Bìoball air-loidhne

Lumà 7:7 - To kə Kəzə̀ kə̀ Fughu ko

⁷ A yia fɛ èzəŋ kə̂aa èndughō? À sò lo enyəa lâŋ kə̀ lo ebō ŋkāa? Ɛ̂ŋgaŋ, à dɔ̀m yò dzə̂ èzə̀. Zəa e kuuwn lô enyəa abugho à mò buw â làŋ kò mùgho mò sô ŋ kele yò fəgha kəla bo e lo ghè kò. Mùgho mò so Ŋ̀ kele dzə̂ yò enyəa sə à səa à lo ebo, abugho lâŋ kə̌ fə̀ taʼ kə̀ dzâa tsughu enyəa, “Kà â sə gho e səa am fʉgha u aghì.”

Faic an caibideil Dèan lethbhreac

dol air ais ⬆

Lumà 7:7
30 Iomraidhean Croise

Matìo 5:28

M̀ fɛ kuūwn dzàa wò nù â ghɛ̀ enyəa, ghùw wəla ù bùʼ lɛɛ̄n ndûw ko wìzən an sə è kəəŋ zo, ù fi sə nyə̀ŋè dzə̀ nù ghɛ̀ à wìzən ù te am fə̂ŋ è wə̄n.

Faic an caibideil

Lûk 12:15

Ù ŋ kòom dzɛ̀ ndùw â saʼ kə aghì chi ko enyəa, “Nì nlò ghôom zò, kǎ nlò â sə ghə e səa; nu à mùghù e ghûw è naaŋ yo ndə̀mà tə ufʉgha təla ù ki.”

Faic an caibideil

Lûk 20:16

Ù bùghò mìasò nǔ ghee a, ù daŋso nìi fughuu səā ndûw sum u te wo â ghì à nughù ghò.” Ghəa ghî yi zuw tsughu ghəa ghən, ghe mo enyəa, “Kà boo!”

Faic an caibideil

Kə̀fwàʼ 20:33

Ŋ̀ kaām ndzʉ tə ghûw tə̀ mbaaŋ nì kòʼ, ŋkāa kua u ghûw.

Faic an caibideil

Lumà 13:9

Lwâŋ wən enyəa, “Ghùw kì yo alesəā nûŋlò, ghùw kì yo alewī ghùw, ghùw kì yo aletsɔ̄ŋ, ghùw kì yo alenaŋa esə am fəgha kə ghûw.” Àsùghò lwâŋ ù li wə̄n u dzə̀m, à ghee kwu kɔlɔ kɔʼ lâŋ kən enyəa, “Ghù kì aleləgha ghùw wəla ù lo am bùghu zəghà tò aŋ ghəa ghù ləghaa ghue wʉ̀a wò a te.”

Faic an caibideil

Lumà 3:20

Zə̀ kə lo dzàa dzə̀ yò enyəa ghùw ù lì lò tsəghatsəgha bòʼ enyəa ù mò tɔʼɔ̀ naaŋ tsəghà lâŋ kò, nu lâŋ kə̀ ghəəŋ nù ghùw ŋ kele enyəa e ŋ ghəəŋ bo zo.

Faic an caibideil

Lumà 3:5

Ghî a li a lo nû aledzɛ̀ enyəa abugho a ghəəŋ boo zo, ghî ghə̀ n lo alekòʼ enyəa Zə̀ kə lo nû tsəghatsəgha. A lo nû aledzɛ̀ enyəa, Zə̀ kə ghəəŋ boon nù abugho kə dêe nʉgha u wən ù pfʉa wo a zəŋò sɛ̀ a? (Ŋ̀ ghəa ghən gho enyə kə̀aa an dziī è ghùw nsɔ̌ɔŋnchùw).

Faic an caibideil

Lumà 4:1

A lo aledzàa tsughu êndūghō kùu ndùw Abə̀làhâm, tsele ù ghê tsele ghaʼa a? Ù fə̀ zoʼn kele kɔʼ êndūghō?

Faic an caibideil

Lumà 4:15

Tɔŋlo enyəa, luʼu kəla lâŋ kə̀ lo a te, Zə̀ kə n dêe nʉ̀ghà u wə̄n u pfʉa wo a zəŋò ghì ghəla ghe bvʉ̂sò màʼn lâŋ kə te ko. A m bùghò luʼu kəla lâŋ kə̀ buw a te, ghù yò dzə̂ alezuw enyəa ghùw bvʉ̀ kə̀lâŋ fùghù èzə̀.

