Lumà 8:13 - To kə Kəzə̀ kə̀ Fughu ko

¹³ Tɔŋlo enyəa abugho ghù mughu aŋghəa ghue u ghûw ù ləghaa, ghù lo kpuw. Abugho ghù kuuwn nî kɔʼ daʼa kə Zuʼ tə̀ Zɔlɔ to wì màʼà tsughu ghəa à biigh ghəla a lo a zəŋo ghùe u ghùw a te, ghùw ù te lo mughù.

Lumà 8:13 Iomraidhean Croise

Lumà 6:21

Alebùʼù nîi tsughu, namso kɛʼɛ kə mò lo kwò aŋ ghəa à biigh ghəla ghɛ̀ mò buʼù ghəəŋ tsəghà a, mo a ghəŋlo enyəa ghɛ̀ e ki tuw dəla ko êzəŋ a? Ghəa a te lo ko aletɔŋɔ wo evʉ.

Lumà 6:23

Ghɛ̀ kele tsughu enyəa, namso kəla ghùw kele am bo zəla ù ghəə̄ŋ tsughu lò evʉ, Zə̀ chia kə kuuwn tsôo ndzə̂əm fughuu ko mughù è doʼn təla zo am bàm e Kə̀lestò Yɛso, Mughùbè ù sɛ̀.

Lumà 7:5

Tɔŋlo enyəa nəgha zəla sɛ̀ mò naam mughu mughù e mbī zo, a ŋ ki mmbuuw aleghəəŋ ghəa a biigh gho, mò à soʼn kɔʼɔ kəlâŋ enyəa a e fəghaan ghəəŋ ghəa à biigh a te gho. Sɛ̀ m fwaʼà fughuu ndùw â vʉ zo.

Lumà 8:12

Waazə̂ ghaŋa ghò, e fi lo enyəa sɛ̀ ki kəndàŋ, mò ndàŋ kə te kə kuuwn yò dzə̂ alenaam ghəəŋ nduw ko ghəa ghəla gwən e ughùe e sɛ̀ è ləghaa enyəa sɛ̀ è ghəŋlo.

1 Kòlentìan 9:27

Ǹ nîi nǎaŋ tsūghûu ghue waŋa tò kəkɔ̂ a tsəlà mùghò enyəa e kwo Ǹ lô so e kuūwn gùuŋ namso kə te ko mò à làbəlà è dzùŋ è te zughòo mùghò â ghì ghò.

Gàlashìan 5:24

Ghî ghəla ghe lô ghî a Kə̀lestò Yɛso ghò, ghe lo ko to ghe n təghàa nàŋa gwən e ughùe e ghee zo alo kədàŋlo àsùghò laan tə aghəa təla gwən e ughùe e ghee e ləghaa.

Gàlashìan 6:8

Ghùw wəla ù ghəə̄ŋ ghəa ghəla gwən e ughùe e wə̄n e ləghaa, ù lo tèlè kèle kô ŋgòʼ è namso kəla ghəa a gwə̀n ghə eghùe a fughuu, mò namso kə te kə lo evʉ. Wəla ù ghəə̄ŋ ghəa ghəla Zuʼ tə̀ Zɔlɔ tə ləghaa, ù lo kelê mùghù zəla e doʼò tən.

Efɛsùs 4:22

Zə̀gha màʼa nlò mughù è wii zəla ghɛ̀ mò bûʼ mughù tsəgha ghè zò, mughù e te e mò seē məŋso ghɛ, ghɛ̀ ŋ ghə̂əŋ ghəa ghəla a wiīn ghɛ alo fətsə̀tèʼè.

Efɛsùs 4:30

Kà nlò è ghəŋlo enyəa Zuʼ tə Kəzə̀ tə̀ Zɔlɔ tə e lo alo esē, tɔŋlo enyəa à lò tə ghee ghe fə̀ tsə̂sò naŋa ghɛ a te, aledèe tsughu enyəa Zə̀ kə̀ kê bə̀ghasəa nù ghɛ abugho tsuʼ u te u kê kpe.

Efɛsùs 5:18

Ka nlò è mʉa kala sugho lʉ̀ mò, tɔŋlo enyəa lʉ̀ ŋ ghəəŋ nù ghùw ŋ ghə̂əŋ ghəa à kwu gho. E zəghaan tsughu nlò Zuʼ tə̀ Zɔlɔ to tə n dêe ndùw ghɛ̀ â dzì.

Taetùs 2:12

Dzɔ̂ e Kəzə̀ zən zoʼn wò sɛ̀ enyəa sɛ̀ tuū maʼà tsughu mughùu zəla à yò dzə̂ mughùu e ghì a Kəzə̀ zò, a ka fə̂ŋ tə̀ gaʼ sùghò am fʉgha u mbī wo, àsùghò enyəa sɛ̀ è naŋso tsughuu kə ebwìi kə sɛ̀ kò aŋ ghəa a sɛ̀ à ghəəŋ gho, sɛ̀ è ki fə̂ŋ tə̀ dzûŋ tò, mùghù sugho aŋghəa Zə̀ kə̀ ləghaa enyəa to a mô mùghu fɛ a te am mbī zən.

1 Pità 1:22

Ghəa e lô êzə̄ŋ enyəa səŋò zəla ghɛ̀ zoʼn kele kɔʼ ghɛ̀ yia bwiī a te ŋ ghɛ̀ sûw màʼà, ghɛ̀ yia ləghaa ghue zɛʼɛ zo tò waazə̂, e kuū ləghaa nlò ghue zɛʼɛ zo am fə̂ŋ è mɔ̀ʼ.

1 Pità 2:11

M̀ buʼu kə̀ghu â ghɛ̀ a fən ghaŋā gho, ghɛ̀ tò ghì ghəla ghe bwîin nyə wô nû fɛ am mbī àsùghò ghəla ghe nɔe mughu. Nǐi nùghuu nlò moʼn zɛʼɛ zo am fʉgha wəla gwən e ughùe e ghûw è ləghaa, tɔŋlo enyəa fʉgha u te u tɔɔŋ tsàm a zəŋò ghue zɛʼɛ zo.