Lumà 8:9 - To kə Kəzə̀ kə̀ Fughu ko

⁹ E kuuwn lò ko enyəa ghɛ̀ ka fə fə̂ŋ tɛʼɛ tə naŋa dzə̀ am fʉgha wəla gwən e ughùe zɛʼɛ e ləghaa; ghɛ̀ laam naŋa fə̀ŋ tɛʼɛ to am fʉgha wəla Zuʼ tə Zɔlɔ tə ləghaa, abugho e kûm lò dzə̂ enyəa daʼa kə te kə lo nû a zəŋò ghɛ̀. Ghùw wəla ù ki yo Zuʼ tə̀ Zɔlɔ təla tə nughu wo aŋ ghùu Kə̀lestò fi yo dzə̄ ghùw ù Kə̀lestò.

Lumà 8:9 Iomraidhean Croise

Lûk 11:13

Abugho ghɛ̀ â biigh ghən laam fughuu fʉgha ù dzûŋ wò â wɛ ghɛʼɛ̄ gho, à è səasəa tsele wɛʼɛ alo Kəwālā, ù bòʼò lò alefughu ênzə̂n Zuʼ tə̀ Zɔlɔ to â ghì ghəla ghe nɔe tsughùu à?”

Dzɔ̌n 14:17

À lǒ wə̄n Zuʼ təla tə dêe fughu səŋò zò kùu ndùw Kə̀zə̀. Ghî a mbī yo dzə̂ alekpeē nî wə̄n bòʼ ghe yo alekòʼ wə̄n ŋkāa ghe kwo yo wə̄n. Yia a bughò ghɛ, ghɛ̀ kwo nû wə̄n bòʼ ù lǒ ghɛ̀ à ghee, vʉ̀a ù kè lô a zəŋò ghɛ̀.

Dzɔ̌n 14:23

Yɛso m bɛ̀lɛ̀ ndùw wə̄n enyəa, “Abugho ghùw ləghaa mugho, ù kì alebwiī aŋghəa Ǹ ləghaa a te, bəghà lo e ləghaa sugho wə̄n, ghàʼ kê bughò mughù ghàʼ à ghee.

Dzɔ̌n 3:34

Tɔŋlo enyəa ghùw wəla Zə̀ kə̀ tum wo, ù kə̀aa sə̌a wò shwaʼ u Kəzə̀; nu Zə̀ kə kâ wə̄n â Zuʼ tə te fughu mò Kə fòʼ kɔ̀ʼ nû.

Dzɔ̌n 3:6

Ghê a tsele sɛ̀ ghèe ghê zə̀ a sɛ̀ dzə̌a tsughûu ŋgwə̄n e ughùe, Zuʼ tə Kəzə̀ tia kuūwn fughuu Zuʼ to.

Kə̀fwàʼ 16:7

A m bùgho ghe bugho tɛ tsughu an twee u Myshia, ghe n se nyəa ndûw am mbùʼ è Bìtinìa, Zuʼ tə Yɛso tə̀ ŋ kè boo;

Lumà 7:5

Tɔŋlo enyəa nəgha zəla sɛ̀ mò naam mughu mughù e mbī zo, a ŋ ki mmbuuw aleghəəŋ ghəa a biigh gho, mò à soʼn kɔʼɔ kəlâŋ enyəa a e fəghaan ghəəŋ ghəa à biigh a te gho. Sɛ̀ m fwaʼà fughuu ndùw â vʉ zo.

Lumà 8:1

Tò aŋghəa e lô êzəŋ, ghùw ù lì kôom bùʼ yò alebɛ mbɛ an tuw kə ghì ghən a dzə̀m ghe lô fəgha ko kə mɔ̀ʼ ghèe ghê Kə̀lestò Yɛso.

Lumà 8:11

Abugho e kuuwn lô enyəa Zuʼ tə Zə̀ kəla kə fə̀ zôm nughu kɔʼ Yɛso alo evʉ lo nû a zəŋo ghɛ̀, e fi lo enyəa wə̄n wəla u mò zôm nughù wo Kə̀lestò Yɛso alo evʉ lo ghəəŋ nù ghue zɛʼɛ zəla e kpuūw lo kôm kele èmùghù, bòʼ Zuʼ tə Kə̀zə̀ təla tə lo a zəŋò ghɛ̀.

