Lumà 7:6 - To kə Kəzə̀ kə̀ Fughu ko

⁶ Yia kuuwn bugho ezəŋ, ghe n sɛ̀ am fàŋà kə kəlàŋ zê zə̀ghà, sɛ̀ èzəŋ e lo tò ghî à kpuuwn gho â fəgha kəla kə mò ki tsəgha daʼa ko a zəŋò ghɛ̀. Sə̀ kôom fwàʼà yo aŋghəa làŋ kə deē, sò kǔuwn mughu mùghù è fughu zəla Zuʼ tə̀ Zɔlɔ tə fughuu.

Lumà 7:6 Iomraidhean Croise

Lumà 1:9

Zə̀ kə̀ kwo nû enyəa ghəa ghəla a dzâa wò fɛ lò êsəŋò — Zə̀ kə̀là Ŋ̀ kɔʼso am fə̂ŋ zaŋa e dzə̀m aŋghəa Ǹ naʼn làbəlà e wə̄n e dzùŋ zən kùu ndùw Wɛ ù wə̄n, Kə kwò nû enyəa M̀ moʼn zěe nù ghɛ aŋ gɔ̀ɔŋ zaŋa nəgha tən tə dzə̀m.

Lumà 12:2

Kà nlo kôom mùghù dzə̀ an dzì zəla ghî a mbī a mughū a te, zə̀ghàa tsugu nlò tò Zə̀ kə̀ kuūwn kɔʼ fə̂ŋ tɛʼɛ, tò ghɛ̀ kele moʼnlò è fughu zo. Ghɛ̀ è ke lo aledaŋso kelê fəgha kəla Zə̀ kə̀ ləghaa ghè kò — ghɛ̀ e kwo ghəa è dzûŋ zò, zəla e lô tsəghatsəgha, àsùghò zəla e lo aleghəŋlo enyəa Zə̀ kə̀ e duʼnlo a te.

Lumà 6:11

An dzîi è mɔ̀ʼɔ, a lò sugho êzə̀ vʉ e kôom ki yo daʼa ko a zəŋò ghɛ̀, ghɛ̌ êzəŋ e kuuwn mughu â Zə̀ kò aŋghəa ghɛ̀ lô fəgha ko kə mɔ̀ʼ ghɛ̀ à ghê Kə̀lestò Yɛso.

Lumà 6:19

Ŋ̀ ghəa ghən fɛ â ghɛ̀ kə̂aa wo tò ghùw nsɔ̌ɔŋnchùw, tɔŋlo enyəa ghəa à li a lo nû a tughuu â ghùw alezuūwkɛlɛ. À fə̀ bugho an tì kə̀ li ko, ghɛ̀ n nì kɔ̀ʼ ghùe zɛʼɛ naŋa tsughu tò ukɔ̂ aleghəəŋ kaaŋ tsə̀ghà dzə̀adzə̀ tə aghəa to àsùghò ndə̀mà tə ghəa a biigh to a te. An ndziī è mɔ̀ʼɔ è te, ghɛ ni kɔʼ sugho ghue zɛʼɛ zo e dzə̀m tò ukɔ̂ aleghəəŋ ghəa ghəla a lǒ tsəghatsəgha, ghəla a ghəŋlo enyəa ghùw e zɔlɔ.

Lumà 6:2

Ɛ̂ŋgaŋ dzə̂! Abugho à lò aleghəŋlo ebo, sɛ̀ êzəŋ e lo tò ghî a kpuuwn gho. E fi lo enyəa sɛ̀ kôom ki yo alenaam mughu nduw ko alo ebō.

Lumà 6:22

À sò kuuwn lò ko enyəa êzəŋ wəla ghe lo mo ghe ŋ ghɛ am fàŋa kə təbòo kə̀ zê zə̀ghà, ghɛ̀ yia lô kɔ̂ wò â Zə̀ kò, namso kɛʼɛ kə lo mughù è zɔlɔ zo. Ghəa a te a nîi wò mùghù è doʼn təla zo.

Lumà 6:4

Mùghù ŋ Kə̀zə̀ məla ghe fə̀ fughu â sɛ̀ fə̌ fi lo ko to ghe tsəla dzəəŋ ndùw sɛ̀ à ghê Kə̀lestò to ghî a kpuuwn gho, enyəa to sɛ̀ mô mùghù sugho mughù è fughu zo to aŋghəa Tsele ù te fə̀ zôm nughu kɔʼ Yɛso alo evʉ̄ am fɛ̀ɛn kə kədaʼa kə wə̄n.

