Lumà 9:23 - To kə Kəzə̀ kə̀ Fughu ko

²³ Zə̀ kə fə̀ ghəa ghən enyə ghəəŋ tsughu aledèe fughuu wô daʼa kə səghanyəgha ŋ wə̄n â ghì ghò a dzə̀m enyəa ghe kele tsughu enyəa kə kê dèe se è kwuso zo a zəŋò ghì ghəla kə̀ fə̀ fôʼ naŋa, tɔɔŋ ghì ghəla kə fə̀ biaān naŋā enyəa ghe kê lò tsəgha an səghanyəgha ŋ wə̄n.

Lumà 9:23 Iomraidhean Croise

Lûk 1:17

Ù kè zìi tsùghuu fwàʼ kə Mughu ù te an dzə̀ tə daʼa kə Kəzə̀ kela Èlaedzà fə̀ ki. Ù lo fə̂nsò wô fə̀ŋ tə ghê tselèwɛ̀, ghe e ke lo alo kəfəgha kə mɔ̀ʼ ghèe ghê wɛ gho. Ù lo fə̂nsò wô sughò ghê tùghùukə̀tūw, ghe zumsō doʼò tsughu. Ù kè ghəa ghən fɛ ghəŋlo alebiaān naŋā zîi tsughu ghî ghəla ghe kê zuūwkɛlɛ̄ Mughu ù te.”

Kə̀fwàʼ 9:15

Mughu ù te m fwə̀n dzɛ̀ â wən enyəa, “Ndùw, nu mùghò ŋ wən shîaa enyəa ù dòʼò tsughu fəgha kə kəfwàʼ kaŋa enyəa ù bòʼò ndûw zən zaŋā a vʉ̀a Tòʼò zò àsùghò a vʉ̀a dwə̀ŋ wò àsùghò a vʉ̀a wɛ ghə Ezə̀lɛ̂ ghò;

Lumà 2:4

Kàa ghù so yia tsughuso maʼn nù dzɔ̂ e Kəzə̀ e ne zò àsùghò se e wə̄n e kwuso zo àsùghò aŋghəa kə naām lɛɛn ghù a? Ghù kwo yo enyəa dzɔ̂ e Kəzə̀ e lo aleghəŋlo enyəa ghɛ̀ ti kuwnlo am bòo tɛʼɛ a?

Lumà 8:29

Ghî ghəla Zə̀ kə mò ki kwo ziī ŋ ghee tsuʼ naŋa enyəa ghee e lo sugho tǒ wɛ ù wən ù nùu wən, enyəa wɛ ù wə̄n ù nùu ù wən e lo wɛ ù sûesʉ am bvʉa e ndə̀m è ghì ghəla ghe boō fughu â Zə̀ kò.

Lumà 8:30

Zə e lô sugho enyəa, ghî ghəla Zə̀ kə̀ lo mo kə m bàʼ nàŋa sə̀ wò bâ kə̀ mɔ̀ʼ, à lò ghəla kə fə̀ tɔŋɔ̄ enyəa ghe e lo ghî a wə̄n gho. Ghe a te ghəla kə fə̀ tɔŋɔ̄, kə ŋ ghəŋlo, ghe yia doʼò tsəghatsəgha a vʉ̀a wə̄n, chia kə ghəŋlo enyəa ghe kele sughò kɔʼso məla kə ki.

Efɛsùs 1:18

Yìa Ŋ̀ gɔ̂ɔŋ sugho enyəa to Zə̀ kə mô tsʉ tuw wɛʼɛ, ghɛ̀ zuuwkɛlɛ tùʼ zəla ghɛ̀ chiī ghè zò aŋ ghəa zəla Zə̀ kə mò tɔ̀ŋɔ ghɛ̀ a tè, àsùghò enyəa ghɛ̀ e kwo sugho namso kə wə̄n kə̀ ne kəla ù fə̀ to naŋā â ghì a wə̄n à dzûŋ ghò,

Efɛsùs 2:10

Sɛ̀ lo ghu a kəfwàʼ a Kə̀zə̀ ù mò bɔm tsughuu aŋghəa sɛ̀ doʼò tsughu kəfəgha kə mɔ̀ʼ sɛ̀ à ghê Kə̀lestò Yɛso, alefwaʼā fwàʼ kə̀dzûŋ kò ù fə̀ biaan naŋā, enyəa sɛ̀ è bwiī a te.

Efɛsùs 2:7

Zə̀ kə fə̀ ènyə ghəəŋ tsughu enyəa an tì kəla kə ki alebùghò, kə ke e lo aledè dzɔ̀ e wə̄n e ne zo an ləgha zəla kə lo mo kə n dè â sɛ̀ aŋghəa ù fə̀ ghəə̄ŋ tsughu enyəa sɛ̀ doʼò kə̀fəgha kə mɔ̀ʼ sɛ̀ à ghê Kə̀lestò Yɛso.

Efɛsùs 3:16

Ŋ̀ gɔ̂ŋlò enyəa to Zə̀ kə̀ mô nîi kɔʼ kum e wən è ne zəla e kê mîaan koʼò yo kə dzəlà tsughu fə̂ŋ tɛʼɛ a te an daʼa kəla Zuʼ tə̀ Zɔlɔ tə fughuu â ghɛ̀, tò ghɛ̀ e tughuu,

Efɛsùs 3:8

Ghəa e bûʼ lô ko enyəa Ŋ̀ kâ tso kɔ̀ʼ kpe to ghe e tɔŋɔ mùghò enyəa Ǹ lo ghùw ù Kə̀zə̀, ghe fə̌ fwàʼ kən kə fughu wo â mùghò alezùghò naʼa kum e ne zəla e lo am bàm e Kə̀lestò â Tòʼò zò,

Kòloshìan 1:12

Ghàʼ yìa fughuu sugho zɔ̀ɔŋ kò â Tsele ù te wəla ù ghəŋlo enyəa sɛ̀ kele sughò tuʼ e sɛ̀ am fʉgha wəla ù fə̀ to naŋā enyəa e ki alefughu â ghì à wə̄n gho, ghəla ghe mughu an tsə̂.

Kòloshìan 1:27

Zə̀ kə mò ləghaa enyəa ghe kele tsughu enyəa fɛ̀ɛn kə nàn kə eghəa kə wə̄n kən lò sugho â ghɛ̀ a Toʼò zò. Nàn kə eghəa kə te chia kə lo enyəa: Kə̀lestò lo ghɛ̀ à ghee. Ghəa ghən fɛ dèe enyəa ghɛ̀ lo kele sùghò nu kɔʼso mò tǒ Kə̀lestò.

1 Tɛ̀sàlonìan 5:9

Tɔŋlo enyəa Zə̀ kə̀ ka fə sɛ̀ shîaa sə̀ wò dzə̀ aledè nʉghà u wən ù pfʉa wo a zəŋò sɛ̀. Ù fə̌ sɛ̀ shiāa enyəa a lâam zə kətuw am bàm e Mughù ù sɛ̀ tɔɔŋ Yɛso Kə̀lestò.

2 Timotì 2:21

Abugho ghùw nì nùghù sə kɔʼ ghu kə wə̄n ko aŋ ghə̀a biigh gho, ù n dòʼò tsùghù fəgha kə kùu ù èghəa, tɔŋlo enyəa ù zɔ̀lɔ nù, ù n tumso Mughùbè ù wə̄n, ù n lò sugho tsəghatsəgha alefwàʼ fwàʼ kə Kəzə̀ kə̀ dzûŋ kò.