Lumà 6:13 - To kə Kəzə̀ kə̀ Fughu ko

¹³ E kwo ko ghùw wɛʼɛ lò so e nîi kɔ̀ʼɔ̂ bà kə ughùe kə wən kə̀ li ko ù naŋā tsughu tò fəgha kə kəfwàʼ kə ebō. Laam fùghù nduw nlò ghùe zɛʼɛ zo â Zə̀ kò, tò ghî ghəla ghe baāŋ nughù sə tsughu aŋ ghu kə evʉ, naŋa wò ghee â tuw ko enyəa ghɛ̀ e mughu mùghù è fughu zo. Naŋa tsughu nlò ghùe zɛʼɛ zo e dzə̀m zə elo tò fəgha kə kəfwàʼ kə Kəzə̀ kəla kə lô tsəghatsəgha.

Lumà 6:13 Iomraidhean Croise

Lumà 12:1

Yia a bugho êzəŋ a waazə̂ ghaŋa gho, à lǒ bòʼ se è kwuso zəla Zə̀ kə̀ ŋge ki a zəŋò sɛ̀ M̀ buʼū wô ghu ko â ghɛ̀ enyəa; ghɛ̀ Fughu nduw nlò ghue zɛʼɛ zo â Zə̀ kò tǒ fughu kəla ghe sɛ̂ fughu nduw â wə̄n mò ghɛ̀ kuuwn naam lò â tuw ko, mò ghɛ̀ zɔlɔ nù ghəəŋ sùghò enyəa fə̀ŋ e wə̄n e zɔlɔ. Mən lǒ kɔʼso n sə̀ŋò məla ghɛ̀ ki alefughuu â Zə̀ kò.

Lumà 6:16

Ghɛ̀ kwo yo enyəa abugho ghɛ̀ boo tsughu alezuuw lâŋ kə ghûw kò tò ukɔ̂, ghɛ̌ fi lo ukɔ̂ â ghuw ù te a? Ghɛ̀ lo aledòʼò ùkɔ̀ â ghəa à biigh gho, ghə n nì wò èvʉ, ŋkāa ghɛ̀ e zuuw nduw â Zə̀ kò, to ghɛ̀ e mughu mùghù e tsəghatsəgha zo.

1 Pità 2:24

Ghuūghùe u Kə̀lestò ù mafə boʼò mbuŋ kə təbòo kə sɛ̀ kò alo kədàŋlo, enyəa tò sɛ̀ e lo tò ghî a kpuuwn gho abugho e bughò tɛ̌ tsughu aleghəŋlo ebo, sɛ̀ è mughu mughù e tsəghatsəgha zo. Fəŋ ghəla ù fə̀ kele mafə̄ baaŋ sɛ̀.

Kòloshìan 3:5

Ghɛ̌ fi ki aleŋgəmso kûm tuū maʼà ghəa a mbī ghəla gwən e ughùe è ləghaa, ghəa a te a lo tǒ; ghəa à nuūŋ kaaŋ ghə eghùe ghò, àsùghò aleghəəŋ dzə̀adzə̀ tə aghəa to, àsùghò alemōʼn təla ko aleghəŋlo èbo, àsùghò enyəa ghue u ka e nughuun ghû abugho ghù kòʼ nduw wìzən ŋkāa wìnû, àsùghò alesəa â sə gho am fʉgha u mbī wo, mò à fi lo sugho tǒ zʉ̀ ù li wo ghî a kɔʼso.

Lumà 7:5

Tɔŋlo enyəa nəgha zəla sɛ̀ mò naam mughu mughù e mbī zo, a ŋ ki mmbuuw aleghəəŋ ghəa a biigh gho, mò à soʼn kɔʼɔ kəlâŋ enyəa a e fəghaan ghəəŋ ghəa à biigh a te gho. Sɛ̀ m fwaʼà fughuu ndùw â vʉ zo.

1 Pità 4:2

A m bùghò ù ghəŋlo êzə̀, ù n lo alemùghù mùghù è wə̄n e dzə̀m am mbī aŋghəa Zə̀ kə̀ ləghaa, mò à yò dzə̂ aŋghəa gwən e ughùe è ləghaa.

Kòloshìan 2:13

Yia a bughò ghɛ ghəla ghɛ̌ fə̀ lo tò ghî à kpuuwn gho bòʼ ghəa ghɛʼɛ à biigh gho, aŋghəa ghɛ̀ mò naam lo mò ghɛ̀ kaām boo fughu dzə̀ â Zə̀ kò, Zə̀ kə̀ ŋ ghəŋlo enyəa ghɛ̀ koōm doʼo wo â tuw ko am bàm è Kə̀lestò aŋghəa ù fə̀ ghuūw maʼà ghəa a sɛ̀ à biigh gho a dzə̀m.

