Lumà 9:3 - To kə Kəzə̀ kə̀ Fughu ko

³ Tɔŋlo enyəa to M̀ buʼù boo enyəa Zə̀ kə̀ tsɔ̂ɔm mùghò, kə gbôo sɛ̂ɛ mùghò ghàʼ a Kə̀lestò abugho e mô lo aleyòsò waazə̂ ghaŋa ghəla ghàʼ a ghee sə alo enaʼ e mɔ̀ʼ.

Lumà 9:3 Iomraidhean Croise

Kə̀fwàʼ 13:26

Ù n nì tsùghù enyəa, “Ghî ghə Ezə̀lɛ̂ ghaŋa gho, wɛ ghə Abə̀làhâm ghò, à Tòʼò zən è dzə̀m ghe kɔʼso Zə̀ kò fɛ, à lò â sɛ̀ ghe tum wô tum zən enyəa sɛ̀ lo zəa nù tuw ko.

Kə̀fwàʼ 22:5

Tuw kə Fɔ̀e kə̀ lo nû aletɔ̀ʼɔ̀ dzɛ̂ ghəa ghən àsùghò tsoʼ to tə dzə̀m an ndùghùkûifɔ̀e. Mùgho mǒ mwàʼsò ù niī kɔʼɔ aŋ ghùu ghee, u nduūw a vʉ̀a waazə̂ a sɛ̀ ghò, mùghò m bwìi dzì è Dàmaskùs alendùw kwuūn wô ghəla ghe lô sugho fùghù èzə̀, nìi wò ghee an Yɛ̀lusalɛ̀m, mo a ŋ ghee kɔ̂n tsùghù, enyəa a bughò fɔesō tsughu ghee.

Kə̀fwàʼ 28:21

Ghî yi mo â Pôl enyəa, “Ghàʼ kaām mwàʼsò kə̀ li kə fɛ kòʼ kə nughù wo an Dzùdîa kùu ndùw ghù. Aŋ waazə̀ a sɛ̀ ghəla ghe buʼù bughòo tsəghà sughò fɛ, ù lì kaām bughò nàʼà kòʼ ŋkāa kə̀aa kòʼ ghəa è biigh è li zo kùu ndùw ghù.

Lumà 1:3

Làbəlà e dzùŋ zən teso dzàa ghəa a Wɛ ù wə̄n, Yɛso Kə̀lestò Mughùbè u sɛ̀, ù fə̀ sə wo an tigh kə Dɛvìd.

Lumà 11:1

M̀ bvʉ enyəa, à lò enyəa Zə̀ kə ghî a wə̄n a tue màʼa nù a? Ɛ̂ŋgaŋ dzə̂! Ghuūghùe waŋā, Ǹ lo ghùw wə Ezə̀lɛ̂, Ǹ sə an tigh kə Abə̀làhâm aŋ kèndughu kə Bɛndzàmɛ̂n.

Lumà 11:14

Zə enyə lò enyəa waazə̂ ghaŋa tɔɔŋ Tə̀dzûu lô kpaʼa ghoʼò ghəa a te gho, to ghəa a te a ghəŋlo ghee a li a zə kətuw.

Lumà 16:11

Ghɛ̀ tɔɔŋ zuw tsughu ghùw ù enaʼ waŋā tɔɔŋ Helodìon. Ghɛ̀ tɔɔŋ zuw tsughu sugho ghî yia ghe lo an ndughu alô Nasissùs, ghəla ghe lô fəgha ko kə mɔ̀ʼ ghèe ghê Mughu ù te.

Lumà 16:21

Timotì, ghùw ù kəfwàʼ waŋa tum wò ghɛ̀ â tɔɔŋ zo. Lusìus ghèe ghê Dzasòn àsùghò Sòsispatà tɔ̌ɔŋ zùw wò sùghò ghɛ̀.

Lumà 16:7

Ghɛ̀ fughu nduw sugho tɔɔŋ zaŋa zo â Andə̀lonikùs ghèe Dzunìyas, fən ghaŋa ghəla ghe lô sugho Dzûu tò, tò mugho, ghe ghəla ghàʼ à ghee fə̀ lo a dzə̀m an ndùghùtsaʼ. Ghe lò kɔ tə aghì am bvʉa e tum tə Kə̀lestò, mo à fə̀ boo fughu ghee esə̄ â Kə̀lestò, sěe mùghò.

