Lumà 7:5 - To kə Kəzə̀ kə̀ Fughu ko

⁵ Tɔŋlo enyəa nəgha zəla sɛ̀ mò naam mughu mughù e mbī zo, a ŋ ki mmbuuw aleghəəŋ ghəa a biigh gho, mò à soʼn kɔʼɔ kəlâŋ enyəa a e fəghaan ghəəŋ ghəa à biigh a te gho. Sɛ̀ m fwaʼà fughuu ndùw â vʉ zo.

Lumà 7:5 Iomraidhean Croise

Matìo 15:19

Nu à am fə̂ŋ è ghùw bɔɔm səa kɔʼɔ wò ko mòʼnlò e biigh zo, àsùghò ghəa à biigh à li gho tǒ alewinlo àghì, alesəa nuŋlo, aleghəəŋ kaaŋ dzə̀adzə̀ tə aghəa tə̀ li to, aletsɔŋɔ, alemaʼn kaaŋ nùʼ tò àsùghò fom to.

Dzɔ̌n 3:6

Ghê a tsele sɛ̀ ghèe ghê zə̀ a sɛ̀ dzə̌a tsughûu ŋgwə̄n e ughùe, Zuʼ tə Kəzə̀ tia kuūwn fughuu Zuʼ to.

Lumà 1:26

Zən lò e ghee Zə̀ kə̀ zəghà tsughu ghee enyəa ghe e ghəəŋ nduw dzə̀adzə̀ tə aghəa təla ghe ləghaa aleghəŋlo. Yîzən a ghee yia nuŋù ghue zo aŋ ghùe e ghee, mo ghe ki yo aleghəŋlo êzə.

Lumà 3:20

Zə̀ kə lo dzàa dzə̀ yò enyəa ghùw ù lì lò tsəghatsəgha bòʼ enyəa ù mò tɔʼɔ̀ naaŋ tsəghà lâŋ kò, nu lâŋ kə̀ ghəəŋ nù ghùw ŋ kele enyəa e ŋ ghəəŋ bo zo.

Lumà 4:15

Tɔŋlo enyəa, luʼu kəla lâŋ kə̀ lo a te, Zə̀ kə n dêe nʉ̀ghà u wə̄n u pfʉa wo a zəŋò ghì ghəla ghe bvʉ̂sò màʼn lâŋ kə te ko. A m bùghò luʼu kəla lâŋ kə̀ buw a te, ghù yò dzə̂ alezuw enyəa ghùw bvʉ̀ kə̀lâŋ fùghù èzə̀.

Lumà 5:20

Ghəa lâŋ kə bugho am mbī, bo zə n kôom fəghan dùw e tsughu. A m bùgho bo ŋge dûw tsughu am mbī, dzɔ̂ e Kəzə̀ zə ŋ kuuwn tsə̀ghàsə̀ è tsughu.

Lumà 6:13

E kwo ko ghùw wɛʼɛ lò so e nîi kɔ̀ʼɔ̂ bà kə ughùe kə wən kə̀ li ko ù naŋā tsughu tò fəgha kə kəfwàʼ kə ebō. Laam fùghù nduw nlò ghùe zɛʼɛ zo â Zə̀ kò, tò ghî ghəla ghe baāŋ nughù sə tsughu aŋ ghu kə evʉ, naŋa wò ghee â tuw ko enyəa ghɛ̀ e mughu mùghù è fughu zo. Naŋa tsughu nlò ghùe zɛʼɛ zo e dzə̀m zə elo tò fəgha kə kəfwàʼ kə Kəzə̀ kəla kə lô tsəghatsəgha.

Lumà 6:19

Ŋ̀ ghəa ghən fɛ â ghɛ̀ kə̂aa wo tò ghùw nsɔ̌ɔŋnchùw, tɔŋlo enyəa ghəa à li a lo nû a tughuu â ghùw alezuūwkɛlɛ. À fə̀ bugho an tì kə̀ li ko, ghɛ̀ n nì kɔ̀ʼ ghùe zɛʼɛ naŋa tsughu tò ukɔ̂ aleghəəŋ kaaŋ tsə̀ghà dzə̀adzə̀ tə aghəa to àsùghò ndə̀mà tə ghəa a biigh to a te. An ndziī è mɔ̀ʼɔ è te, ghɛ ni kɔʼ sugho ghue zɛʼɛ zo e dzə̀m tò ukɔ̂ aleghəəŋ ghəa ghəla a lǒ tsəghatsəgha, ghəla a ghəŋlo enyəa ghùw e zɔlɔ.

Lumà 6:21

Alebùʼù nîi tsughu, namso kɛʼɛ kə mò lo kwò aŋ ghəa à biigh ghəla ghɛ̀ mò buʼù ghəəŋ tsəghà a, mo a ghəŋlo enyəa ghɛ̀ e ki tuw dəla ko êzəŋ a? Ghəa a te lo ko aletɔŋɔ wo evʉ.

Lumà 6:23

Ghɛ̀ kele tsughu enyəa, namso kəla ghùw kele am bo zəla ù ghəə̄ŋ tsughu lò evʉ, Zə̀ chia kə kuuwn tsôo ndzə̂əm fughuu ko mughù è doʼn təla zo am bàm e Kə̀lestò Yɛso, Mughùbè ù sɛ̀.

