Lumà 6:12 - To kə Kəzə̀ kə̀ Fughu ko

¹² E kwo ko bo e lǒ so e kòom kele daʼa kə li ko aŋ gwə̀n e eghùe zɛʼɛ zəla e lo doʼn təla yo, aŋghəa e lô aletsəə̄n nduw ghùw aleghəə̄ŋ ghəa à biigh ghəla gwən e ughùe e ləghaa.

Lumà 6:12 Iomraidhean Croise

Lumà 13:14

Ghɛ̀ dzəla kele tsughu Mughu ù te Yɛso Kə̀lestò a zəŋò ghɛ̀ tò təndzʉ, àsùghò enyəa e kwo ko ghɛ̀ lô naāŋ tuw ko aŋ ghəa ghəla gwən e ughùe e zɛʼɛ e ləghaa enyəa ghɛ̀ e ghəŋlo.

Lumà 2:8

Yia kuuwn bugho â ghì ghəla ghe kwo tsughu ko ghue e ghee zo, ghuu màʼnlo e sə̀ŋò, kuuwn tughuu nyəa ndùw aŋ ghəa biigh gho, ghe lo kòʼò tsughuu nyə aŋ ghùu fɛ̀ɛn kə nʉ̀ghà u Kəzə̀ ù pfʉa wo.

Lumà 5:21

Tò aŋghəa daʼa kə ebo kə fə̀ nî wô vʉ zo, à lò sugho eghəla dzɔ̂ è Kəzə̀ è ki daʼa ko aleghəŋlo enyəa ghuw e lo tsəghatsəgha â wən alekele mùghù è doʼn təla zo am bàm e Yɛso Kə̀lestò Mughùbè ù sɛ̀.

Lumà 6:14

Bo e lo kòom kì yo daʼa kə̀ li ko a zəŋò ghɛ̀, mbuu ghɛ̀ kôom yò dzə a tsəlà làŋ kò, nu ghɛ̀ êzəŋ kuuwn mùghu an dzɔ̀ e Kəzə̀.

Lumà 6:16

Ghɛ̀ kwo yo enyəa abugho ghɛ̀ boo tsughu alezuuw lâŋ kə ghûw kò tò ukɔ̂, ghɛ̌ fi lo ukɔ̂ â ghuw ù te a? Ghɛ̀ lo aledòʼò ùkɔ̀ â ghəa à biigh gho, ghə n nì wò èvʉ, ŋkāa ghɛ̀ e zuuw nduw â Zə̀ kò, to ghɛ̀ e mughu mùghù e tsəghatsəgha zo.

Lumà 8:11

Abugho e kuuwn lô enyəa Zuʼ tə Zə̀ kəla kə fə̀ zôm nughu kɔʼ Yɛso alo evʉ lo nû a zəŋo ghɛ̀, e fi lo enyəa wə̄n wəla u mò zôm nughù wo Kə̀lestò Yɛso alo evʉ lo ghəəŋ nù ghue zɛʼɛ zəla e kpuūw lo kôm kele èmùghù, bòʼ Zuʼ tə Kə̀zə̀ təla tə lo a zəŋò ghɛ̀.

Lumà 8:13

Tɔŋlo enyəa abugho ghù mughu aŋghəa ghue u ghûw ù ləghaa, ghù lo kpuw. Abugho ghù kuuwn nî kɔʼ daʼa kə Zuʼ tə̀ Zɔlɔ to wì màʼà tsughu ghəa à biigh ghəla a lo a zəŋo ghùe u ghùw a te, ghùw ù te lo mughù.

2 Kòlentìan 4:11

Aŋ ghəa sɛ̀ lô â tuw ko, a lo ko fʉgha u evʉ̄ aŋ ghəa e Yɛso, enyəa to ghî à mô koʼò wô mùghùu e Yɛso aŋ gwə̀n e eghùe e sɛ̀ zəla e kpuūw.

2 Kòlentìan 5:4

Tɔŋlo enyəa aŋghəa a naam lo aŋ gwə̀n e ughùe e wii zən, sɛ̀ sɔɔ èghue alo mbūuw an ndə̀mà tə utsù təla tə dəla â zəŋò ghàʼ; à yò dzə̂ enyəa a ləghaa alekpuūw naŋa taʼà tsughu gwən e ughùe zən, à lò enyəa Zə̀ kə̀ è lo alebaʼsō wô mùghùu è fughu zo a zəŋò sɛ̀, to gwən e ughùe zəla e doʼò tən kwuū ŋgwûu tsughu fəgha kə evʉ̄ kən.

Gàlashìan 5:16

Ǹ so ŋ kuūwn dzâa wô â ghɛ̀ enyəa, mùghù tsughu nlò aŋghəa zəla Zuʼ tə Zɔlɔ tə deē enyəa ghɛ̀ è mughu a te, tɔŋlo enyəa abugho ghɛ̀ mughu êzə̀, ghɛ̀ e ke ghəəŋ yo ghəa ghəla gwən e ughùe zɛʼɛ e ləghaa.

Gàlashìan 5:24

Ghî ghəla ghe lô ghî a Kə̀lestò Yɛso ghò, ghe lo ko to ghe n təghàa nàŋa gwən e ughùe e ghee zo alo kədàŋlo àsùghò laan tə aghəa təla gwən e ughùe e ghee e ləghaa.

