Lumà 6:16 - To kə Kəzə̀ kə̀ Fughu ko

¹⁶ Ghɛ̀ kwo yo enyəa abugho ghɛ̀ boo tsughu alezuuw lâŋ kə ghûw kò tò ukɔ̂, ghɛ̌ fi lo ukɔ̂ â ghuw ù te a? Ghɛ̀ lo aledòʼò ùkɔ̀ â ghəa à biigh gho, ghə n nì wò èvʉ, ŋkāa ghɛ̀ e zuuw nduw â Zə̀ kò, to ghɛ̀ e mughu mùghù e tsəghatsəgha zo.

Lumà 6:16 Iomraidhean Croise

Matìo 20:4

ù n dzɛ̀ â ghee enyəa, Soʼ fwàʼa sùghò nlò an sum waŋā, Ǹ sô tsə̌a nù ghɛ â fəgha kəla kə kwuū ghəa zo. Ghe n sòʼ ndùw è sugho.

Matìo 6:24

Ghùw u mɔ̀ʼ yò aledzeŋe fwaʼā â ghì ghò a bə̀ghà alo e nə̀gha e mɔ̀ʼ. Abugho ù lò alefwàʼ êzə̀, ù sò bàa nù u mɔ̀ʼ, ù è ləghaa ù lì wən. Ŋkāa ù è ŋgee fwaʼā â u mɔ̀ʼ, ù è koʼō lʉghaa ù lì wən. Ghù yò alekɔʼso Zə̀ kò, kɔʼso sughò ùkua.”

Dzɔ̌n 8:34

Alebɛ̀lɛ̀ ndùw ghee, Yɛso n dzɛ̀ â ghee enyəa, “Kùmkùm, ghùw wəla ù ghəəŋ bo zo lo kəkɔ̂ â bo zo.

Lumà 11:2

Zə̀ kə̀ kâ ghì a wə̄n ghəla kə fə̀ ki shiāa to mbī e kaʼā tsughu tue màʼà dzə̀, ŋkāa ghɛ kwo yo fəgha kə̀là mwàʼsò kə Kəzə̀ kə̀ dzaā kuu ndùw Elaedzà a, aŋghəa ù fə̀ dîi tsû u wə̄n wo a te â Zə̀ kò kùu ndùw ghì ghə Ezə̀lɛ̂? Ù n dzâa tsùghu enyəa,

Lumà 12:1

Yia a bugho êzəŋ a waazə̂ ghaŋa gho, à lǒ bòʼ se è kwuso zəla Zə̀ kə̀ ŋge ki a zəŋò sɛ̀ M̀ buʼū wô ghu ko â ghɛ̀ enyəa; ghɛ̀ Fughu nduw nlò ghue zɛʼɛ zo â Zə̀ kò tǒ fughu kəla ghe sɛ̂ fughu nduw â wə̄n mò ghɛ̀ kuuwn naam lò â tuw ko, mò ghɛ̀ zɔlɔ nù ghəəŋ sùghò enyəa fə̀ŋ e wə̄n e zɔlɔ. Mən lǒ kɔʼso n sə̀ŋò məla ghɛ̀ ki alefughuu â Zə̀ kò.

Lumà 6:17

E sô kuuwn lò ko enyəa, a fughu kəzɔ̀ŋlò â Zə̀ kò enyəa ghɛ̀ ghəla ghɛ̀ mo bûʼ lô tsəgha kɔ̂ wò â ghəa a biigh gho, ghɛ̀ bwîi nù aŋ ghəa ghəla ghî ghəla ghe mo zoʼn ghɛ a te fə̀ fughu naŋa â ghɛ̀.

1 Kòlentìan 3:16

À lǒ mò ghɛ̀ məghaa nù enyəa ghɛ̀ lo tsughu e Kəzə̀ à, àsùghò enyəa Zuʼ tə Kəzə̀ tə̀ mughu a zəŋò ghɛ̀ a?

1 Kòlentìan 5:6

Fəŋ zəla ghɛ̀ tsɔ̂ɔ kaŋlō, ghəa a te a dzɔ̂ɔ dzə yò. Ghɛ̀ kwo ko nû enyəa sə fə mbvùŋ fə bughōo fə n nyəŋ kǎan ndùw tuʼ kə kəbɛ̄ kə dzəm enyəa kə kɔʼɔ kɔʼ a?

1 Kòlentìan 6:2

Ghɛ̀ kwo yo enyəa à lô mbī zən saʼâ ghì Kəzə̀ à zɔlɔ gho a? Êzə̄ŋ abugho ghɛ̀ lo ki alesāʼ mbī, ghɛ̀ kuuwn ghà kè nù alesāʼ làŋà n təsaʼ mən a?

1 Kòlentìan 6:3

Ghɛ̀ kwo yo enyəa sɛ̀ lo ki alesaʼ tsə̀təndə̄ghā tə Kəzə à? Abugho sɛ̀ kê lo alesaʼ tsə̀təndə̄ghā tə Kəzə̀, à fi lo enyəa sɛ̀ lo sughò nû alesaʼa ghəa ghî ghən fɛ am mbī!

1 Kòlentìan 6:9

Ghɛ̀ kwo yo enyəa ghî ghəla ghe yô dzə̂ tsəghatsəgha lo zəa yo fɔ̂e u Kəzə̀ wò à? E kwo ko fəgha kə li kə lô nɔɔ̄m ghɛ; ghùw ù li aŋ ghì ghən, ŋkāa à lò nùuŋ kə ghûw, ŋkāa wəla ù kɔʼsō mùʼù mò, ŋkāa wəla ù lǒ bwìkòʼ kò, ŋkāa ghînû ghəla ghe nyə̂əŋ dzəə̄ŋ ghue zo ghèe ghê yìnû à li gho,

1 Kòlentìan 9:13

À lǒ mò ghɛ̀ məghaa nù enyəa dzə zəa ko an dəŋò kəla ghe təŋò naŋā wə̄n a te a? Ghɛ̀ məghaa sughò nù enyəa ghî ghəla ghe fwaʼā an tsaʼ kəla ghî kɔʼɔ sâa fughu fʉgha wo a te zəa am fʉgha u te wo a?

1 Kòlentìan 9:24

À lǒ mò ghɛ̀ məghaa nù enyəa à dzèŋe nyəŋo tsə̀ghà ndə̀mà tə aghì abugho ghe bânlo alenyəŋ a, à ŋ kuuwn nyəŋ zə ko ghùw ù mɔ̀ʼ namso kə te ko a? Ghɛ̌ fi ki aledə̀mà təla tsughu alenyəŋo zə namso kə te ko.

2 Pità 2:19

Ghê wàdè ghə agha a te a zoʼn ndùw ghee a te gho enyəa ghe e ndzə̀m mughu, lo êzə̀ mo ghuūghùe e ghee lo ukɔ̂ â bo zo. Zə êzə lo bòʼ enyəa abugho ghəa enyə tughu tsughu a zəŋò ghùw, ghùw ù te m fwə̀n dòʼò ndùw kə̀kɔ̂ a bǎà ghəa e te zo.