Lumà 8:34 - To kə Kəzə̀ kə̀ Fughu ko

³⁴ À lò ndugho ù lò aledzɛ̀ enyəa a m bvʉ̌ saʼ a? À lǒ mò à lǒ Kə̀lestò Yɛso wəlà ù mò kpuw dzə a, ŋkāa à lǒ wən wəla ghe mò zôm nughù kɔʼ alo evʉ a, vʉa u doʼ ezəŋ an kwe u Kəzə̀ u təma wo, dìi fughû dì e sɛ̀ à?

Lumà 8:34 Iomraidhean Croise

Matìo 20:28

E fɛ lò sugho tò aŋghəa Wɛ̀ ù ghùw fə̀ bughò enyəa ù e fwə̂ən fwaʼā â ghì ghò, à yò dzə̂ enyəa ghî ghə̀ è fwaʼa â wə̄n, àsùghò enyəa ù fughuu ndûw tuw kə wə̄n alezuū sə tuw u ndə̀m è àghì.”

Mâk 16:19

A m bùghò Mughùbè Yɛso kə̀a tsughu ghəa ghən gho enyə â ghee, à fi daŋso lò ghəa a wə̄n à kɔʼɔ gho alo kiwālā, ù ŋ kɔ̀ʼ dòʼò tsùghù aŋ kwe ù Kəzə̀ u təma wo.

Dzɔ̌n 14:19

A tsûuŋ ko enyə, mbī lo kòom kòʼò yò mugho, ghɛ̀ lo e koʼō mugho. Bòʼ enyəa M̀ mugho nû, ghɛ̀ lo e mughu sugho.

Dzɔ̌n 16:23

Abugho nəgha e te lo bugho, ghɛ̀ kê kòom bvʉ̂a yo mugho â ghəa è li zo. M̀ fɛ kùum dzàa wò nù â ghɛ̀, abugho ghɛ̀ lo bvʉ ko kwò kò â Tsele ù te an zən zaŋā, Ù lo fughuu nù.

Kə̀fwàʼ 2:24

Zə̀ kə̀ ŋ kwuun zè zə̀ghàa tsùghu wə̄n am fàŋà kə evʉ̄, nì nùghù kɔ̌ʼ wə̄n alo evʉ̄, tɔŋlo enyəa vʉ e kaā kɔʼ kpè dzə̀ alenì wə̄n.

Lumà 14:13

À fi lo enyəa sɛ̀ e ka e koōm saʼa ghue e sɛ̀ zò, sɛ̀ e laām dəma tsughuu enyəa a ka e naaŋ dzə tia e utwaʼ zo an dziī ŋkāa kə̀ fàŋa â waazə̂ a sɛ̀ gho tò â ghee aleghəŋlo èbo.

Lumà 14:9

Kə̀lestò fə̀ fɛ kpuw zoō kɔʼ bòʼ ghəa ghə̀ è yi enyəa, ù è lo Mughu ù te â ghì à kpuwn gho àsùghò ghəla ghe lô â tuw ko.

Lumà 4:25

Yɛso wəla Zə̀ kə fə̀ fughu sə wo enyəa u kpuw bòʼ bòo tə sɛ̀. Zə̀ kə n zòm nùghù kɔʼ wə̄n alo evʉ enyəa to Zə̀ kə̀ mô nîi naŋa sɛ̀ aŋ ghì a tsəghatsəgha gho.

Lumà 8:1

Tò aŋghəa e lô êzəŋ, ghùw ù lì kôom bùʼ yò alebɛ mbɛ an tuw kə ghì ghən a dzə̀m ghe lô fəgha ko kə mɔ̀ʼ ghèe ghê Kə̀lestò Yɛso.

Lumà 8:27

Zə̀ kəla kə koʼò tɔɔ̄n nyəā wô fə̂ŋ tə sɛ̀ tò kwò nû moʼnlò e Zuʼ tən to: bò Zuʼ tə̀ Zɔlɔ tə te tə gɔ̂ŋlò an tuw ghì a Kəzə̀ an dziī zəla Zə̀ kə̀ ləghaa ghè zò.

Kòloshìan 3:1

Ghe mafə ghɛ à ghê Kə̀lestò dzeŋe zòm nùghùu kɔʼ alo evʉ̄, e kəŋo ko nlò ghəa e kəwālā zo, a fi a Kə̀lestò dǒʼ aŋ kwe u Kəzə̀ ù təma wo.

Hibùlù 1:3

Ù dèe wò nyəghaan zəla e lo an səghanyəgha ŋ Kə̀zə̀, vʉ̀a ù bɔɔ̄m fweēn ko Zə̀ kò, ghəa ù kwu kele mbī an daʼa kə shwaʼ u wə̄n. A m bùghò ù ghəə̄ŋ tsughu enyəa Zə̀ kə̀ ghuūw maʼà bòo tə aghì, ù n doʼò tsùghù aŋ kwe u Kwîfɔ̀e ù təma wo alo kəwālā.

Hibùlù 7:25

Zən lò e ghee ù lò alebəghaasə aghî nəgha tən tə̀ dzə̀m, ghî ghəla ghe kuʼso nduw Zə̀ kò mo ghe tsəgha am bam e wə̄n, ghəa ù lǒ mò ù tso mughu tsəgha ko nû alebuʼ kəghu an tuw u ghee.

Hibùlù 9:24

Kə̀lestò kà nyə̀ ndùw dzə̀ an lùʼû kə̀ baa kəla ghe bəgha aŋ ghu, mò à lǒ fwěen kəla kə kûm lo, ù fə̀ laam nyə daŋso nduw alo kəwālā, alendùw tee a vʉa Zə̀ kò an tuw u sɛ̀.

1 Pità 3:18

Nu Kə̀lestò fə̀ kpuw ni nughu bôo tɛʼɛ tə dzə̀m enəgha e mɔ̀ʼ nì nùghù tən ko nù, lò êzə̀ mo ù ka fə ghəa è li ghəəŋ boon kòʼ tsəghà, ù m bùgho kpùw an tuw u ghì a biigh gho, alenìi kwəla wô sɛ̀ a vʉ̀a Zə̀ kò. Aŋghəa ghe fə̀ bûʼ wi tsughu ko wə̄n, ghe fə wə̄n wi tǒ ghùw, daʼa kə Kəzə̀ kə̀ n zòm nùghùu kɔ̂ʼ zəŋso kə wə̄n.

1 Pità 3:22

Ù fə̀ kɔʼsə kɔʼ alo evʉ̄, ù n nùghù nyə̀ kɔ̀ʼ ndùw alo kəwālā, vʉ̀a ù dǒʼ aŋ kwe u Kəzə̀ ù təma wo, saʼâ tsə̀təndə̄ghā tə Kəzə̀ tò àsùghò dwaʼa wo u dzə̀m alo kəwālā.

Edêe Fughu 1:18

Ǹ lo ghùw wəla ù lǒ â tuw ko; M̀ maā kpuw, mùghò ŋ kòom nùghù dòʼò tə̀n wò ebàm â tuw ko, yìa Ŋ̀ ki daʼa ko a zəŋò vʉ zo àsùghò an naʼ zə evʉ.