Efɛsùs 2:3

Sɛ̀ a dzə̀m mafə mughù sùghò tǒ ghee, aŋghəa gwən e ughùe e ghûw è ləghaa aŋ ki sugho moʼnlò è biigh zo tǒ ghee. È li lo enyəa ghe mǒ sɛ̀ dzə tò ghî ghəla Zə̀ kə̀ ki aledè nʉ̀ghà u wə̄n u pfʉa wo a zəŋò ghee, tò aŋghəa kə ghəŋlo â ghì ghən a dzə̀m.

Efɛsùs 4:22

Zə̀gha màʼa nlò mughù è wii zəla ghɛ̀ mò bûʼ mughù tsəgha ghè zò, mughù e te e mò seē məŋso ghɛ, ghɛ̀ ŋ ghə̂əŋ ghəa ghəla a wiīn ghɛ alo fətsə̀tèʼè.

1 Tɛ̀sàlonìan 4:5

mò à yò dzə̂ tò aŋghəa ghî ghəla ghe kwo yo Zə̀ kò, ghe səā â sə gho aŋ ghəa ghəla yîzən a ghəŋlo.

2 Timotì 2:22

Zə̀gha màʼà ghəa à biigh ghəla ghâŋ fə̀ ləghaa aleghəŋlo. E dəma ko enyəa fə̀ŋ zə̀ghà e lo a zəŋò Kə̀lestò, ləgaa àghì, mùghù alo ebughunlo, lò sugho tsəghatsəgha. E fwàʼà ndùw êzə̀ ghɛ̀ à ghê ghî ghəla ghe kûu dîi dzâa nduw ghəa a ghee gho â Mughu ù te am fə̀ŋ è zɔ̀lɔ.

Taetùs 2:12

Dzɔ̂ e Kəzə̀ zən zoʼn wò sɛ̀ enyəa sɛ̀ tuū maʼà tsughu mughùu zəla à yò dzə̂ mughùu e ghì a Kəzə̀ zò, a ka fə̂ŋ tə̀ gaʼ sùghò am fʉgha u mbī wo, àsùghò enyəa sɛ̀ è naŋso tsughuu kə ebwìi kə sɛ̀ kò aŋ ghəa a sɛ̀ à ghəəŋ gho, sɛ̀ è ki fə̂ŋ tə̀ dzûŋ tò, mùghù sugho aŋghəa Zə̀ kə̀ ləghaa enyəa to a mô mùghu fɛ a te am mbī zən.

Taetùs 3:3

M̀ fɛ dzàa tɔŋlo enyəa an tì kə̀ li ko ghue e ughùe e sɛ̀, sɛ̌ fə̀ buʼ lo ghî à laʼso gho, sɛ̀ n zuuw yo â Zə̀ kò, ghəəŋ boon sùghò àghəa, ghe n sè məŋso sùghò sɛ̀, sɛ̀ m fə̀n dòʼò ndùw ùkɔ̀ a bâa fʉgha u mbī wo. Sɛ̀ m mughu aŋ kə̀f kə ebō, ki sugho kəmʉ̀nlo am fʉgha ù aghì. A m bâa ghì ghə̀n àdzə̀m, ghî ghə̀n à dzə̀m m bâa sùghò sɛ̀.

1 Pità 1:14

Tò wɛ ghəla ghe zuūw lâŋ kə Kəzə̀ kò; kà nlò kôom mùghù sùgho laaŋ kə emùghù kə̀là ghɛ̀ mò bùʼ mughù tsəghà ghè kò alo kəŋgòmsò, mò ghɛ̀ kwo yo səŋò e Kəzə̀ zò.

1 Pità 2:11

M̀ buʼu kə̀ghu â ghɛ̀ a fən ghaŋā gho, ghɛ̀ tò ghì ghəla ghe bwîin nyə wô nû fɛ am mbī àsùghò ghəla ghe nɔe mughu. Nǐi nùghuu nlò moʼn zɛʼɛ zo am fʉgha wəla gwən e ughùe e ghûw è ləghaa, tɔŋlo enyəa fʉgha u te u tɔɔŋ tsàm a zəŋò ghue zɛʼɛ zo.

Dzûd 1:16

Ghî ghən kwo ko alenyuūŋ kə̂a àghəa, àsùghò alekəŋ utsû â ghì à li gho, ghe ndûuw ko aŋ ghəa a ghee à biigh ghəla fə̂ŋ tə ghee tə ləghaa. Ghe tsɔ̂ɔ kǎaŋ tə̀fə̀ŋ aŋ ghùe e ghee, ghî ghən ki dzughu è kpəŋo zo alenɔɔm zəa ghî gho a te.

Dzûd 1:18

Ghe fə̀ dzɛ â ghɛ̀ enyəa, “A kê bugho an tsuʼu məla ŋ gùŋso tsughu, ghî a li a kê bùghòo nù ghe e tsoʼo ghɛ, aghî mo ghe kəŋo kô aleghəəŋ ghəa ghəla Zə̀ kə̀ ləghaa yo.”