Lumà 8:7 - To kə Kəzə̀ kə̀ Fughu ko

⁷ Ghùw wəla ù nì kɔʼ fə̀ŋ è wə̄n naŋa tsughu am fʉgha wəla gwən e ughùe e wə̄n e ləghaa, ghùw ù te baam nǔ ghèe Zə̀ kò. Ghùw u te zuuw yo lâŋ kə Kəzə̀ kò, mò ù tsò buʼ yò alenaŋa làŋ kə te ko.

Lumà 8:7 Iomraidhean Croise

Matìo 12:34

Wɛ a ufwī tò ghɛ! Ghɛ̀ lo ênzə̂n alekele dzə̀ è dzùŋ mò ghɛ̀ lo ghî à biigh gho a? Tɔŋlo enyəa à bɔɔm səa wò kô fəgha kəla kə lue doʼō ghùw an unʉ̀ghà.

Matìo 5:19

Ghùw wəla u bùʼ tue maʼà tsughu ko alezuw nyàaŋ fə eghəa alo kəlàŋ, zoʼn ndûw sughò àghì êzə̀, ù kè lǒ tò tsəlechìa e ghûw am fɔ̀e u kəwālā. Ghùw wəla ù kuūwn boo mɛʼɛ̀ tsughu lâŋ ko, vʉ̀a ù zoʼn ndûw sugho ghî ghò a te, ghe lô wən kwo tò komndzūghū am fɔ̀e u kəwālā.

Dzɔ̌n 7:7

Ghî a mbī yo alebɛ̀ ghɛ̀, ghe bâa nù mugho bòʼ Ǹ dzâa fùghuu wò ghəa a ghee à biigh ghəla ghe ghəŋlo.

Lumà 1:28

Tò aŋghəa ghî a mò lo mo ghe n tùe màʼa enyəa ghe yo dzə̂ to ghe e kelè mòʼnlò è səŋò zò a zəŋò Zə̀ kò, Zə̀ chìa kə zəghàa maʼà tsughu ghee aleghəə̄ŋ nduw ko ghəa ghəla ghe mô ki yo aleghəŋlo.

Lumà 1:30

Ghe m maʼn kǎaŋ tə̀nùʼ, baa Kə̀zə̀, ki dzughu e biigh zo, kɔʼso eghue, dèe eghue, ghî a te a kəŋo utsù, bùʼù zuuw sùghò yo â ghê tsele.

Lumà 3:31

E sò yia fɛ mòʼnlò enyəa lâŋ kə̀ kôom yò aŋghəa a boō fughu dzə â Yɛso Kə̀lestò à? Ɛ̂ŋgaŋ dzə̂, e laam lò enyəa a n lueso lâŋ kə te ko.

Lumà 5:10

Ghəa sɛ̀ fə̀ buʼù lô tsəgha ko ghî a kətuw a Kəzə̀ ghò, Zə̀ kə n naam nì təm dzəəŋ wò ko sɛ a ghee alo kəfəgha kə mɔ̀ʼ an vʉ e wàa wən. Yia abugho êzəŋ wəla sɛ̀ lô ghî a wə̄n gho, sɛ ki alekwo tən enyəa Kə̀lestò lo bəghasəa nǔ sɛ̀ êzəŋ wəla ù lò â tuw ko.

Lumà 7:22

Ǹ ləghaa làŋ kə̀la à fughu wo Zə̀ kò am fə̂ŋ zaŋa e dzə̀m.

Lumà 8:4

Ù fə̀ enyə ghəəŋ tsughu alekòʼ enyəa ghəa e tsəghatsəgha zəla lâŋ kə̌ fə̀ biso ki aleghəŋlo nî kə̀bəla a zəŋò sɛ̀ ghəla a lo êzəŋ mo a mughu aŋghəa Zuʼ tə̀ Zɔlɔ tə ləghaa, mò à yò dzə̂ aŋghəa gwən e ughùe e sɛ̀ è ləghaa.

