Lumà 8:25 - To kə Kəzə̀ kə̀ Fughu ko

²⁵ Abugho sɛ̀ moʼnlò alekele fəgha kə̀là a kaām ki yo, a ŋ ka tsughu ko èzə alechì tùʼ am fəgha kə te ko.

Lumà 8:25 Iomraidhean Croise

Lumà 12:12

Ghɛ̀ e duʼnlo an tùʼ zəla ghɛ̀ chiī ghè zò. Ghɛ̀ kɔlɔ tsughu nlò fə̂ŋ tò an tsù wɛʼɛ, ghɛ̀ è gɔŋlo an nə̀gha tən tə̀ dzə̀m.

Hibùlù 10:36

Ghɛ̀ ki alekɔlɔ tsughu ko tə̀ fə̀ŋ, tò ghɛ̀ e lo aleghəəŋ ghəa ghəla Zə̀ kə ləghaa, ghɛ̀ lo kele kɔʼ fəgha kəla ke fə̀ to naŋā â ghɛ̀.

1 Tɛ̀sàlonìan 1:3

Ghə̄a ghàʼ zə̂əŋ zeē ko ghɛ aŋ gɔ̀ɔŋ zaʼa â Zə̀ kò, Tsele ù sɛ̀, ghàʼ nîi zə̀a yò fwàʼ kəla ghɛ̀ fwaʼā bòʼ ghɛ̀ boo fughu â Kə̀lestò, àsùghò ghəa à dzûŋ ghə̀là ghɛ̀ ghəŋlo â ghî ghò bòʼ ləgha zəla ghɛ̀ ki ghè zò, àsùghò tùʼ zəla ghɛ̀ ndzəmà chiī a zəŋò Mughùbè ù sɛ̀ Yɛso Kə̀lestò.

Kòloshìan 1:11

Ghàʼ yia gɔ̂ɔŋ sugho enyəa Zə̀ kə̀ tughuso tsughu ghɛ an daʼa kə wə̄n kəla kə tughu tsə̀ghà dwaʼa wo u dzə̀m, tò ghɛ̀ e lo alekɔlɔ tə̀fə̀ŋ àsùghò aleka ezə alo aghəa a dzə̀m alo eduʼnlo.

Lûk 21:19

Abugho ghɛ̀ kê kɔlɔ̄ tsughu fə̂ŋ tò, ghɛ̀ ke zə tuw ko.

2 Tɛ̀sàlonìan 3:5

Ghǎʼ yia a gɔ̂ŋlò enyəa to Mughu ù te mô ghəŋlo ghɛ̀ zuwkɛlɛ dzì zəla Zə̀ kə̀ dêe ləgha e wə̄n zo a te, àsùghò enyəa ghɛ̀ è lo alekɔlɔ̄ fə̀ŋ aŋ ŋgoʼ zəla ghɛ̀ zuūw tò Kə̀lestò.

Lumà 8:23

À bùʼ kà yo ko fʉgha u te wo u dînlo am fɔnlo e te zo, ghuūghùe e sɛ̀ ghəla sɛ̀ bûʼ ki Zuʼ tə̀ Zɔlɔ to tǒ fughu kə Kəzə̀ kə sûesʉ ko, sɛ̀ zuuw efɔnlo, dìi sughò nʉghà ù nʉ̀ghà aŋghəa sɛ̀ ləmlo enyəa Zə̀ kə̀ lo bughò nîi naŋa tsughu sɛ̀ tò wɛ a wə̄n; asùgho enyəa kə zuū səā sughò tuw kə sɛ̀.

Edêe Fughu 1:9

Ǹ lo Dzɔ̌n wàazə̀ wɛʼɛ, yìa M̀ boo fughu â Yɛso. Mùghò ŋ ghɛ̀ təmdzəə̄ŋ wò aŋ ŋgoʼ zəla ghɛ̀ zuūw àsùghò an zə zəla ghɛ̀ ka tsughu aŋghəa sɛ̀ lô am fɔ̀e ù Kəzə̀. Ghe mò mugho kwu naŋa nû an nàʼà fə dzughù fə̀ li fo, ghe tɔŋlo enyəa alò Patmòs bòʼ mùghò mò kəaa shwaʼ u Kəzə̀, dzàa êsəŋò zəla Yɛso fə̀ dzɛ̂ naŋā.

Hibùlù 6:12

Ghàʼ ləghaa yo enyəa ghɛ̀ bugho lɛɛ tsughu, ghàʼ laam ləghaa enyəa ghɛ̀ e lo tò ghî ghəla ghe fə̀ ka tsughu zə zo, boo fùghù e tsughu alezə fəgha kəla Zə̀ kə̀ fə̀ to naŋā.

Lumà 2:7

Ghî ghəla ghe kəŋo alekele zən e dzûŋ zo, ŋkɔʼso àsùghò mùghù zəla e mian koʼo yo aŋghəa ghe ghəə̄ŋ zeē ghəa a dzûŋ ghò, Zə̀ kə lo â ghe fughuu mùghù è doʼn təla zo.

Lûk 8:15

Yia a bughò ghəla an lùʼu kə̀ foōn ko, à lò ghəla ghe zuw tsughu shwaʼ u te wo, ghe n nyɛ̀ nì kɔ̀ʼ an zumso kə fə̂ŋ kə ghee kə̀ dzûŋ kò, wə m bùghò fughu kɔʼ kətam, aŋ ghùe zəla ghe zumso tsughu a te.

Edêe Fughu 14:12

Zən lò ghəa zəla e dê tsughu enyəa ghî a Kəzə̀ à zɔlɔ a ki alekɔlɔ tsughu təfə̂ŋ, tɔ̂ɔŋ ghì ghəla ghe naāŋ lâŋ kə Kəzə̀ kò, gaʼ sùgho fə̀ŋ è ghee a zəŋò Yɛso.

Edêe Fughu 13:10

Abugho ghùw lǒ mo ghe lô wə̄n ki alekwuū fêe naŋa an ndughùtsaʼ, ghe lô wən telè kwǔu fèe nǎaŋ ko alo kətə̀ŋ. Abugho ghe ki alegbòo wi ghùw alo kəkɔ̀ɔ, ghe lô wə̄n telè wǐi ko ezə̂. Ghəa ghən fɛ dèe tsùghu enyəa ghî a Kəzə̀ à zɔlɔ a ki alekaā tsughu ezə, ghe naŋa tsughu kô fə̀ŋ tə ghee a zəŋò Zə̀ kò.

Hibùlù 6:15

A m bugho Abə̀làhâm ndòʼ ka tsughu sugho zə zo ləma è koo, u m bùgho kèle kɔʼ fəgha kə̀là Zə̀ kə fə̀ to naŋā.