Lumà 7:23

Yìa à sò kuūwn lô ko enyəa lâŋ kə̀ nughù kə̀ lo nû kə zughù kaāŋ tsəgha a zəŋò mùghò ghèe kəla Ŋ̀ gaʼ fə̀ŋ zaŋa a te, mo lâŋ kə te kə ghəəŋ nù yìa Ǹ doʼn ndûw kɔ̂ kô â bo zo.

1 Kòlentìan 15:56

Vʉ e daʼa kə wə̄n kə kele am bo zəla ghùw ghəə̄ŋ tsughuu. Lâŋ chia kə fughuu bo zo.

2 Kòlentìan 10:3

Sɛ̀ kpuwso mùghù ko nû fɛ am mbī, sɛ̀ kuuwn təma yo tsàm è sɛ̀ aŋghəa ghî a mbī a təma è ghee a te.

Gàlashìan 3:10

Ghî ghəla ghe moʼò enyəa ghe kê lò tsəghatsəgha a vʉ̀a Zə̀ kò bòʼ ghe naāŋ dzə̂ lâŋ kò, à lo ghî ghəla Zə̀ kə lo dzûuw maʼn ghee; nu ghe tɔm naŋa am Mwàʼsò kə Kəzə̀ enyəa, “Ghùw wəla ù tɔ̀ʼɔ̀ bwîi mɛʼn yo aŋ ghəa ghən à dzə̀m ghe tɔm naŋa am Mwàʼsò kə Kəlàŋ, vʉ fi lo ghùw wəla ghe lo dzûuw maʼnlo.”

Gàlashìan 5:24

Ghî ghəla ghe lô ghî a Kə̀lestò Yɛso ghò, ghe lo ko to ghe n təghàa nàŋa gwən e ughùe e ghee zo alo kədàŋlo àsùghò laan tə aghəa təla gwən e ughùe e ghee e ləghaa.

Efɛsùs 2:11

Ghe mò ghɛ dzə wo tò Etoʼò; Tə̀dzûu, ghî ghəla ghe mò sugho tigh kə wɛ ko n tɔɔŋ ghɛ̀ enyəa, “Ghî ghəla ghe sugho yô tigh kə wɛ ko.” Mo ghəa a te a tsô lò ko ghəa ghəla ghùw ghəə̄ŋ tsughuu aŋ gwə̀n e ughùe.

Efɛsùs 2:3

Sɛ̀ a dzə̀m mafə mughù sùghò tǒ ghee, aŋghəa gwən e ughùe e ghûw è ləghaa aŋ ki sugho moʼnlò è biigh zo tǒ ghee. È li lo enyəa ghe mǒ sɛ̀ dzə tò ghî ghəla Zə̀ kə̀ ki aledè nʉ̀ghà u wə̄n u pfʉa wo a zəŋò ghee, tò aŋghəa kə ghəŋlo â ghì ghən a dzə̀m.

Kòloshìan 3:5

Ghɛ̌ fi ki aleŋgəmso kûm tuū maʼà ghəa a mbī ghəla gwən e ughùe è ləghaa, ghəa a te a lo tǒ; ghəa à nuūŋ kaaŋ ghə eghùe ghò, àsùghò aleghəəŋ dzə̀adzə̀ tə aghəa to, àsùghò alemōʼn təla ko aleghəŋlo èbo, àsùghò enyəa ghue u ka e nughuun ghû abugho ghù kòʼ nduw wìzən ŋkāa wìnû, àsùghò alesəa â sə gho am fʉgha u mbī wo, mò à fi lo sugho tǒ zʉ̀ ù li wo ghî a kɔʼso.

Taetùs 3:3

M̀ fɛ dzàa tɔŋlo enyəa an tì kə̀ li ko ghue e ughùe e sɛ̀, sɛ̌ fə̀ buʼ lo ghî à laʼso gho, sɛ̀ n zuuw yo â Zə̀ kò, ghəəŋ boon sùghò àghəa, ghe n sè məŋso sùghò sɛ̀, sɛ̀ m fə̀n dòʼò ndùw ùkɔ̀ a bâa fʉgha u mbī wo. Sɛ̀ m mughu aŋ kə̀f kə ebō, ki sugho kəmʉ̀nlo am fʉgha ù aghì. A m bâa ghì ghə̀n àdzə̀m, ghî ghə̀n à dzə̀m m bâa sùghò sɛ̀.

Dzɛ̂ms 1:15

Abugho ghùw tsə̀ghà təŋò tsughu am mòʼnlò e wə̄n è biigh zo, ghəa a te yia nyə tughu tsughu a zəŋò wə̄n, ù ŋ ghəəŋ tsughu ebo, a m bùghò bo e te zə a e tsə̀ghàsə bəŋ ko, vʉ zə n nì ghùw ù te.

Dzɛ̂ms 4:1

À ghə̌əŋ tsə̀ghà kə̀ kwò enyəa ghɛ̀ è təma tsàm aŋ ghùe zɛʼɛ̄ à, zùghù sùghò a? À lò ləgha zəla ghɛ̀ ki am fʉgha u mbī u ghəŋlo enyəa ghɛ̀ e tema tsàm aŋ ghue zɛʼɛ.

1 Dzɔ̌n 3:4

Ghùw nsɔ̌ɔŋnchùw wəla ù ghəə̄ŋ tsughu bo zo, ù fi zaʼ kəlâŋ, tɔŋlo enyəa aleghəŋlo ebo lo alezaʼ kəlâŋ.