1 Kòlentìan 6:20

Zə̀ kə fə̀ tuw wɛʼɛ u zue sə wo aŋ wən è tughu zo. Ghɛ̀ ki alenaŋā tsughu gwən e ughùe zɛʼɛ̄ alekɔʼso Zə kò a te.

1 Dzɔ̌n 1:9

Abugho sɛ̀ kûm boo tsughu enyəa sɛ̀ ghəəŋ nù ghəa à biigh gho, sɛ̀ yia a mʉŋē aŋ ghəa a te gho a sə̀a Zə̀ kò, kə lo ghuūw maʼà bòo tə sɛ̀, kə sùuw maʼà sughò sɛ̀ aŋ ghəa a sɛ̀ à biigh gho. Tɔŋlo enyəa Zə̀ kə̀ lo tsəghatsəgha, chia kə naāŋ sugho to kə wə̄n ko.

1 Kòlentìan 6:15

À lǒ mò ghɛ̀ kwo yo enyəa ghɛ̀ lo nyùŋ u ughùe u Kə̀lestò. À lǒ mò Ŋ̀ ki nû alenìi kɔʼ nyùŋ kə ughùe kə Kə̀lestò Ǹ ndûw təmadzəə̄ŋ kɔʼ ghèe ghê kpàlà kò à? Ɛ̂ŋgaŋ dzə̂, Ǹ tso yò.

Efɛsùs 2:5

Aŋghəa sɛ̌ fə̀ bûʼ lô ko tò sɛ̀ kpuw dòʼò nù bòʼ ghəa a sɛ̀ à biigh gho, Zə̀ kə̀ ŋ ghəəŋ tsughu enyəa sɛ̀ e dzeŋe mughu sɛ̀ à ghê Kə̀lestò. À lo dzɔ̂ zəla Zə̀ kə mò dê tsughu â ghɛ e mò ghəŋlo enyəa ghɛ zə tuw ko.

Fèlepìan 1:20

Ləgha zaŋa, àsùghò mòʼn zaŋa zo, lo enyəa, e kwo ko Ŋ̀ kê bvʉ̂a kôʼ am fwàʼ kaŋa, à è tsoo səasəa êzə̄ŋ a, àsùghò an nə̀gha tən tə̀ dzə̀m à, to Ǹ lo e ki fə̀ŋ, ghue waŋa u dzə̀m wə̀ è fughuu sugho kɔʼso mò â Kə̀lestò, ŋkāa Ǹ lo â səa à tughu gho ŋkāa M̀ kpuw ko nû.

1 Kòlentìan 6:9

Ghɛ̀ kwo yo enyəa ghî ghəla ghe yô dzə̂ tsəghatsəgha lo zəa yo fɔ̂e u Kəzə̀ wò à? E kwo ko fəgha kə li kə lô nɔɔ̄m ghɛ; ghùw ù li aŋ ghì ghən, ŋkāa à lò nùuŋ kə ghûw, ŋkāa wəla ù kɔʼsō mùʼù mò, ŋkāa wəla ù lǒ bwìkòʼ kò, ŋkāa ghînû ghəla ghe nyə̂əŋ dzəə̄ŋ ghue zo ghèe ghê yìnû à li gho,

Lumà 6:19

Ŋ̀ ghəa ghən fɛ â ghɛ̀ kə̂aa wo tò ghùw nsɔ̌ɔŋnchùw, tɔŋlo enyəa ghəa à li a lo nû a tughuu â ghùw alezuūwkɛlɛ. À fə̀ bugho an tì kə̀ li ko, ghɛ̀ n nì kɔ̀ʼ ghùe zɛʼɛ naŋa tsughu tò ukɔ̂ aleghəəŋ kaaŋ tsə̀ghà dzə̀adzə̀ tə aghəa to àsùghò ndə̀mà tə ghəa a biigh to a te. An ndziī è mɔ̀ʼɔ è te, ghɛ ni kɔʼ sugho ghue zɛʼɛ zo e dzə̀m tò ukɔ̂ aleghəəŋ ghəa ghəla a lǒ tsəghatsəgha, ghəla a ghəŋlo enyəa ghùw e zɔlɔ.

2 Kòlentìan 10:4

Fʉgha u tsam u sɛ̀ ù yo dzə tò u ghì a mbī wo, u kuuwn ki daʼa kə Kəzə̀ aletəma sâʼ luʼū təla ghîikətuw a sɛ̀ à bəgha doʼò kaŋlo a te.

Lumà 6:11

An dzîi è mɔ̀ʼɔ, a lò sugho êzə̀ vʉ e kôom ki yo daʼa ko a zəŋò ghɛ̀, ghɛ̌ êzəŋ e kuuwn mughu â Zə̀ kò aŋghəa ghɛ̀ lô fəgha ko kə mɔ̀ʼ ghɛ̀ à ghê Kə̀lestò Yɛso.