Lumà 8:2

Daʼa kə Zuʼ tə̀ Zɔlɔ kəla tə fughu mughù zò, kə m mùghò zê zə̀ghàa am bàm e Kə̀lestò Yɛso aŋ ghù daʼa kə ebo kəla è nîi wô vʉ zo.

1 Kòlentìan 15:23

À sò lò ko enyəa aghî a dzə̀m kè kì ko nəgha e ghee abugho ghe kê zôo nughùun kɔʼɔ ghîi gho alo evʉ̄; Kə̀lestò lǒ ghùw ù sʉ̂esəʉ, ghî ghəla ghe lô ghî a wə̄n gho kè daŋso dzûum ndûw wə̄n.

1 Kòlentìan 3:16

À lǒ mò ghɛ̀ məghaa nù enyəa ghɛ̀ lo tsughu e Kəzə̀ à, àsùghò enyəa Zuʼ tə Kəzə̀ tə̀ mughu a zəŋò ghɛ̀ a?

1 Kòlentìan 6:17

Ghùw wəla ù laām təmdzəə̄ŋ kɔʼ ghue u wə̄n wo ghèe Mughubè ù te, zuʼ tə wə̄n ghèe tə Mughu ù te tə m bùghò dòʼò kə̀fəgha kə̀ mɔ̀ʼ.

1 Kòlentìan 6:19

À lǒ mo ghɛ̀ məghaa nù enyəa gwən e ughùe zɛʼɛ̄ e lo tsughu e Zuʼ tə̀ Zɔlɔ təla tə mùghù a zəŋò ghɛ̀, mò à fə fughu Kəzə â ghɛ̌ a? À ghue zɛʼɛ e ki dzə yo ghɛ, à ghɛ̀ ki Kəzə.

2 Kòlentìan 10:7

Ghɛ̀ lɛɛn tsughu kô aghəa a beē, mò ghɛ̀ kâ tɔ̀ʼ lɛ̌ɛn nyə tsughu dzə̀. Abugho ghùw tɔ̀ʼ kwo enyəa e lo ghùw ù Kə̀lestò, ù zə̀əŋ tsughu ghue u wə̄n enyəa aŋghəa ù lǒ ghùw ù Kə̀lestò, ghàʼ lo sugho êzə̀.

2 Kòlentìan 6:16

Zʉ̀kɔ̂ŋ u ndûw nyə kə̀ŋ kə kwò an Ndùghù è Kə̀zə̀ è ne a? Nu sɛ̀ lo ndughu è Zə̀ kə̀la kə lô â tuw ko; aŋghəa ghuūghùe u Kəzə̀ kə fə̀ dzɛ̂ tsughu enyəa, “Mùghù kaŋa kə kê lò tsəgha ghàʼ à ghê ghì ghaŋa gho, mùghò e ke mughu am bvʉa e ghee, bwìi dzə̌əŋ ghàʼ à ghee. Mùghò e ke lo Zə̀ kə ghee ko, ghe e ke lo ghî ghaŋa gho.”

Gàlashìan 4:6

Zə̀ chìa kə dzə̂n nyə wo Zuʼ tə Wɛ ù wə̄n to am fə̀ŋ tə sɛ̀ aledèe tsughu enyəa sɛ̀ lo wɛ a wə̄n. Zuʼ tə te tia tə ghəŋlo sɛ̀ yia a tɔɔŋ tsughu Zə̀ kò enyəa, “Bəghà! Tsele waŋā!”

Gàlashìan 5:24

Ghî ghəla ghe lô ghî a Kə̀lestò Yɛso ghò, ghe lo ko to ghe n təghàa nàŋa gwən e ughùe e ghee zo alo kədàŋlo àsùghò laan tə aghəa təla gwən e ughùe e ghee e ləghaa.

Efɛsùs 1:13

Kə̀lestò n dê wò sùghò ghɛ̀ â səŋò zò, mò à lo làbəlà ê dzuŋ zəla è zoʼn ghɛ an dzì zəla ghɛ lô alezə kətuw a te. Ghɛ m boo fughu ndùw â Kə̀lestò, Zə̀ kə̀ fughu wò ghɛ̀ â zuʼ tə zɔlɔ təla Zə̀ kə fə̀ to naŋa, aledè tsughu enyəa ghɛ̀ e zəŋ lo ghî a wə̄n.

