Biblia Todo Logo
Bìoball air-loidhne

- Sanasan -




Lumà 7:18 - To kə Kəzə̀ kə̀ Fughu ko

18 Ŋ̀ kwo nû enyəa ghəa e dzûŋ e li yo dzə̂ am fə̂ŋ zaŋa, tɔɔŋ mùghò tǒ ghùw wə nsɔ̌ɔŋnchùw. Nù Ŋ̀ ki nû moʼnlò e te zo aleghə̂əŋ ghəa e dzûŋ zò, mùghò ŋ kuuw yò aleghə̂əŋ ghəa e te zo.

Faic an caibideil Dèan lethbhreac




Lumà 7:18
31 Iomraidhean Croise  

Nu à am fə̂ŋ è ghùw bɔɔm səa kɔʼɔ wò ko mòʼnlò e biigh zo, àsùghò ghəa à biigh à li gho tǒ alewinlo àghì, alesəa nuŋlo, aleghəəŋ kaaŋ dzə̀adzə̀ tə aghəa tə̀ li to, aletsɔŋɔ, alemaʼn kaaŋ nùʼ tò àsùghò fom to.


Abugho ghɛ̀ â biigh ghən laam fughuu fʉgha ù dzûŋ wò â wɛ ghɛʼɛ̄ gho, à è səasəa tsele wɛʼɛ alo Kəwālā, ù bòʼò lò alefughu ênzə̂n Zuʼ tə̀ Zɔlɔ to â ghì ghəla ghe nɔe tsughùu à?”


Ghê a tsele sɛ̀ ghèe ghê zə̀ a sɛ̀ dzə̌a tsughûu ŋgwə̄n e ughùe, Zuʼ tə Kəzə̀ tia kuūwn fughuu Zuʼ to.


Ghɛ̀ dzəla kele tsughu Mughu ù te Yɛso Kə̀lestò a zəŋò ghɛ̀ tò təndzʉ, àsùghò enyəa e kwo ko ghɛ̀ lô naāŋ tuw ko aŋ ghəa ghəla gwən e ughùe e zɛʼɛ e ləghaa enyəa ghɛ̀ e ghəŋlo.


M̀ buʼu zǔuwkɛlɛ yo ghəa ghaŋa à gho, nu Ŋ̀ ghəəŋ yo ghəa zəla M̀ bughoo mùghò n ləghaa aleghəəŋ ghè zo, mùghò ŋ kuuwn ghəəŋ ghəla M̀ bɛ̂ buʼ.


Tɔŋlo enyəa Ŋ̀ ghəəŋ dzə̀ yò ghəa a dzûŋ ghə̀là M̀ bugho mùghò n ləghaa aleghəəŋ ghè ghò. Mùgho ŋ kuuwn ghə̂əŋ bo zəla Ǹ ləghaa yo aleghəŋlo.


Zɔ̀ɔŋ kə̀ lo â Zə̀ kò, kəla kə lo alebəghaasə mugho a m bàm e Yɛso Kə̀lestò Mughùbè ù sɛ̀! À fi lo enyəa mùghò am moʼn zaŋa, M̀ fughuu nu kɔʼso mò â làŋ kə Kəzə̀ kò. À m bùghò Ǹ lo an ghùe waŋa mùghò m bwîi nduw an daʼa kə ebō.


Tɔŋlo enyəa nəgha zəla sɛ̀ mò naam mughu mughù e mbī zo, a ŋ ki mmbuuw aleghəəŋ ghəa a biigh gho, mò à soʼn kɔʼɔ kəlâŋ enyəa a e fəghaan ghəəŋ ghəa à biigh a te gho. Sɛ̀ m fwaʼà fughuu ndùw â vʉ zo.


Ghəa à laan ghəla gwən e ughùe è ləghaa enyəa to ghùw mò ghəŋlo boom dzəəŋ yo ghèe ghəla Zuʼ tə Zɔlɔ tə ləghaa. Ghəlā Zuʼ tə̀ Zɔlɔ tə ləghaa enyəa to ghùw mò ghəŋlo boom dzəəŋ sùghò yò ghèe ghəla gwən e ughùe e ghûw è ləghaa. Ghəa a te gho a bə̀ghà bwìi dzə̀ yò fwən wo. Êzə̀, ghəa a te a ghəəŋ nù ghɛ̀ yo aleghə̂əŋ ghəa à dzûŋ ghə̀là ghɛ̀ mô moʼò aleghəŋlo.


Ghî ghəla ghe lô ghî a Kə̀lestò Yɛso ghò, ghe lo ko to ghe n təghàa nàŋa gwən e ughùe e ghee zo alo kədàŋlo àsùghò laan tə aghəa təla gwən e ughùe e ghee e ləghaa.


Nu Zə̀ kə̀ fwaʼà a zəŋò ghɛ̀ aleghəŋlo enyəa ghɛ̀ è ki zǐi alefwaʼā fwàʼ kə Wə̄n ko, bwìi sùghò an làŋ kə Wə̄n


Ǹ dzâa dzə̀ yò enyəa, mùghò m bəla e te e kele, ŋkāa mùghò n daŋso dòʼò tsəghatsəgha, Ŋ̀ kuuwn naām də̀mà nù aleghəŋlo enyəa bəla e te e doʼò è zaŋa zo, tɔŋlo enyəa Kə̀lestò Yɛso maā ghəŋlo enyəa Ǹ doʼò fəgha kə wə̄n.


M̀ fɛ dzàa tɔŋlo enyəa an tì kə̀ li ko ghue e ughùe e sɛ̀, sɛ̌ fə̀ buʼ lo ghî à laʼso gho, sɛ̀ n zuuw yo â Zə̀ kò, ghəəŋ boon sùghò àghəa, ghe n sè məŋso sùghò sɛ̀, sɛ̀ m fə̀n dòʼò ndùw ùkɔ̀ a bâa fʉgha u mbī wo. Sɛ̀ m mughu aŋ kə̀f kə ebō, ki sugho kəmʉ̀nlo am fʉgha ù aghì. A m bâa ghì ghə̀n àdzə̀m, ghî ghə̀n à dzə̀m m bâa sùghò sɛ̀.


A m bùghò ù ghəŋlo êzə̀, ù n lo alemùghù mùghù è wə̄n e dzə̀m am mbī aŋghəa Zə̀ kə̀ ləghaa, mò à yò dzə̂ aŋghəa gwən e ughùe è ləghaa.


Lean sinn:

Sanasan


Sanasan