Lumà 9:2

Səŋò e te e lo enyəa Ŋ̀ ŋgee mʉŋe nù, fɔnlo e te zə e yo alemìaa am fə̂ŋ zaŋa.

1 Kòlentìan 12:3

Ǹ ləghaa enyəa ghɛ̀ kele tsughu enyəa ghùw ù lì yo dzə̂ ù kə̀a ghəa gho an daʼa kə Zuʼ tə Kəzə̀ lò aledzàa tsughu enyəa, “Kəfəm a zəŋò Yɛso!” Ù lì yo sughò ù lò aledzàa səa wô tughō enyəa, “Yɛso lò Mughu ù te.” À mìaa kô Zuʼ tə̀ Zɔlɔ to aleghəŋlo enyəa ù dzàa tsughu êzə̀.

1 Kòlentìan 16:22

Tsû ù lo â ghùw wəla ù tue maʼà aleləgha Mughu ù te. Bùghò a Mughu ù te!

2 Kòlentìan 12:15

To M̀ fughu fʉgha wə̀n ù dzə̀m Ŋ̀ ki â ghɛ, M̀ buʼù fughuu daŋsô tuw kaŋa aŋ ghùe ù ghɛɛ̄ŋ wo aleghəŋlo enyəa ghɛ̀ noo aŋ ghəa e Kəzə̀. Ghəa Ǹ tsoō ŋgeē ləghaa ghɛ enyə, à lǒ kwò ghɛ̀ kuūwn tɔʼɔ̀ ləghaa yô mugho à?

Gàlashìan 1:8

Abugho à kôom bûʼ lô ko ghaʼ ŋkāa tsə̀ndə̄ghā è Kə̀zə̀ è li è bùgho alebùghò naʼà ghɛ̀ â làbəlà è lì mò à yò dzə̂ làbəlà è dzùŋ zəla ghǎʼ fə̀ zoʼn ghɛ a te, to Zə̀ kə̀ lo dzûw maʼà wə̄n!

Gàlashìan 1:9

Tò aŋ ghəa ghəla ghǎʼ fə̀ bûʼ dzɛ̂ zîi dzə â ghɛ̀ sûesʉ, Ǹ so Ǹ naām dzâa kpeʼē wô ko êzə̄ŋ â ghɛ̀ enyəa, Abugho ghuw ù lì zoʼn wô ghɛ an làbəlà è lì mò à yò dzə làbəlà è dzùŋ zəla ghǎʼ fə̀ zoʼn ghɛ a te, to Zə̀ kə mô dzùuw maʼà tən wə̄n, to mbī kê bughò mîa.

Gàlashìan 3:10

Ghî ghəla ghe moʼò enyəa ghe kê lò tsəghatsəgha a vʉ̀a Zə̀ kò bòʼ ghe naāŋ dzə̂ lâŋ kò, à lo ghî ghəla Zə̀ kə lo dzûuw maʼn ghee; nu ghe tɔm naŋa am Mwàʼsò kə Kəzə̀ enyəa, “Ghùw wəla ù tɔ̀ʼɔ̀ bwîi mɛʼn yo aŋ ghəa ghən à dzə̀m ghe tɔm naŋa am Mwàʼsò kə Kəlàŋ, vʉ fi lo ghùw wəla ghe lo dzûuw maʼnlo.”

Gàlashìan 3:13

Kə̀lestò mafə tuw kə sɛ̀ kə̀ zue sə̀ wò aŋ ghùu tsù u kəlàŋ wò aŋghəa ù mò doʼò ndûw ghî fə kəlòʼ an tuw kə sɛ̀; nu ghe tɔm naŋa am mwàʼsò kə Kəzə̀ enyəa, “Ghùw wəla ghe təghàa naŋa kɔʼ alo fəkà, à lǒ ghî fə kəlòʼ.”

Efɛsùs 6:5

 ghɛ a kɔ̂ wò, e zuuw nduw nlo â ghê mughùbè ghɛʼɛ ghəla ghɛ̀ ki fɛ aŋ ghueekətsə̄, ghɛ̀ e tsəŋo ghee, fughuu sughò ghee â kɔʼso mò, fwàʼà nduw â ghee am fə̂ŋ è zɔ̀lɔ̀ tò ghɛ̀ fwaʼa â Kə̀lestò.