Lumà 6:4 - To kə Kəzə̀ kə̀ Fughu ko

⁴ Mùghù ŋ Kə̀zə̀ məla ghe fə̀ fughu â sɛ̀ fə̌ fi lo ko to ghe tsəla dzəəŋ ndùw sɛ̀ à ghê Kə̀lestò to ghî a kpuuwn gho, enyəa to sɛ̀ mô mùghù sugho mughù è fughu zo to aŋghəa Tsele ù te fə̀ zôm nughu kɔʼ Yɛso alo evʉ̄ am fɛ̀ɛn kə kədaʼa kə wə̄n.

Lumà 6:4 Iomraidhean Croise

Dzɔ̌n 11:40

Yɛso n dzɛ̀ enyəa, “Ŋ̀ ka mò dzɛ̀ â ghɛ̀ enyəa abugho ghɛ̀ boō tsughu dzə a, ghɛ so koʼ daʼa kə Kəzə̀ kò à?”

Dzɔ̌n 2:11

Zən fə̀ lo tsə̌a è Yɛso è sûesʉ u fə̀ dê tsughu aŋ Kanàn an naʼ e Galèlîi, dè kɔ̀ʼ sùghò dwaʼa u wə̄n; tsə̀təndə̄ghā tə wə̄n tə m boo fughu tsughu â wə̄n.

Kə̀fwàʼ 2:24

Zə̀ kə̀ ŋ kwuun zè zə̀ghàa tsùghu wə̄n am fàŋà kə evʉ̄, nì nùghù kɔ̌ʼ wə̄n alo evʉ̄, tɔŋlo enyəa vʉ e kaā kɔʼ kpè dzə̀ alenì wə̄n.

Kə̀fwàʼ 2:32

Zə̀ kə̀ maā Yɛso wən zôm nì nùghù kɔ̀ʼ, ghàʼ ghən à dzə̀m fɛ ti ko aŋ ghəa e te zo.

Lumà 6:19

Ŋ̀ ghəa ghən fɛ â ghɛ̀ kə̂aa wo tò ghùw nsɔ̌ɔŋnchùw, tɔŋlo enyəa ghəa à li a lo nû a tughuu â ghùw alezuūwkɛlɛ. À fə̀ bugho an tì kə̀ li ko, ghɛ̀ n nì kɔ̀ʼ ghùe zɛʼɛ naŋa tsughu tò ukɔ̂ aleghəəŋ kaaŋ tsə̀ghà dzə̀adzə̀ tə aghəa to àsùghò ndə̀mà tə ghəa a biigh to a te. An ndziī è mɔ̀ʼɔ è te, ghɛ ni kɔʼ sugho ghue zɛʼɛ zo e dzə̀m tò ukɔ̂ aleghəəŋ ghəa ghəla a lǒ tsəghatsəgha, ghəla a ghəŋlo enyəa ghùw e zɔlɔ.

Lumà 6:3

À lǒ mò ghɛ̀ məghaa nù enyəa sɛ̀ a dzə̀m ghəla ghe mò fughu tsughu sɛ̀ â mùghù ŋ Kə̀zə̀ mò enyəa sɛ̀ doʼò kə fəgha kə mɔ̀ʼ sɛ̀ à ghê Kə̀lestò Yɛso fə̌ fi lo aledèe tsughu enyəa sɛ̀ mafə kpuw dzəŋlo sɛ̀ a ghê Kə̀lestò.

Lumà 6:8

Aŋghəa sɛ̀ lo mò sɛ̀ maā kpuw dzəəŋ sɛ̀ à ghê Kə̀lestò, sɛ̀ kûm kwò nû enyəa sɛ̀ à ghee lo dzeŋe mùghùun sùghò nù.

Lumà 6:9

Tɔŋlo enyəa sɛ̀ kwo nû enyəa ghəa ghəla ghe fə̀ zôm nughù kɔʼ dzə Kə̀lestò alo evʉ̄, ù kè kòom kpuw kòʼ yò, nu vʉ e kôom ki yo daʼa ko a zəŋò wə̄n.

Lumà 7:6

Yia kuuwn bugho ezəŋ, ghe n sɛ̀ am fàŋà kə kəlàŋ zê zə̀ghà, sɛ̀ èzəŋ e lo tò ghî à kpuuwn gho â fəgha kəla kə mò ki tsəgha daʼa ko a zəŋò ghɛ̀. Sə̀ kôom fwàʼà yo aŋghəa làŋ kə deē, sò kǔuwn mughu mùghù è fughu zəla Zuʼ tə̀ Zɔlɔ tə fughuu.

