Lumà 8:10 - To kə Kəzə̀ kə̀ Fughu ko

¹⁰ Abugho e kuuwn lô dzə̂ enyəa Kə̀lestò lò nû am fə̀ŋ tɛʼɛ, aŋghəa e bûʼ lo ko enyəa gwən e ughùe zɛʼɛ e kpuw dòʼò nù bòʼ bòo tɛʼɛ, Zuʼ tə̀ Zɔlɔ tə fughuu nù ghɛ â mùghù zo bòʼ enyəa Zə̀ kə̀ ŋ ghɛ̀ nî enyəa ghɛ̀ lo ghî a tsəghatsəgha gho.

Lumà 8:10 Iomraidhean Croise

Dzɔ̌n 14:23

Yɛso m bɛ̀lɛ̀ ndùw wə̄n enyəa, “Abugho ghùw ləghaa mugho, ù kì alebwiī aŋghəa Ǹ ləghaa a te, bəghà lo e ləghaa sugho wə̄n, ghàʼ kê bughò mughù ghàʼ à ghee.

Dzɔ̌n 15:5

Ǹ lo fəkâʼ, ghɛ̀ yia lo kwêe tò. Ghùw wəla ù lo ghàʼ à wə̄n alo kəfəgha kə mɔ̀ʼ, yìa Ǹ lô sugho ghàʼ à wə̄n, a lǒ wə̄n ù lò aleŋgeē mʉ utwam. Nu buw â mugho ù yo aleghə̂əŋ ghə̀a è li zo.

Dzɔ̌n 17:23

Yìa Ŋ̀ gɔ̂ŋlo enyəa mùghò è lo fəgha ko kə mɔ̀ʼ ghàʼ à ghee tò aŋghəa ghù lò fəgha ko kə mɔ̀ʼ ghàʼ ghù, enyəa ghe e tɔ̄ʼ ti tǒ ghùw u mɔ̀ʼ, to mbī lo zuūwkɛ̄lɛ̄ enyəa a mùghò tum wò ghù, àsùghò enyəa ghù ŋ ghe ləgha to aŋghəa ghù ləghaa mugho a te.

Dzɔ̌n 4:14

ghəla ghe lo kuūwn mʉā mùghù mə̀là Ǹ lo fughu â ghee, fə̀ŋ è m̀mùghu kê ghee kôom zùʼso kòʼ yò. Mùghù mə̀là Ǹ lo fughuu, n lo doʼò tsughu fədzughù a zəŋò ghee, fə tûuŋ səā kɔʼɔ̄, fughu sùghò ghee â mùghù è doʼn təla zo.”

Dzɔ̌n 6:54

Ghùw wəla ù pfʉ nyòm è ùghùe zaŋā, mʉ̀ sùghò kàŋ taŋa ki mughùu zəla e doʼò tən, Ǹ lo ghəŋlo ù kpuūw kɔʼɔ̄sə̄ alo evʉ̄ an tsuʼ fəla fə doʼò gûŋsò tsughu;

Dzɔ̌n 6:56

Ghùw wəla ù pfʉ nyòm è ùghùe zaŋā, vʉ̀a ù mʉ sughô kâŋ taŋa to lo ghàʼ à wə̄n, yìa Ǹ lo a zəŋò wə̄n.

Lumà 5:12

Bo e fə nyə wo am mbī mo e kaʼ tsughu a zəŋò ghùw u mɔ̀ʼ. Bo e te zə n nì wò è vʉ. Vʉ zə n ndàŋ nduw a zəŋo ghì ghò a dzə̀m am mbī bòʼ aghî a dzə̀m ma fə ghəəŋ bo zo.

Lumà 5:21

Tò aŋghəa daʼa kə ebo kə fə̀ nî wô vʉ zo, à lò sugho eghəla dzɔ̂ è Kəzə̀ è ki daʼa ko aleghəŋlo enyəa ghuw e lo tsəghatsəgha â wən alekele mùghù è doʼn təla zo am bàm e Yɛso Kə̀lestò Mughùbè ù sɛ̀.

Lumà 8:11

Abugho e kuuwn lô enyəa Zuʼ tə Zə̀ kəla kə fə̀ zôm nughu kɔʼ Yɛso alo evʉ lo nû a zəŋo ghɛ̀, e fi lo enyəa wə̄n wəla u mò zôm nughù wo Kə̀lestò Yɛso alo evʉ lo ghəəŋ nù ghue zɛʼɛ zəla e kpuūw lo kôm kele èmùghù, bòʼ Zuʼ tə Kə̀zə̀ təla tə lo a zəŋò ghɛ̀.

1 Kòlentìan 15:45

Zən lò e ghee ghe tɔm tsughu enyəa, “Ghùw ù sûesʉ, Adàm, m bùghò dòʼò wò ghùw wəlà ù mùghu am mbī.” Adàm wə̀ ebàm wən bùghò dòʼò wò Zuʼ tə Kəzə̀ təla tə fughuu mughù zò.

2 Kòlentìan 13:5

Lɛɛn tsughu nlò ghue zɛʼɛ zo ghɛ̀ koʼ enyəa ghɛ̀ naam gaʼ ko nǔ fə̀ŋ a zəŋò Kə̀lestò a. Mɔ̌ɔ kòʼo tsughu nlò ghue zɛʼɛ zo. Ghɛ̀ koʼòkɛ̀lɛ yo enyəa Yɛso Kə̀lestò lò a zəŋò ghɛ̀ à? À gɔ̀ʼɔ̀ mò ghɛ̀ mɔ̂m kè nù, kòʼ tsùghù enyəa ghɛ̀ m bvʉ̀ kòmlò!