1 Kòlentìan 2:14

Ghùw wəla Zuʼ tə Kəzə̀ tə̀ yo a zəŋò wə̄n bǒom yo êsəŋò zəla Zuʼ tə Kəzə tə te tə deē ghè zò. Ŋgòʼ è àghì ghən zuuwkɛlɛ yo ghəa te gho; ghəa a te a lo elaʼsò â ghee, bòʼ à lò ko an daʼa kə Zuʼ tə̀ Zɔlɔ tə te to ghùw kè koʼòkɛlɛ enyəa kən lo fəgha kə səŋò kò.

1 Kòlentìan 9:21

Abugho Ǹ lo ghàʼ à ghê ghì ghəla ghe yo dzə a tsəlà làŋ kò, mùgho n dòʼò tǒ ghùw ù ghee, (aŋghəa Ǹ lo mò ŋ kaām bûʼ nɔ̂sə aŋ ghùu làŋ kə Kəzə̀ ko, mò Ŋ̀ kuuwn naam lo ko a tsəlà làŋ kə Kə̀lestò kò), enyəa to M̀ mô lò aleghəŋlo enyəa ghî ghəla ghe kwo yo lâŋ kò è lo aleboō fughu â Kə̀lestò.

Kòloshìan 1:21

Ghɛ̀ mò buʼ lo tsəgha ghî ghəla ghe mò nyuʼu naŋa dzəm to a zəŋò Zə̀ kò, ghɛ̀ ŋ ki moʼnlò e biigh zo, lò ghîikətuw a Kəzə̀.

Kòloshìan 2:18

E kwo ko ghɛ̀ lô bomlo enyəa ghùw nìi nughù fəgha kəla kə kûm lô kə̀ kɛʼɛ̄ ko, ghe e tughuso dzaā wo enyəa ghɛ̀ ki alemàʼà naŋā tsughu ghue zɛʼɛ, àsùghò enyəa ghɛ̀ e kɔʼso nduw tsə̀təndə̄ghā tə Kəzə̀ tò, ghe e dzaā wo enyəa ghe ghəa ghən kôʼ wò an ushʉ̀ghà. Ghe moʼnlò enyəa ghe ŋge kwo aghəa, ghəa a te yia a ghəŋlo ghe yia a ghaŋso kaāŋ ghue zo.

2 Timotì 3:4

Ghe ke e feēn fughuu kaaŋ ghî ghò, ghe ke e vuūŋ ghəəŋ kaaŋ ghəa gho, ghe e kwo enyəa à bɔ̀ɔm mìaa ko ghee, ghe ke e ləghaa yo Zə̀ kò, kuuwn lâam ləghâ ghəa ghəla ghe zuūw laan zo a te.

Hibùlù 8:10

Tsə̂ntə̀mbî dzɛ̀ enyəa, ‘Mən lǒ kàa məla Ǹ lo zəā kɔʼɔ ghàʼ à ghê kèndughu kə Ezə̀lɛ̂ kò abugho tsuʼu n te lo tsəghà tsughu. Ǹ lo dzə̀là nǎaŋ ndùw lwàŋ waŋa an tuw kə ghee, Ǹ tɔɔ̄ naŋa ndûw sugho am fə̀ŋ tə ghee, Ǹ lo doʼò tsughu Zə̀ kə ghee, ghe doʼò tsughu ghî ghaŋa.’

Dzɛ̂ms 4:4

Ghɛ̀ ghî à səa ndzaŋa gho, ghɛ̀ kwo yo enyəa ghî ghəla ghe bwîi fwən wo ghèe ghê fʉgha u mbī wo lo ghî a kətuw a Kəzə̀ a? À fi lo enyəa, ghùw wəla ù mòʼnlo alebwiī fwən wo ghèe fʉgha u mbī wo fi doʼò dzə ghùw ù kə̀tūw ù Kə̀zə̀.

2 Pità 2:14

Sə a ghee a lo tən ko a zəŋò nùuŋ tə ayìzən to. Ghe bughū tsə̀ghà yo aleghəŋlo èbo. Ghe kwo aleghə̂əŋ ghì ghəla boo e ghee e lo mo e kam tughu enyəa ghe bvʉ̂ alo fətə̀mà. Ghe yia zoʼn naŋa tsughu fə̂ŋ tə ghee to enyəa to à mò ki ko ghee fʉgha wo u dzə̀m. Zə̀ kə̀ ŋ ghee ləŋ naŋa.