Lumà 7:1

Waazə̂ ghaŋa gho, ghɛ̀ kwo nû lâŋ kò. À lǒ mò ghɛ̀ məghaa nù enyəa lâŋ kə̀ ki ko kədaʼa a zəŋò ghùw an nə̀gha zəla ghùw ù te naām lo â tuw ko a?

Lumà 7:2

Zə̀ lò e ghee wizən wəla ù ki num ki alebɔɔm lo ko ghee num ù wə̄n abugho num nāam lô dzə â tuw ko; mò à kuuwn lò enyəa num ù te m kpuw, lâŋ kə te kə ŋ kôom gěen yo wìzən ù te ghè num ù wə̄n u te.

Lumà 7:4

Waazə̂ ghaŋa gho, à lò sugho ghəa è mɔʼɔ zo â ghɛ̀, ghɛ̀ êzəŋ e lo tò ghî a kpuuwn gho abugho e bugho alo kəlàŋ am vʉ zəla Kə̀lestò fə̀ kpuw ghè zò. Sɛ̀ êzəŋ e ndzə̂əm lo ghî a ghûw wəla ghe fə̀ zôm nughù kɔʼ alo evʉ̄, tò sɛ̀ è lo ghî ghəla mughù e ghee e fughuu kɔʼso mò â Zə̀ kò.

2 Kòlentìan 3:6

À lǒ wə̄n ù ghəə̄ŋ tsughu enyəa ghàʼ kɔʼɔ̄kpē, tò ghàʼ e fwaʼā a tsəlà kàa m fughu mò. Ghe kâ kàa m fughu n te ndòʼ tɔm naŋa am mwàʼsò kə̀ li ko, mo e bugho aŋ ghəa a Shʉ̀ghà ù Kəzə̀; tɔŋlo enyəa kàa məla ghe tɔm nû wǐi ghuw, Shʉghà u te u kuuwn ghəŋlo enyəa ghùw è mughu.

2 Kòlentìan 5:17

Ghùw wəla ù lò fəgha ko kə mɔ̀ʼ ghèe Yɛso Kə̀lestò, ù fi lo ghûw ù fughu; ghəa à wii ghə n tsə̀ghà mìaa, à fughu yia a bugho.

Gàlashìan 3:13

Kə̀lestò mafə tuw kə sɛ̀ kə̀ zue sə̀ wò aŋ ghùu tsù u kəlàŋ wò aŋghəa ù mò doʼò ndûw ghî fə kəlòʼ an tuw kə sɛ̀; nu ghe tɔm naŋa am mwàʼsò kə Kəzə̀ enyəa, “Ghùw wəla ghe təghàa naŋa kɔʼ alo fəkà, à lǒ ghî fə kəlòʼ.”

Gàlashìan 6:15

Ghəa è li e ndôʼ yò, ka ghe sugho tigh kə ghûw kò ŋkāa ghe taʼkè sugho; ghəa è səŋò è lo ko enyəa sɛ̀ n ghì à fughu a doʼò.

Efɛsùs 4:24

Ghɛ ki alemughu to ghî à fughu gho, tò ghî ghəla Zə̀ kə̂ mò bɔm tsughu enyəa ghe e lo tǒ wə̄n, ghɛ̀ e kum lo tsəghatsəgha, zɔlɔ sùghò aŋ ghəa ghɛʼɛ̄ à ghəəŋ gho.

Fèlepìan 3:3

Tɔŋlo enyəa sɛ̀ fɛ lǒ tò ghî ghəla ghe lo mo ghe n twii u ghee wo u dzə̂əm sugho, ghî ghəla ghe kɔʼso Zə̀ kò mò à ghe â daʼa kə fughuu wò Zuʼ tə̀ Zɔlɔ to am bàm e Kə̀lestò Yɛso,

Kòloshìan 3:10

Zə̀ kə̀ ŋ ghəŋlo enyəa ghɛ̀ doʼo ghî à fughu gho, dòʼn wò sùghò tǒ ghee, zoʼn kele mɛ̀ʼn wò sùghò ghùw wəla e lo ghè wò.