Lumà 8:11

Abugho e kuuwn lô enyəa Zuʼ tə Zə̀ kəla kə fə̀ zôm nughu kɔʼ Yɛso alo evʉ lo nû a zəŋo ghɛ̀, e fi lo enyəa wə̄n wəla u mò zôm nughù wo Kə̀lestò Yɛso alo evʉ lo ghəəŋ nù ghue zɛʼɛ zəla e kpuūw lo kôm kele èmùghù, bòʼ Zuʼ tə Kə̀zə̀ təla tə lo a zəŋò ghɛ̀.

1 Kòlentìan 6:14

Zə̀ kə̀ mafə Mughu ù te alo evʉ̄ zôm nùghù wò an daʼa kə wə̄n, ù lo zòo nùghùun wò sùghò nǔ sɛ̀.

2 Kòlentìan 13:4

Aŋghəa ghe mò bûʼ təghàa ko Kə̀lestò mò ù kì yo daʼa ko, vʉ̀a ù kuuwn lô â tuw ko an daʼa kə Kəzə̀. Ghàʼ ki sugho yo daʼa ko aŋghəa ghàʼ lo alo kəfəgha kə mɔ̀ʼ ghàʼ à ghee, yia a bugho aŋ ghəa zɛʼɛ̄, ghàʼ lo doʼn wò â tuw ko ghàʼ à ghee an daʼa kə Kəzə̀.

2 Kòlentìan 5:17

Ghùw wəla ù lò fəgha ko kə mɔ̀ʼ ghèe Yɛso Kə̀lestò, ù fi lo ghûw ù fughu; ghəa à wii ghə n tsə̀ghà mìaa, à fughu yia a bugho.

Efɛsùs 4:17

Tɔ̀ʼɔ naŋa wò nlò tuūŋ ko an tsʉ̀ zəla Ǹ tsʉ̂a wô ghɛ fɛ a te an daʼa kə Mughu u te, enyəa, ghɛ̀ ka kôom mùghù dzə̀ ŋgòʼ è mùghù zəla Toʼò e mughu ghè zo, nu ghe moʼn təla ko ghəa ghəla a kwuū yô ghəa zo.

Efɛsùs 5:8

tɔŋlo enyəa ghuūghùe zɛʼɛ̄ e fə̀ buʼū lo tsəgha alo kələ̄m, ghɛ̀ yia lo mò ghɛ̀ n sə teme wò an tsə̂ êzəŋ aŋghəa ghɛ̀ à ghê Mughu ù te lô fəgha ko kə mɔ̀ʼ. E ghəəŋ nduw nlò ghəa ghɛʼɛ gho tò ghî ghəla ghe lo mo ghe n sə tēe wò an tsə̂.

Kòloshìan 3:10

Zə̀ kə̀ ŋ ghəŋlo enyəa ghɛ̀ doʼo ghî à fughu gho, dòʼn wò sùghò tǒ ghee, zoʼn kele mɛ̀ʼn wò sùghò ghùw wəla e lo ghè wò.

Kòloshìan 4:1

Yia a bugho ghɛ ghê mughùbè ghəla ghɛ̀ ki kɔ̂ wò, ghɛ̀ ki aleghəəŋ nduw ghəa ghəla a lô tsəghatsəgha â ghee, kwuu kele sùghò ghee aŋ ghù kə̀dzûŋ kò, bòʼ ghɛ̀ kwo nû enyəa ghɛ̀ ki sugho Mughùbè wɛʼɛ wəla ù lò alo kəwālā.

1 Pità 3:21

Fʉ̀ghàdzughù tən fɛ dêe mùghù ŋ Kə̀zə̀ məla ghe fughu â ghɛ̀, mìa m bəghaasəa ghɛ, mò à yò dzə̂ tǒ ghùw lò sûuw maʼn tsughu ghue wo a te; a kǔuwn lǒ dzì â ghɛ̀ aleto kətō am fə̀ŋ tə̀ zɔlɔ to â vʉ̀a Zə̀ kò. À ghɛ̀ êzə̄ŋ e bəghaasəa kpuūw kɔʼɔsə e Yɛso Kə̀lestò alo evʉ.

1 Dzɔ̌n 2:6

Ghî ghəla ghe dzɛ̂ enyəa ghe lo alo kəfəgha kə mɔ̀ʼ ghèe ghê Zə̀ kò kì alebɔɔ̄m bwii ko aŋ ghùw kə ebwìi kè Yɛso Kə̀lestò.