɛso Kə̀lestò wəla ghe fə̀ zôm nughù kɔʼ alo evʉ, mò ù sə̀ an tigh kə Dɛvìd, zən lǒ làbəlà è dzùŋ zəla Ǹ zughò naʼn wo.

Hibùlù 7:24

Wən kuuwn yò alebughu doʼò kôʼ mò ù fwàʼa yǒ fwàʼ kə fɔ̀e kə wə̄n ko, tɔŋlo enyəa ù dòʼò tən nû.

1 Dzɔ̌n 5:20

Sɛ̀ kwo sugho nû enyəa Wɛ ù Kə̀zə̀ ù nùu m bùghò, vʉ̀a ù fughu sɛ̀ â tɔ wo alezuūwkɛlɛ Zə̀ kə̀ êsəŋò kò a te. Sɛ̀ à ghê Zə̀ kə̀ lo alo kəfəgha kə mɔ̀ʼ àsùghò Wɛ u wə̄n, tɔɔŋ Yɛso Kə̀lestò. Ù lǒ Zə̀ kə̀ səŋò kò, vʉ̀a ù fughuu mughù e doʼn təla zo.

Edêe Fughu 1:18

Ǹ lo ghùw wəla ù lǒ â tuw ko; M̀ maā kpuw, mùghò ŋ kòom nùghù dòʼò tə̀n wò ebàm â tuw ko, yìa Ŋ̀ ki daʼa ko a zəŋò vʉ zo àsùghò an naʼ zə evʉ.

Edêe Fughu 22:16

“Mùghò Yɛso, mùghò n tsə̀ndə̄ghā e Kəzə̀ zaŋa tum wo a vʉ̀a ghù â shwaʼ waŋa wo alenàʼà ndûw an dzweŋe u ghì a Kəzə̀ wò. Ǹ sə e an tiigh kə Dɛvìd, yìa Ǹ lo sə̀ghàbəlà fə gbəlàgbə̀là fə̀ nyəghaan fo.”

Edêe Fughu 22:20

Wə̄n wəla ù tèso dzâa wô ghəa ghən gho dzɛ̀ enyəa “Kùmkùm Ǹ lo kuʼù bùghòo nù.” Zə e lo ko êzə̀. Bùgho a Mùghùbè Yɛso!

Edêe Fughu 5:14

Nyôm tè tughu tì tə chìakò m bɛlɛ̀ kɔ̀ʼ enyəa, “Zə e lo ko êzə̀!” Tsoʼ ti n tə̀m ndùw tə̀ŋguʼ a vʉ̀a ghee, fùghù ndùw ghee â kɔʼso mò.