Lumà 8:3 - To kə Kəzə̀ kə̀ Fughu ko

³ Tɔŋlo enyəa ghəa ghəla lâŋ kə fə̀ yo aleghəŋlo, bòʼ ghùw nsɔ̌ɔŋnchùw fə̀ lɛɛ kôom nû, Zə̀ kə̀ ŋ ghəŋlo e tsughu. Zə̀ kə̀ n nì kɔ̌ʼ Wɛ u wə̄n tùm nyə̀ wò an ghueekətsə̄ aŋ kòʼ e ghùw mbī tò kefughu, alewiī maʼà èbo.

Lumà 8:3 Iomraidhean Croise

Mâk 15:27

Ghe mo e təghàan wə̄n, tə̀ghàa dzə̌əŋ kɔʼ ghèe ghêe ghìitsɔŋɔ à li gho a bə̀ghà, u mɔ̀ʼ aŋ kwe u wə̄n ù təma wo, u mɔ̀ʼ alo ù kwû wò.

Dzɔ̌n 1:14

Shwaʼ u te wə n ndùw bùghò ghùw, tsùuŋ mùghùu tsughu sɛ̀ à ghee, Ù n dêe mɛ̀ʼn wò èsəŋò e dzə̀m aŋ ghəa a Kəzə̀, ŋgee dèe sùghò ghàʼ â ləgha zo. Ghàʼ a dzə̀m ŋ kòʼ daʼa kə wə̄n ko, daʼa kəla ù ki tǒ sɔ̀ʼ kə Wɛ kəla kə nughù wo a vʉ̀a Tsele.

Dzɔ̌n 9:24

Ghe n tɔŋɔ kpeʼe tsughu ghùw vʉ̀a ù mò fô doʼo alendùw sə alo tənəgha tə bəgha dzɛ̄ â wə̄n enyəa, “Dzǎa wò səŋò zò alefughu ŋkɔʼso â Zə̀ kò, nû ghàʼ kwo nû enyəa ghùw wə̄n lo ghùw ù bǐigh.”

Kə̀fwàʼ 13:39

àsùghò enyəa ghùw wəla ù boō fughu tsughu â Zə̀ kò, Zə̀ kə m bəghasə tsughu wə̄n aŋ ghùu bòo tə̀n tə̀ dzə̀m lâŋ kə Musî kə̀ mò yô alezèe zəghàa wən a te.

Lumà 3:20

Zə̀ kə lo dzàa dzə̀ yò enyəa ghùw ù lì lò tsəghatsəgha bòʼ enyəa ù mò tɔʼɔ̀ naaŋ tsəghà lâŋ kò, nu lâŋ kə̀ ghəəŋ nù ghùw ŋ kele enyəa e ŋ ghəəŋ bo zo.

Lumà 6:6

Sɛ̀ kwo nû enyəa fəgha kəla sɛ̀ mò bûʼ lo tsəgha ghè kò mafə kpuw nùghùu alo kədàŋlo ghèe Kə̀lestò, enyəa to Zə̀ kə̀ mô wiī maʼa mbuw fə ghəa a biigh gho a zəŋò sɛ̀, alezèe zəghà sɛ̀ am fàŋa kə ghəa à biigh gho.

Lumà 7:18

Ŋ̀ kwo nû enyəa ghəa e dzûŋ e li yo dzə̂ am fə̂ŋ zaŋa, tɔɔŋ mùghò tǒ ghùw wə nsɔ̌ɔŋnchùw. Nù Ŋ̀ ki nû moʼnlò e te zo aleghə̂əŋ ghəa e dzûŋ zò, mùghò ŋ kuuw yò aleghə̂əŋ ghəa e te zo.

Lumà 8:32

Wən wəla ù fə̀ tâʼkè ghôʼ wɛ ù wə̄n, kuuwn nì fùghù sə̀ wò wə̄n tò kəfughu an tuw u sɛ̀ a dzə̀m. Abugho ù fə̀ lô alenìi fughuu səā wô Wɛ ù wə̄n ù nùu, fəgha kə̀ li kə kôom lò nû à ghèe wɛ u wə̄n lo aledòʼò mò ghe kâ â sɛ̀ nî fùghù wò à?

Lumà 9:3

Tɔŋlo enyəa to M̀ buʼù boo enyəa Zə̀ kə̀ tsɔ̂ɔm mùghò, kə gbôo sɛ̂ɛ mùghò ghàʼ a Kə̀lestò abugho e mô lo aleyòsò waazə̂ ghaŋa ghəla ghàʼ a ghee sə alo enaʼ e mɔ̀ʼ.

