Lumà 6:2 - To kə Kəzə̀ kə̀ Fughu ko

² Ɛ̂ŋgaŋ dzə̂! Abugho à lò aleghəŋlo ebo, sɛ̀ êzəŋ e lo tò ghî a kpuuwn gho. E fi lo enyəa sɛ̀ kôom ki yo alenaam mughu nduw ko alo ebō.

Lumà 6:2 Iomraidhean Croise

Lûk 20:16

Ù bùghò mìasò nǔ ghee a, ù daŋso nìi fughuu səā ndûw sum u te wo â ghì à nughù ghò.” Ghəa ghî yi zuw tsughu ghəa ghən, ghe mo enyəa, “Kà boo!”

Lumà 5:11

À kà yò ko ezə̀, a ki sugho nû duʼn zo â Zə̀ kò bôʼ Yɛso Kə̀lestò, Mughùbè u sɛ̀ wəla ù ghəəŋ tsughu sɛ̀ yia a lò fən gho sɛ̀ à ghê Zə̀ kò.

Lumà 6:15

A lo aledzàa tsughu êndughō êzəŋ a? À lò enyəa sɛ̀ ki aleghəəŋ nduw ko ghəa a biigh gho aŋghəa sɛ̀ sô kôom mughu yo a tsəla làŋ ko a, bòʼ a sô kuuwn mùghù an dzɔ̀ e Kəzə̀ à? Ɛ̂ŋgaŋ dzə̂!

Lumà 7:4

Waazə̂ ghaŋa gho, à lò sugho ghəa è mɔʼɔ zo â ghɛ̀, ghɛ̀ êzəŋ e lo tò ghî a kpuuwn gho abugho e bugho alo kəlàŋ am vʉ zəla Kə̀lestò fə̀ kpuw ghè zò. Sɛ̀ êzəŋ e ndzə̂əm lo ghî a ghûw wəla ghe fə̀ zôm nughù kɔʼ alo evʉ̄, tò sɛ̀ è lo ghî ghəla mughù e ghee e fughuu kɔʼso mò â Zə̀ kò.

Lumà 7:6

Yia kuuwn bugho ezəŋ, ghe n sɛ̀ am fàŋà kə kəlàŋ zê zə̀ghà, sɛ̀ èzəŋ e lo tò ghî à kpuuwn gho â fəgha kəla kə mò ki tsəgha daʼa ko a zəŋò ghɛ̀. Sə̀ kôom fwàʼà yo aŋghəa làŋ kə deē, sò kǔuwn mughu mùghù è fughu zəla Zuʼ tə̀ Zɔlɔ tə fughuu.

Gàlashìan 2:19

Abugho à lò ko â làŋ kò, Ǹ lo ko tǒ ghùw ù kpǔuw, à fi lo enyəa lâŋ kə̀ kôom ki yo daʼa ko a zəŋò mùghò, enyəa to M̀ mô mùghu aŋghəa Zə̀ kə̀ ləghaa.

Gàlashìan 6:14

Yia a bùghò, Ŋ̀ ki ko aletsɔɔ̄ fə̀ŋ an dǎaŋ kə Mughùbè ù sɛ̀, Yɛso Kə̀lestò. Ghəa a mbī a dzə̀m à lo kənughùnu â mùghò, yìa à lǒ tò mùghò m kpuw â ghəa a mbī gho.

Kòloshìan 2:20

Aŋghəa ghɛ̀ mò kpuw dzəəŋ nduw ghɛ̀ à ghê Kə̀lestò, ù mafə zê zə̀ghàa ghɛ am fàŋa kə daʼa kə shʉ̀ghà u mbī wo. À lò kə kwò ghɛ̀ sô lo tò ghɛ̀ naam mùghù ko an lwàŋ u mbī wo a?

Kòloshìan 3:3

Nu ghɛ̀ êzəŋ e lo tò ghî a kpuuwn gho, mughù zɛʼɛ zəa e nân doʼò a zəŋò Kə̀lestò, êzəŋ wəla ghɛ̀ à ghê Zə̀ kə̀ lo alo kəfəgha kə mɔ̀ʼ.

1 Pità 1:14

Tò wɛ ghəla ghe zuūw lâŋ kə Kəzə̀ kò; kà nlò kôom mùghù sùgho laaŋ kə emùghù kə̀là ghɛ̀ mò bùʼ mughù tsəghà ghè kò alo kəŋgòmsò, mò ghɛ̀ kwo yo səŋò e Kəzə̀ zò.

1 Pità 2:24

Ghuūghùe u Kə̀lestò ù mafə boʼò mbuŋ kə təbòo kə sɛ̀ kò alo kədàŋlo, enyəa tò sɛ̀ e lo tò ghî a kpuuwn gho abugho e bughò tɛ̌ tsughu aleghəŋlo ebo, sɛ̀ è mughu mughù e tsəghatsəgha zo. Fəŋ ghəla ù fə̀ kele mafə̄ baaŋ sɛ̀.

1 Dzɔ̌n 3:9

Ghùw wəla ù lo wɛ u Kə̀zə̀ ghə̂əŋ ndùuŋ yò bo zo, bòʼ mwam u Kəzə̀ ù lo a zəŋò wə̄n. Ù kòom yo dzə̂ aleghəəŋ bo zo, bòʼ à wə̄n dzə Kəzə̀.