2 Kòlentìan 4:11

Aŋ ghəa sɛ̀ lô â tuw ko, a lo ko fʉgha u evʉ̄ aŋ ghəa e Yɛso, enyəa to ghî à mô koʼò wô mùghùu e Yɛso aŋ gwə̀n e eghùe e sɛ̀ zəla e kpuūw.

2 Kòlentìan 5:21

Kə̀lestò mò ki yo bo è li zo, Zə̀ kə̀ ŋ ghəŋlo è tsughu ù n dòʼò tsùghu tò ghûw ù bǐigh bòʼ ghəa e sɛ̀, enyəa aŋghəa sɛ̀ à ghee təmdzəə̄ŋ kɔʼ, a ke e dzeŋe lo sugho tsəghatsəgha a vʉ̀a Zə̀ kò.

Gàlashìan 2:20

E fi lo ko to ghe mǒ ghàʼ à ghê Kə̀lestò təghāa dzəəŋ kɔʼ a dzə̀m alo kədàŋlo; à kòom yò dzə̂ mugho M̀ mughu, à lǒ Kə̀lestò ù mùghù a zəŋò mùghò. Mughùu zəla M̀ mughu êzə̄ŋ aŋ gwə̀n e ughùe, M̀ mughu ghè zò am fə̂ŋ zəla Ŋ̀ gaʼ tsughu a zəŋò Wɛ̀ ù Kə̀zə̀, wəla ù mò ləgha tsughu mugho, ù m fùghù ndùw tuw kə wə̄n aŋ ghəa zaŋā.

Efɛsùs 3:17

àsùghò enyəa Kə̀lestò e mughu am fə̂ŋ tɛʼɛ bòʼ boo zəla ghɛ̀ ki â wə̄n. Ŋ̀ gɔ̂ŋlò enyəa to ghaŋ ghɛʼɛ a mô nyəā məla tsughu an ləgha zəla ghɛ̀ ki â Zə̀ kò àsùghò aŋ ghuè zɛʼɛ̄.

Fèlepìan 1:23

M̀ fɛ êzəŋ ti an tsə̀tèʼè fə ghəa a te gho a bə̀ghà. Ŋ̀ ŋgee ləghaa nù alenùghù ndûw doʼò ndûw ghàʼ à Kə̀lestò, bòʼ e dzɔ̂ tsə̀ghà àghəa à dzə̀m — alendùw doʼò a vʉ̀a Yɛso.

Fèlepìan 3:9

mùghò è kuūm lo fəgha ko kə mɔ̀ʼ ghàʼ à wə̄n, də̀mà yò alelo tsəghatsəgha aŋ ŋgəŋ zaŋā, à yò dzə̂ alelo tsəghatsəgha enyəa Ǹ zûuw làŋ kə enaʼ ko. Mùghò êzə̄ŋ e lo tsəghatsəgha bòʼ boo zaŋā àsùghò fə̀ŋ zaŋa zəla Ŋ̀ gaʼ a zəŋò Kə̀lestò,

Kòloshìan 1:27

Zə̀ kə mò ləghaa enyəa ghe kele tsughu enyəa fɛ̀ɛn kə nàn kə eghəa kə wə̄n kən lò sugho â ghɛ̀ a Toʼò zò. Nàn kə eghəa kə te chia kə lo enyəa: Kə̀lestò lo ghɛ̀ à ghee. Ghəa ghən fɛ dèe enyəa ghɛ̀ lo kele sùghò nu kɔʼso mò tǒ Kə̀lestò.

1 Tɛ̀sàlonìan 4:16

Tɔŋlo enyəa, ghuūghùe u Mughu ù te kè sə̌a tsughuu wò alo kəwālā, ù bʉgha tsughu dzə̀ è tughu enyəa ghî ghəla ghe fə̀ kpuwnlo mo ghe boo fughu zôo wô. Ghe e ke zuuw nduw dzə̂ tə tuw kə tsə̀təndə̄ghā tə Kəzə̀ tò, mbəgha kə Kəzə̀ kə̀ kê kûu nyəā ndûw, ghî ghəla ghe fə̀ kpuwnlo mo ghe m boo fughu â Yɛso Kə̀lestò kè daŋso zôo wô dzə̂ èsə̄.

Hibùlù 12:23

Ghɛ̌ yia bugho an dzeŋe kə ghì ghəla ghe lo tò wɛ a Kəzə̀ a sʉ̀esʉ gho, ghî ghəla ghe lo alo eduʼnlo, ghəla ghe tɔm naŋa zən a ghee go alo kəwalā. Ghɛ̀ yia bùghò a vʉ̀a Zə̀ kəla kə saʼā ghî ghò a dzə̀m. Ghɛ̌ yia bugho a vʉ̀a ghì ghəla Zə̀ kə̀ ghəŋlo enyəa ghe kpeē tsughu ghî ghəla kə ləghaa enyəa ghe e lo ghè ghò.

Hibùlù 9:27

Ghuw kì ko alekpuw enəgha e mɔ̀ʼ, ghe n daŋso saʼ tsughu saʼ e wə̄n.

Edêe Fughu 14:13

Mùghò mo e daŋso zuw dzə̀ è lì è dzâa tsughu wo alo kəwālā enyəa, “Tɔm naŋa tsughu ghəa ghən gho: Dzɔ̀ lò ghî a kpuuwn ghəla ghe mò kpuw aŋ ghəa e Mughu ù te alenìi nughù tsughu êzəŋ.” Zuʼ tə Kəzə̀ tə̀ dzɛ̂ enyəa, “Dzɔ̀ kùm lò â ghee, enyəa to ghe mô zʉ̂ʉn tsughu am fwàʼ kəla ghe fwaʼ, nu fwàʼ kə ghee kə ndûw dzə̌əŋ ko ghèe ghee, dêe wò fəgha kəla ghe lo ghè kò.”