Efɛsùs 5:14

Zə̀ lò e ghee ghe dzâa tsughuu enyəa, “Hɛɛ mugho fə̀ŋo tə̀mgbii, zôo nùghu kɔʼ alo evʉ̄, ghù tee kɔʼ alò fwē, tò Kə̀lestò lo ghəŋlo tsə̀ e wən e tughuu a zɔŋɔ ghù.”

2 Kòlentìan 8:5

Ghe ŋ ghə̂əŋ ghəa ghən an dziī zəla ghǎʼ mò buʼù moʼn yo ghe zò, fùghù ndùw dzə̀ ghue e ghee â Mughu ù te, daŋso fùghù wò â ghàʼ, aŋ ghəa Zə̀ kə̀ ləghaa.

2 Kòlentìan 5:15

Kə̀lestò fə̀ kpuw an tuw u ghì ghə̀n à dzə̀m, enyəa ghî ghəla ghe mughu ghe ka mùghùu dzə̀ aŋ ŋgə̀ŋ è ghee; ghe e mùghù an zən e wə̄n wəla ù fə̀ kpuw kɔʼsə alo evʉ aŋ tuw u ghee.

Lumà 7:23

Yìa à sò kuūwn lô ko enyəa lâŋ kə̀ nughù kə̀ lo nû kə zughù kaāŋ tsəgha a zəŋò mùghò ghèe kəla Ŋ̀ gaʼ fə̀ŋ zaŋa a te, mo lâŋ kə te kə ghəəŋ nù yìa Ǹ doʼn ndûw kɔ̂ kô â bo zo.

Lûk 15:32

E dzɔ̂ɔ nù enyəa to sɛ̀ mô zə, a duʼnlo, tɔŋlo enyəa wàazùghù fɛ lo tò ù fə̀ kpuw nû, vʉ̀a ù kòom zôo wô ebàm. Ù maā lâʼ mìa, yia a kôom koʼ wə̄n ebàm.’”

Dzɛ̂ms 4:1

À ghə̌əŋ tsə̀ghà kə̀ kwò enyəa ghɛ̀ è təma tsàm aŋ ghùe zɛʼɛ̄ à, zùghù sùghò a? À lò ləgha zəla ghɛ̀ ki am fʉgha u mbī u ghəŋlo enyəa ghɛ̀ e tema tsàm aŋ ghue zɛʼɛ.

Lumà 1:29

Ghe n lo mo ghəa à biigh ghə ŋ ghee alo tə fə̂ŋ lue dòʼò: ghəa a te a lo ebo, sə̀ à səa gho. Ghe ki kəmʉ̀nlo, à kʉ̀mè zo, winlo àghì, bàa eghue, tsèe kàŋlo àghì, ki kəghòʼ, màʼn sùghò tə̀fom.

Dzɔ̌n 5:24

Kùmkùm, aŋghəa Ǹ dzâa wô fɛ â ghɛ̀, ghùw wəla ù zuw shwaʼ waŋa wo, boo fùghù ndùw â wə̄n wəla ù mò tum wô mugho lo kele nù mughù è doʼn təla zo, ghe kê dzùuw màʼn yǒ wə̄n; tɔŋlo enyəa ù n nùghù sə̀ wò alo evʉ̄, dòʼò wò â tuw ko.

Lûk 15:24

nu wɛ waŋā wə̄n fɛ̀ lǒ tò ù mò kpuw nû, vʉ̀a ù kòom kɔʼsə̄ alo evʉ̄, ù mafə̄ lâʼ mìa yia a kôom kôʼ tsughu wə̄n.’ Zə kə fi daŋso zìi tsùghù nû êzə̀.

2 Tɛ̀sàlonìan 2:12

Ghəa ghən fə̀ lo enyəa ghe lo fɔeso ghee bòʼ ghe mò ləghaa aleghəəŋ ghəa à biigh gho, kuuwn tuu alebôo ghəa zəla e lo èsəŋò.

2 Kòlentìan 5:14

À sɛ̀ fɛ̀ êzə̄ŋ ki ləgha zəla Kə̀lestò ki â sɛ̀, aŋghəa sɛ̀ zuwkɛlɛ̄ tsughu dzə̂ enyəa ghùw ù lì maā kpuw an tuw u aghî a dzə̀m, à fi lo enyəa sɛ̀ a dzə̀m maā kpuw sùghò.

2 Timotì 2:15

E dəmā təla tsughu enyəa ghù è lo ghùw ù kə̀fwàʼ wəla Zə̀ kə̀ tsoʼn ghèe wə̄n, ghùw ù kə̀fwàʼ wəla ù də̀nsò yô tuw ko, wəla ù tèlè kwu kele shwaʼ u Kəzə̀ wə̀ êsəŋò wo aŋ ghu kə̀ dzûŋ kò.