Biblia Todo Logo
Bìoball air-loidhne

- Sanasan -




Lumà 9:11 - To kə Kəzə̀ kə̀ Fughu ko

11 Ghəa wɛ a te a fə̀ bûʼ lô ko mo ghe kaām ghee n dzə̄, à n lo sugho mò ghee kaām ghəəŋ naŋa dzə̀ ghəa è dzûŋ zò è li zo ŋkāa è biigh zo, aledèe wô enyəa dzì zəla Zə̀ kə̀ niī kɔʼɔ̄ aleshìa ghùw ù wə̄n a te yo dzə̂ aŋ ghəa è li zo ghùw ghəə̄ŋ tsughu, à kuuwn lò enyəa à tsə̀mà kɔ̀ʼɔ Kəzə̀ aletɔ̄ŋɔ̄ ghùw ù te.

Faic an caibideil Dèan lethbhreac




Lumà 9:11
22 Iomraidhean Croise  

To aŋghəa ghe tɔm naŋa am mwàʼsò kə Kəzə̀ enyəa, “Mùghò ŋ ghəŋlo enyəa ghù è lo tsele â ndə̀mà tə tənàʼà.” To kən kə lo êsəŋò a sə̌a Zə̀ kəla Abə̀làhâm gaʼ fə̀ŋ a zəŋò ghè kò. Zə̀ kəla abugho ghùw kpuw ko nù, kə n zòm nàŋa wò ghùw u te ebàm. Mo fəgha kə yo tsəgha ko nu, kə n ghəəŋ tsughu enyəa kə səa kɔʼ, kə e lo.


Sɛ̀ a dzə̀m mafə mughù sùghò tǒ ghee, aŋghəa gwən e ughùe e ghûw è ləghaa aŋ ki sugho moʼnlò è biigh zo tǒ ghee. È li lo enyəa ghe mǒ sɛ̀ dzə tò ghî ghəla Zə̀ kə̀ ki aledè nʉ̀ghà u wə̄n u pfʉa wo a zəŋò ghee, tò aŋghəa kə ghəŋlo â ghì ghən a dzə̀m.


À yò dzə̂ am fwàʼ kə̀ li ko ghuw fwàʼà tsughuu aŋ ŋgəŋ e wə̄n kə ghəŋlo enyəa ù zə kətuw, tò ù e lo aletsɔ̀ fə̀ŋ a te.


Ghəa ghən fə̀ bɔɔm boo dzəəŋ nduw ko aŋghəa Zə̀ kə fə̀ ki fôʼ naŋā, ghəa a te ghə n nyoʼn bùghò sə wo sùghò êzə̀ aŋghəa kə fə̀ fôʼ naŋā am bàm e Kə̀lestò Yɛso Mughùbè ù sɛ̀.


Waazə̂ ghaʼa ghò; ghàʼ kwo nû enyəa Zə̀ kə mò ləgha tsughu ghɛ, kə n shìaa kɔ̀ʼ ghɛ enyəa ghɛ̀ e lo ghî a wə̄n gho.


enyəa ghɛ̀ è mughu tsughu mughù zəla Zə̀ kə̀ ləghaa ghè zò. Ù lǒ Zə̀ kəla kə mò tɔŋɔ̄ nyə wô ghɛ am fɔ̀e u wə̄n, àsùghò an səghanyəgha ŋ wə̄n.


Zə̀ kə mò bəghasə̄ sɛ̀, tɔŋɔ wò sɛ̀ enyəa sɛ̀ è mughu mùghù è zɔlɔ zo. Zə̀ kə ka fə enyə ghəəŋ dzə̀ bòʼ ghəa e è dzuŋ è li zo sɛ̀ fwaʼ â wə̄n. À fə̀ enyə lo ko aŋghəa Zə kə̀ ki fôʼ naŋa aleghəŋlo bòʼ dzɔ̀ e wən zəla kə ki â sɛ̀ mo kə tsəghà tsùghù a zəŋò Kə̀lestò Yɛso.


kə m bəghasə̄ tsughu sɛ̀. Kə ka fə bəghasə̄ dzə̌ sɛ̀ bòʼ ghəa a sɛ̀ à dzûŋ ghə̀là sɛ̀ lo mò sɛ̀ ŋ ghəŋlo, à fə̀ kuuwn lo bòʼ se e wə̄n è kwuso zo, Kə̀ fə̀ bəghasə̄ sɛ̀. Kə fə sɛ̀ bəghasə̄ aŋghəa Kə fə̀ tum wô Zuʼ tə̀ Zɔlɔ to enyəa tə bughò sûuw maʼà sɛ̀ aŋ ghəa a sɛ̀ à biigh gho, àsùghò enyəa, to sɛ̀ kuūwn kɔʼ mwam e sɛ̀, sɛ̀ kele tsughu mughù è fughu zo.


Àsùghò abugho ghɛ̀ tsûuŋ fala tsughu aŋ kə̀mà fə enə̀gha, Zə̀ kəla kə ki se e kwuso zo, kəla ke mò tɔŋɔ̄ nyə wô ghɛ an səghanyəgha ŋ wə̄n məla n dòʼò tən, bòʼ sɛ̀ lô fəgha ko kə mɔ̀ʼ sɛ̀ à ghê Kə̀lestò, lo kôʼ enyəa ghəa ghɛʼɛ a dzə̀m ghə ŋ kòom dòʼò kədzûŋ — boo zɛʼɛ zə e tughuu sugho — Kə lo fughuu sughò ghɛ̀ â daʼa ko, ghɛ̀ e tɔʼ ti sugho.


Waazə̂ ghaŋa gho, à fi lo enyəa ghɛ̀ ki alesɔʼn tsughu ŋkāa aledèe tsughu enyəa Zə̀ kə̀ ghɛ shìaa tɔ̀ŋɔ sə̀ wò nù enyəa ghɛ̀ bugho doʼō ghî a wə̄n gho. Abugho ghɛ̀ ghəəŋ dzə êzə̀, ghɛ̀ kê bvʉ̀ kòʼ yò am boo zɛʼɛ̄,


Ghe lo sòʼò nduw Tsʉa u Ndzì u te wo an tsam, Tsʉa u Ndzì u te u kê təma kɔʼ ghee, nu ù lò Mughu ù ghê mughùbè, lò sugho Də̀ŋ kə udwə̀ŋ. Ghî ghəla ghe lo ghèe ghee lo ghî ghəla ghe gaʼ tsughu fə̀ŋ a zəŋò wə̄n, ghe mò tɔŋɔ̄ tsughu, shìaa è kɔʼ.”


Lean sinn:

Sanasan


Sanasan