2 Kòlentìan 5:21

Kə̀lestò mò ki yo bo è li zo, Zə̀ kə̀ ŋ ghəŋlo è tsughu ù n dòʼò tsùghu tò ghûw ù bǐigh bòʼ ghəa e sɛ̀, enyəa aŋghəa sɛ̀ à ghee təmdzəə̄ŋ kɔʼ, a ke e dzeŋe lo sugho tsəghatsəgha a vʉ̀a Zə̀ kò.

Gàlashìan 3:13

Kə̀lestò mafə tuw kə sɛ̀ kə̀ zue sə̀ wò aŋ ghùu tsù u kəlàŋ wò aŋghəa ù mò doʼò ndûw ghî fə kəlòʼ an tuw kə sɛ̀; nu ghe tɔm naŋa am mwàʼsò kə Kəzə̀ enyəa, “Ghùw wəla ghe təghàa naŋa kɔʼ alo fəkà, à lǒ ghî fə kəlòʼ.”

Gàlashìan 3:21

À lò enyəa lâŋ kə te kə boom dzəəŋ yo ghèe to u Kəzə̀ wò à? À dɔ̀m yò dzə̂ êzə̀! Abugho ghe mô fughuu wô lâŋ kə̀ li ko mo kə ghəŋlo enyəa ghùw dòʼò â tuw ko, to ghùw mò dòʼn nù tsəghatsəgha abugho ù naŋā tsughu lâŋ kò.

Fèlepìan 2:7

Ù ŋ kuuwn tsughuso tsughu ghue u wə̄n, ghe n dzə̀ wə̄n tǒ ghùw nsɔ̌ɔŋnchùw, ù m bùghò dòʼò tsùghu fəkɔ̂ɔ.

Hibùlù 10:12

Kə̀lestò fə̀ kuuwn sɛ fughu tən kô ghue u wə̄n alo enəgha e mɔ̀ʼ alesùuw maʼà tə̀bôo to mbī kê bughò mîaa. Ù n daŋso dòʼò tsughu aŋ kwe u Kəzə̀ ù təma wo.

Hibùlù 10:14

Am fughu kə wə̄n kən kə̀ mɔ̀ʼ, ù ŋ ghəŋlò ghî ghəla ghe sûw maʼà bôo tə ghee to n dòʼò tə̀n kɔʼ ghî à ghe kpe aŋghəa Zə̀ kə̀ ləghaa.

Hibùlù 2:14

Aŋghəa wɛ a Kəzə̀ à lo aghî, ghe ki nyom è ughue àsùghò kàŋ to, ghuūghùe u wə̄n wə n doʼo wò sùghò êzə̀; enyəa to ù mò bɔŋɔ kpuuw tsughuu sugho alendùw dzûuw maʼà ghùw wəla ù ki daʼa ko aleghəŋlo enyəa ghî ghə̀ e kpuwnlo, tɔŋlo Avʉatsə̄a.

Hibùlù 2:17

Zən lò e ghee Zə̀ kə̀ mò ki aleghəəŋ tsughu enyəa ù dòʼò wô tò waazə an dzii tən tə dzə̀m, enyəa to ù mò doʼo tsughu tuw kə fɔ̀e kəla kə ki se è kwuso zo, ù gaʼ sugho fə̀ŋ am fwàʼ kə wə̄n â Zə̀ kò. Zən fə̀ enyə lò enyəa ù e lo alenìi fughu ndûw ghue u wə̄n tò kəfughu tò Zə̀ kə̀ ghuūw maʼà bòo tə aghì.

Hibùlù 4:15

Tɔŋlo enyəa Tuw kə fɔ̀e kəla sɛ̀ ki, à yò dzə kəla kə buw alekwuso èse a zəŋò sɛ̀ abugho sɛ̀ bvʉ̂ kôom tsughu; sɛ̀ laam ki Tuw kə fɔ̀e kəla kə lǒ mo ghe ŋ wə̄n tsoom kaŋlo alo tədzìī tə dzə̀m, to ghe mò tsoōm kôʼ sugho sɛ̀, ù ŋ kè kuūwn ŋgəmso ghəŋlo èbo.

1 Pità 2:24

Ghuūghùe u Kə̀lestò ù mafə boʼò mbuŋ kə təbòo kə sɛ̀ kò alo kədàŋlo, enyəa tò sɛ̀ e lo tò ghî a kpuuwn gho abugho e bughò tɛ̌ tsughu aleghəŋlo ebo, sɛ̀ è mughu mughù e tsəghatsəgha zo. Fəŋ ghəla ù fə̀ kele mafə̄ baaŋ sɛ̀.