Faic an caibideil

Lumà 5:20

Ghəa lâŋ kə bugho am mbī, bo zə n kôom fəghan dùw e tsughu. A m bùgho bo ŋge dûw tsughu am mbī, dzɔ̂ e Kəzə̀ zə ŋ kuuwn tsə̀ghàsə̀ è tsughu.

Faic an caibideil

Lumà 6:15

A lo aledzàa tsughu êndughō êzəŋ a? À lò enyəa sɛ̀ ki aleghəəŋ nduw ko ghəa a biigh gho aŋghəa sɛ̀ sô kôom mughu yo a tsəla làŋ ko a, bòʼ a sô kuuwn mùghù an dzɔ̀ e Kəzə̀ à? Ɛ̂ŋgaŋ dzə̂!

Faic an caibideil

Lumà 7:11

Tɔŋlo enyəa lâŋ kə Kəzə̀ kə fə̀ fughu tsughu dzì â bo zo enyəa e nɔɔ̄ fughu mugho, zə ŋ ghəəŋ ko êzə̀ wì maʼà tsughu mugho.

Faic an caibideil

Lumà 7:13

À sò yia fi lo enyəa fəgha kə̀ dzûŋ kə̀ mò koōm ni wo mugho â vʉ zo a ŋkāa? Ɛ̂ŋgaŋ dzə, à fə̀ lo ebo e fə̀ nî wô vʉ zo a zəŋò mùghò a m bàm e kəlàŋ, mò à lò fəgha kə dzɔɔ̄ ko, aleghəŋlo enyəa Ŋ̀ kele fəgha kəla bo e biso lo ghè kò, to lâŋ kə Kəzə̀ kə̀ e lo aledèe fughuu wô enyəa bo e ŋge lo fɛ̀ɛn kə kəfəgha.

Faic an caibideil

Lumà 7:5

Tɔŋlo enyəa nəgha zəla sɛ̀ mò naam mughu mughù e mbī zo, a ŋ ki mmbuuw aleghəəŋ ghəa a biigh gho, mò à soʼn kɔʼɔ kəlâŋ enyəa a e fəghaan ghəəŋ ghəa à biigh a te gho. Sɛ̀ m fwaʼà fughuu ndùw â vʉ zo.

Faic an caibideil

Lumà 7:8

À kuuwn lò ko enyəa, lâŋ kə fughuu dzì â bo zo aleghəŋlo enyəa mùghò è səa â sə gho. Dèe êzə̀ abugho à mò buw â lâŋ kò, to bo e mò kì yo daʼa kə̀ li ko.

Faic an caibideil

1 Kòlentìan 15:56

Vʉ e daʼa kə wə̄n kə kele am bo zəla ghùw ghəə̄ŋ tsughuu. Lâŋ chia kə fughuu bo zo.

Faic an caibideil

Efɛsùs 5:3

Ezəŋ wəlà ghɛ̀ lô ghì a Kəzə̀ ghò, e nûŋlò, ghəa à dzəa ghən à dzə̀m à dzə̀m àsùghò kʉmè zò lǒ ŋgòʼ è ghə̀a ghəla a kôom ki dzə̂ yo aleniī bəla ko am bvʉa zɛʼɛ̀.

Faic an caibideil

Kòloshìan 3:5

Ghɛ̌ fi ki aleŋgəmso kûm tuū maʼà ghəa a mbī ghəla gwən e ughùe è ləghaa, ghəa a te a lo tǒ; ghəa à nuūŋ kaaŋ ghə eghùe ghò, àsùghò aleghəəŋ dzə̀adzə̀ tə aghəa to, àsùghò alemōʼn təla ko aleghəŋlo èbo, àsùghò enyəa ghue u ka e nughuun ghû abugho ghù kòʼ nduw wìzən ŋkāa wìnû, àsùghò alesəa â sə gho am fʉgha u mbī wo, mò à fi lo sugho tǒ zʉ̀ ù li wo ghî a kɔʼso.

Faic an caibideil

1 Tɛ̀sàlonìan 4:5

mò à yò dzə̂ tò aŋghəa ghî ghəla ghe kwo yo Zə̀ kò, ghe səā â sə gho aŋ ghəa ghəla yîzən a ghəŋlo.

Faic an caibideil

Hibùlù 7:19

Laŋ kə te kə fə̀ ghəəŋ dzə yo enyəa ghəa zə e dzɔɔ̄, aŋghəa e mô ki alelo a te. Ghe n dzì è dzùŋ zəla a lo alechìi tùʼ a te dê â sɛ̀, mo a lo aletsəgha a te alendùw a vʉ̀a Zə̀ kò.

Faic an caibideil

Lean sinn:

Ceanglaichean taic

Sanasan

Sanasan