Efɛsùs 2:22

Yìa à lo wən ù nì təm dzəə̄ŋ wô ghɛ̀ à alo kəfəgha kə mɔ̀ʼ, ghɛ̌ yìa a doʼò tsughu ndughu zəla Zə̀ kə̀ mughu a tə an Zuʼ tə̀ Zɔlɔ to.

Efɛsùs 3:17

àsùghò enyəa Kə̀lestò e mughu am fə̂ŋ tɛʼɛ bòʼ boo zəla ghɛ̀ ki â wə̄n. Ŋ̀ gɔ̂ŋlò enyəa to ghaŋ ghɛʼɛ a mô nyəā məla tsughu an ləgha zəla ghɛ̀ ki â Zə̀ kò àsùghò aŋ ghuè zɛʼɛ̄.

Fèlepìan 1:19

E lo nû èsəŋò enyəa Ǹ lo naam ki nû aleduʼnlo, Ǹ sô kwo enyəa gɔ̂ɔŋ zɛʼɛ àsùghò daʼa kə Yɛso Kə̀lestò kò lo bəghaasəa nù mugho.

2 Timotì 1:14

To Zuʼ tə̀ Zɔlɔ təla tə lo a zəŋò sɛ̀ mò fughu ghû â daʼa ko aletɔ̀ʼɔ̀ kwuū kelê sə̀ŋò zəla ghe mo fughu naŋa wo â ghù.

1 Pità 1:11

Ghe n də̀m tsughu alemòʼn kele səā kɔʼ nəgha e te zo àsùghò dzì zəla ghəa a te a lo səā a te. Zən fə̀ lo nəgha zəla Zuʼ tə Kə̀lestò təla tə lo a zəŋò ghee fə̀ dêe naāŋ nduw ghee â ghəa ghəla Kə̀lestò lo ki alefala a te àsùghò səghanyəgha məka ù kè lo a te.

1 Dzɔ̌n 3:24

Ghî ghəla ghe naaŋ lâŋ kə Kə̀zə̀ kò lò alo kəfəgha kə mɔ̀ʼ ghèe ghê Zə̀ ko, Zə̀ chia kə lo sugho ghèe ghee. Ghən lò sugho aŋghəa sɛ̀ kele a te enyəa Zə̀ kə̀ lo sɛ a ghee. Sɛ̀ ghəa ghən fɛ kele bò Zuʼ təla kə fughu â sɛ̀.

1 Dzɔ̌n 4:13

Aŋ ghəa ghən, sɛ̀ kwo enyəa, sɛ̀ lo nû sɛ̀ à ghê Zə̀ kò, Zə̀ chìa kə ti sɛ̀ à ghèe, bòʼ enyəa Kə m fughu sɛ̀ â Zuʼ tə wə̄n to.

1 Dzɔ̌n 4:4

Ghɛ̀ a wɛ ghaŋa gho, ghɛ̀ yia lo ghî a Kəzə̀ ghò; ghɛ̀ yia təm zə sugho ghiīshʉ̀ghà ù biigh gho, nu ghùw wəla ù lò a zəŋò ghɛ̀, ù tughu tsə̀ghàtàʼà ghùw wəla ù lò a zəŋò ghì a mbī gho.

Edêe Fughu 13:8

Ghî ghə̀n à dzə̀m ghe mughù aŋ ghueekətsə̄ lo e kɔ̄ʼsō sugho wə̄n, ghî ghəla ghe fə̀ so e bughò bɔm mbī mo zən a ghee a kaān nyə am dzə̀ mwàʼsò kə emùghùu kə Tsʉa u Ndzì wəla ghe fə̀ sugho wī.

Edêe Fughu 20:15

Ghùw wəla ghe mò kəŋo kêe tsughuu zən e wə̄n zo am mwàʼsò kə emùghù, ghe m màʼà nyə̀ ndùw wən am fɛ̀ɛn kə uwə̀n kə te ko.